قصيدة عن رحيل الشجاع صدام.. تستحق القراءة !!!

[معلومات العضو ابن وتيد السباعي]

قصيدة عن رحيل الشجاع صدام.. تستحق القراءة !!!









ريوف الشمري ...........قصيده جديده

ثقيـل الليـل وعيونـي عَصَيّـه=غَدَت لي فـي ظلامـه حاتِمِيّـه
أغالب دمْعهـا و الدمـع غالـب=و لابه خَدّ ما هـو لـه ضِحيّـه
تِطاول في ظـلام الليـل حزنـي=و ضاقت بـي وَسـاع المهْمِهيّـه
همومٍ فـي همـومٍ فـي همـومٍ=تِضيق بْهـا حـروف الأبجديّـه
أحس من الغضب فالصَدْر بِـذره=تِمِصْ مـن العـروق الشمريّـه
و كم بذرةْ غَضَب قبْلهْ بِصـدْرِي=نِمت وَ اوْراقهـا خِضْـرٍ نِديّـه
نِمت حتـى غـدا وآرف ظِلالـه=مِقيـلٍ ياسـع هْمـوم البِـريّـه
قِتيل الغبْـن و الحسـرات قلبـي=و لا له في سُلُـوم الغبْـن دِيّـه
غَبِن مما أرى و اسْمع و أعايـش=صور تِثْقِـل فضـاء الشاعِريّـه
شِتات و ضعْف و اسْتِعمار غاشم=يبـونـا نقْبَـلـه و بأرْيَحِـيّـه
وِ آخِرْهـا وَ لاهـي بالأخيـره=مَعَ المشنوق في عِيـد الضِحيّـه
مَعَ اللـي زاد موتـه و بْجـداره=سِجـلات الخـنـوع اليعْرُبـيّـه
مَعَ اللي منْظـر اعْدامـه ذَهلْنِـي=له اللّْه منْظرٍ وِشْ هـزّ فِيّـه؟!!
رُفض يِخْفي عن الجلاد و جهَـه=وِ قابَـل كالجِبَـل وجْـه المِنيّـه
له اللّْه كيف ما غمّض و لا ارْمش=و لا هـزّه نِـبـاح الرافِضـيّـه
وِقفْ فوق المنصَّـه فـي ثِبـاتٍ=مِهِيـبٍ يعْجِـب النفْـس الأبِيّـه
كأنّـه حاكـمٍ مِـن فـوق منبـر=يبـي يِلْقـي خطـابٍ للرِّعِـيّـه
وِقفْ شامخ وِ ذَكَّرْنـي شُموخَـه=شموخ جْبـال سلمـى الحايلِيّـه
رَحل صدام وآخـر شَـيِّ قالـه=بِأنّ اللّْه ( أَحَدْ ) و أحمـد نِبِيّـه
رِحيلٍ صـاغ للتاريـخ صـوره=تبي تبقـى مَـعَ الأجيـال حيّـه
بِكيت و لا تِحَسْـب إنـي بِكيتـه=سِبـب رِقّـة عواطـف إنثوِيّـه
و لاني يوم مِـن أنصـار ظلْمـه=و حزب البعْث ما هو حِزْب لِيّـه
وِ لكِنّـي ذِرفْـت الدمْـع لَـمّـا=عَرفت أعْماق و أبْعـاد القِضيّـه
رَحل صدام فـي مشْهـد يِأجِـج=فِتِـنْ وِيْزِيـد نـار الطائِفـيّـه
رِحيلٍ عَجَّلوا بَهْ فَجْر الاضْحـى=وِ فالتَّعْجِيل بَـهْ مقْصـد وِ نِيّـه
وِصل يا بوش مضمون الرسالـه=يِجَلِّـي كِـل مسْتـور و خَفِـيّـه
وِصل وِ إن كان في قومي عقولٍ=تَغَابـتْ عَـن مَعانِيـه الجِلـيّـه
سلامي يـا زعامـات الكراسـي=أسوقه في أسى صِبْـح و عَشِيّـه
و مِنّي قبْل مـا أنْهـي قِصيـدي=لِكـل النايِميـن أحـلا تِحِـيّـه

 

 

 

 

[معلومات العضو ابن وتيد السباعي]

ريوف الشمريه لله درك وصح لسانك

مليوووووووووووووووووووووووووووون

 

 

 

 

[معلومات العضو صالح الجعيدي]

ابن وتيد ،،، لا هنت يالغالي على نقل الجزاله ،،،، وصح لسان الشاعره و لسانك مليوووووووووووووووووووووووووووووووووووووووووووون


مع خالص التحية و التقدير ،،،،

 

 

 

 

[معلومات العضو عبدالله الصخيبري]

ابو سعد سلام الله عليك والحقيقه مشاعر صادقه صورتها الشاعره وليست هي وحدها آلامها إعدام صدام بل نحن جميعا صُدمنا بذالك لكن ليس لنا إلا ان نطلب الرحمه من الله له والله يعطيك العافيه على ايراد القصيده

 

 

 

 

[معلومات العضو أبو جمال الغييثي]

ابن وتيد

لاهنت على القصيدة الجزلة وبيض الله وجهك

وصح الله لسانك ولسان الشمريه

تقبل فائق احترامي

ابوجمال الغييثي