قصيدةالمرحوم شلعان قالها وهو خارج الوطن

[معلومات العضو أبوفهيد الودعاني]

مدح الفتى نفسه يجيب المناقيد=يسكت وتالي كل شي يبيني
ارغب جلوسي عند من رايه يفيد=والمستفيد ابحث وراه او يجيبي
لاصار منعور ودليــل وصنديــد=هـذاك لو جـار الدهـر مايـلينـي
ماكل من يرمي الهدف قال باصيد= اولا كل رجل باللوازم يبيني
والبيت مايبنا بليا عواميد= والدين لايقضيه عذر المديني
الحر ماثارت عليه البواريد=لاشك صاده حيلة الصايديني
هواي لا من غرد الطير تغريد=في خايعاً فيه العرب نازليني
فيه الشقارا والخزاما عراجيد= ريحة هواها ينعش الممحليني
وهواي نجرٍ تالي الليل يافهيد=لجة ضلوعه تجذب الغايبيني
لاصار بالمجلس قروم واجاويد= والهرج راكد بالكلام الثميني
وهواي مشرافي على عالي الحيد=وامد شوفي بالعصير المكيني
مدهال قرناس غيور على الصيد=صفقت جناحه مثل ضرب العريني
وهواي والله مبعدات العباريد= من لفض شاربها يجي العلم زيني
وهواي يوم الهواء فيه توكيد=شوف الجوازي قبل راسي يبيني
ماذرتها واديرها مثل مااريد=بقدرة الله كنها في يميني
وهواي لاكثرت عيون الحواسيد =ابعد واخلي ديرة الحاسديني
وهواي اجنب عن جميع التقاليد= واعيش بالذكرى مع الأوليني
لاواسفي لاشفت بعض المقاريد=جرعات من كاس الرداء شاربيني
ودنيا الفتى ماهيب تنصاد وتصيد=إلاوكــم غارت على الغافليني
اليا عطتك اليوم تفتل لك القيد=قيدٍ يجي في موعده يالفطيني
كم طقت أرقاب الرجال الصناديد=شمط اللحا فرسان عبر السنيني
كم زخرفت لمعطرات الأجاعيد= وخذت محاسن صافيات الجبيني
وكم لوعت قلبا وكم نوحت سيد=يروي نهار الهوش حد السنيني

 

 

 

 

[معلومات العضو الودعاني]

الله لايهينك يالبراق على القصيدة الجزله وعزالله انك اقديت
وصح لسان شاعرنا بن شلعان

 

 

 

 

[معلومات العضو أبوفهيد الودعاني]

المشاركة الأصلية كتبت بواسطة الودعاني

الله لايهينك يالبراق على القصيدة الجزله وعزالله انك اقديت
وصح لسان شاعرنا بن شلعان

ولا انت يالودعاني ويعطيك العافيه على الرد السريع ياذيبان


تقبل تحياتي ،،، ،، ،،،

 

 

 

 

[معلومات العضو تركي ال فنيس]

مشكووووووووووووووووريالبراق بيض الله وجهك والله يرحم الشاعر ويسكنه الجنه

 

 

 

 

[معلومات العضو السلطان]

ماكل من يرمي الهدف قال باصيد=اولا كل رجـل باللـوازم يبينـي
والبيـت مايبنـا بليـا عواميـد=والدين لايقضيه عـذر المدينـي

صح الله السانك وبيض الله وجهك يالذيب
ورحم الله الشاعر الفحل شلعان

 

 

 

 

[معلومات العضو العماني]

رحم الله الشاعر شلعان بن ظافر

ويعطيك العافية اخوي البراق

تقبل تحياتي،،،

 

 

 

 

[معلومات العضو أبوفهيد الودعاني]

تركي الودعاني

السلطان

العمانــي


ووجهك ابيض ... شاكرين لكم المرور والـــرد الطيب ،،، ،، ،،،