وين العروبه وين شعبٍ وحكام ؟؟

[معلومات العضو عقاب بن هذال ال بريك]

مصافحه في الشام إلى من يهمه الأمر

الشام ينخى ياهل العرف منضام=في كل يوم وكل ساعه فالأخبار
تعاونوا الاذناب ضده فـ الإجرام=وراس الهرم والقايد الكلب بشار
والغرب خدرنا عبر كل الإعلام=بالفزعه اللي طولت ما خذت ثار
والمسلمين اتقسموا عدة اقسام=ماعاد به نخوه ولو صار ما صار
وين العروبة ؟ وين شعبٍ ؟ وحكام ؟=وين أمة المليار مسلم فالأقطار ؟
تخاذلوا حتى انهكوا حرم الاسلام=وأهل الطوايف حاربوا سر وجهار
والعذر مابه عذر فوجيه الاخصام=لو اعذرونا . . الوقت ما يقبل أعذار
تكفى يابومتعب نبي نصرة الشام=نبغى نحرر شامنا دار الاحرار
وان ما نصرنا الشام . . لا بد الايام =تدور . . دام الوقت وان طال دوار

عقاب بن هذال

 

 

 

 

[معلومات العضو مبارك بن شافي النتيفات]

ياسلام ياسلام

صح لسانك ملايين يابوهذال على هذه الجزاله

واسأل الله ان يعجل بنصر اخواننا في الشام عاجلا غير اجل

تقبل مروري المتواضع

 

 

 

 

[معلومات العضو راشد المسعري]

الله الله

صح لسانك يابو هذال ودام عطائك

أبيات في الصميم ، نسأل الله أن يوقظ الأمة من غيبوبتها ويجمع شملها ويوحد صفها ويرفع الظلم عن المظلومين وينصر المجاهدين في كل مكان

تقبل ودي وتقديري ،،،،

 

 

 

 

[معلومات العضو بنت الذيب]

عوده حميده اخوي عقاب وآخر الغيبات ان شاءالله

وصح لسانك على هالابيات المعبره بارك الله فيك

نسأل الله ان ينصر اخواننا في الشام وان يعجل بهلاك الطاغيه واعوانه

 

 

 

 

[معلومات العضو نآصر البدراني]

الله يرحم حال أمة محمد (صلى الله عليه وسلم) ويعزها وينصر مجاهِديها


صح لسانك يا ابو هذال وأعتلى قدرك وشانك ..