وش يفك الابهـــر يارجاجيل ؟؟؟؟؟؟؟؟؟

**معلومات** **العضو** · 25-04-2007, 02:17 AM

صبحكم الله بالخير ....

اليوم عقب ماقفيت من عند رجال كنت اسولف معه الا وهالابهر اللي يمشي طبلونه لاذعني من رقبتي

لين نصف ظهري من تحت كتفي الايمن ولهالحين وانا تقل متشنج اللي منكم يعرف له حل لايبخل علي

مع العلم اني رحت للمستشفى وعطوني حبوب وهالكلام على الظهر والديره اللي انا فيها مافيها من

يكسرون الابهر

يالله دخيلك

**معلومات** **العضو** · 25-04-2007, 02:30 AM

الله يكون في عونك ويعافيك عزالله انه يدبل الكبد

ننتضر اصحاب الخبره يعطونك الحل ان شاءالله

واللي اخبر انه يطق من الضهر وفيه ناس يطقونه من الابهام

طبعاً هذولي اصحاب الخبره

**معلومات** **العضو** · 25-04-2007, 12:38 PM

الله يعينك ويعطيك الصحه والعافيه

واظني الحبوب ما تنفع

ما ينفع الا علاج طبيعي ولا طب شعبي

**معلومات** **العضو** · 25-04-2007, 01:07 PM

سلامات ياخو الشيوخ بس والله مدري وش الابهر اللي يمشي طبلونه ولذعك من رقبتك؟؟ توقعت نحلة والادبور اوي شي من ذا الحشرات اللاذعه مع العلم ان خبري ان الابهر هو شريان يخرج من القلب ويحمل الدم والغذيات للجسم ... اذا تقصد هذا الشريان الابهر فعلاجه بعد الله التدليك (يستحسن بكعب القدم) في المنطقه اللي تحس فيها بالام وان شاء الله يزول العوار منك ... واقطع التدخين اذا انت مدخن وانصحك بالحجامه

اخوك جمعاني_غييثي

**معلومات** **العضو** · 25-04-2007, 02:12 PM

الأخ أخو الشيوخ

تمنياتي لك بالشفاء العاجل أنشاء الله.

في دهان موجود في الصيدليه أسمه >>(أدهن منه مرتين في اليوم مع تدفئه المكان في بطانيه وأنصح

بعدم الخروج من المنزل اليو وغدا)

Deeb Heat

**معلومات** **العضو** · 25-04-2007, 03:01 PM


	اخو الشيوخ0 سلاااااااااامتك الف سلامه والله انه ضاق صدري من شكواك0 لكن ودي اعرف انت تقصد منها الم وشد بالرقبه والظهر؟؟؟؟ اذا كان كذا فيه (سبخه)يسونها الحريم الكبار وهي عباره عن عجين مخلوط باشياء اخرى ويكون دافي ويوضع على مكان الالم مره ومرتين ويروح االام بأذن الله بس لازم يكون عندك احد يسويها لك 00 ومره ثانيه ماتشوف شر0

**معلومات** **العضو** · 29-04-2007, 09:45 AM

الله يسلمكم جميع ولايوريكم اللي شفته

طيب ياخيتي شوق وين هالسبخه توجد غير عند كبيرات السن

وعلى مافهمت انك تقصدين هل البسطات اللي بالاسواق الشعبيه لاني بديرة مافيها هالناس

وسلمت يابو نواف على وصفك لهالمرهم مير ياخوك هالابهر من عرفته وانا امرخ نفسي بمثله ولافاد

دايم الدوم يجيني ولايروح مني الا بعد مايوريني الويل

وودي من عنده خبره بهالمجال او يعرف احد له خبره

لايبخل علي تراه الى اليوم وهو مابعد مات

وبصراحه بعد هاللي صابني ودي بفتح منتدى خاص بالطب الشعبي وخصوصا لمثل هالابهر وشرواه

**معلومات** **العضو** · 01-05-2007, 12:41 AM

الله يعينك ويشفيك إن شاء الله

**معلومات** **العضو** · 01-05-2007, 01:26 PM

الله يعينك ويشفيك إن شاء الله

**معلومات** **العضو** · 01-05-2007, 01:28 PM

آآآمين

ولايحرمك الاجر

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية