قصيدة حــارق الوجـد

[معلومات العضو الصقر]

عظم الله أجر قلوب الشعراء , وأعانهم ساعة انفجار براكين الشعر في صدورهم..
قصيدة للشاعرة نورة الخاطر

صدري غرابيل الــــزمن عذبنه = وصوتي حزينات الليالي تناديه
ياصاحبي وإن جرت الروح ونه=لاتستريب و(حارق الوجد) غنيه
اعزف نغم يرحل مع الليل لحنه=يوصل مداه أمواج قلبي مع التيه
وأفــــز له وأضم خوفه وحزنه=من غفوتي وأوجاع عمري تناغيه
عبر الأثير يداعب الشوق غصنه=تصيح له مشاعر القلب:لبيه
تعلن عذاب شهور وسنين منه=وتشكي معاناتي وتزهر لياليه
وحتى ولو أن السعادة مظنه=يبقى الفرح في عالمي هم أعانيه
ويبقى العذاب بعالم الناس سنه=طريق كل الخلق لازم تخاويه
وتبقى تراتيل الوجع مرجهنه=في قلب من يبكي على فقد غاليه
العمر غالي والصبر درب جنه=لاباس ياعمر الشقاء وش تواليه؟
تاليه خير وفرحة الشوق رنه؟=ولاحضوره في دجى الليل كاويه؟
ورسايل الأشواق عنوان فنه=يردد صداها من على البعد مشقيه
صدر تعذب بالخفى وسدنه=سود الضماير حاميات تصاليه
مأجور لاتغضب ولاتزيد لعنه =على خطى الأوجاع شعرك تماشيه
تسكب حروفك في معانيك كنه=حنين في تحنان بحر يناجيه
وقصايدك ياقلب تشهد بأنه=مازاد ينقص لو على الجمر طاويه

 

 

 

 

[معلومات العضو ابن غياث]

لاهنت يالصقر على نقل القصيدة وصح لسان الشاعره

 

 

 

 

[معلومات العضو نايف]

صح لسانك ولسان الشاعره لاهنت يالصقر ,,,,

 

 

 

 

[معلومات العضو محمد ال بو زمام]

السلام عليكم ورحمة الله وبركاته


لاهنت اخوي ( الصقر ) وعساك على القوه .

ونتظر منك الجديد .

والى الامام

 

 

 

 

[معلومات العضو تركي ال فنيس]

لاهنت يالصقر علي النقل الرائعه

 

 

 

 

[معلومات العضو هند]

الصقر
صح لسانك ولسان الشاعرة نورة

أبيات حلوة وإختيار موفق



هند

 

 

 

 

[معلومات العضو الصقر]

مشرفنا القدير ماجد المهنا

اشكر لك حضـورك الذي عطر متصفحي

 

 

 

 

[معلومات العضو الصقر]

ابن غياث أسعدني حضورك وتعليقك