هذا وحظي طول الايام مـا مـال...راسي رفيع عند سئـال ومجيـب

[معلومات العضو الجوهره]

الضايعه تبدأ مـن القيـل والقـالل= و كان ماللخلق عنـدك مطاليـب
دنياك لو تغري مقامـك بالاقبـال= عن وجهها جود لكفـك مقاضيـب
اقضب عنان العقل عن كل مختال= ولاتوقف ماقـف الشـك والريـب
كم هرجة يفرط بها حرص عـذال=تظهر فوات الحرص عند الأجانيب
ويركب ظهرها كل مبغض وختال=ويسوقها سوق العرب للمناجيـب
الناس دون احساس ماترحم الزال=الا عليـه يوثقـون التعاجـيـب
مشاكل ايامك عريضات وطـوال=تفرق بها خبث النوايا من الطيـب
هذا وحظي طول الايام مـا مـال=راسي رفيع عند سئـال ومجيـب
حنيفي بالفعل من حومـة ابطـال=حقي من التاريخ بيض المكاتيـب
من فضل رب بالخفا يعلم الحـال=نارد على عسر الموارد ليا هيـب
ياللي تحسب العز في كثرة المـال=فقد الجماله وتجمـل هـو العيـب
العود لو هو ميـت جالـه ظـلال=جاله ظلال عن سمـوم اللواهيـب
المال مثل الفي في كـل الاحـوال=حظ من اللي يعلم السـر والغيـب
من لايموت الحظ به مات ماطـل=ولاغنم يـوم السعـد بالمواجيـب
الدين عز ورايته طيب الاعمـال=وفزعة خفا على النقا للأصاحيـب
وثق كلامك فالمواقـف بالافعـال=ولاتطاول من على حق ومصيـب
اصبر على الميلات والرب حلال=الصبر مفتاح لصاف المشاريـب
الصبر مفتاح الفرج مابه اشكـال=يرقا به الرجال روس المراقيـب
هذا وانا بوصيـك بمبـادر الفـال=الفـال يارجـال مايلطمـه ذيـب

الامير عبد العزيز بن سعود بن محمد ال سعود

 

 

 

 

[معلومات العضو سعد المقابله]

الدين عز ورايته طيب الاعمـال = وفزعة خفا على النقا للأصاحيـب
وثق كلامك فالمواقـف بالافعـال = ولاتطاول من على حق ومصيـب
اصبر على الميلات والرب حلالال = صبر مفتاح لصاف المشاريـب
الصبر مفتاح الفرج مابه اشكـال = يرقا به الرجال روس المراقيـب
هذا وانا بوصيك بمبـادر الفـال = الفـال يارجـال مايلطمـه ذيـب

صح الله السانك والسان الشاعر

انتقاء متميز

 

 

 

 

[معلومات العضو الجوهره]

حياك الله أخوي الشامخ ولا هنت عالمرور الطيب...

 

 

 

 

[معلومات العضو نايف]

صح لسان الشاعر ومشكووووره يالنادره على الاختيار الجميل


تقبلي تحياتي ,,,

 

 

 

 

[معلومات العضو غياث]

صح لسان شاعرها..... وتســــلم يمناك يا النادرة...

 

 

 

 

[معلومات العضو الغييثي]

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
صح لسانك النادره على هذه القصيده التي بصراحه أعجبتني قمت الإعجاب وأقول الله إيوفقك على بذل الكثير من هذه القصائد.

أخوكم / الغييثي (من الخرج)

قصيده جزله يالجزل

 

 

 

 

[معلومات العضو الجوهره]

حياكم الله يالنشامى ولا هنتو على المرور الكريم أخواني...

 

 

 

 

[معلومات العضو محمد مناحي الودعاني]

صح لسان الشاعر ومشكووووره يالجوهره على الاختيار الجميل


تقبلي تحياتي ,,,

 

 

 

 

[معلومات العضو الشقرديه]

صح لساااان الشااااعر وماقصرتي