عن مارد الأنذال نزه مشاربك ( الأمير محمد )

[معلومات العضو النايف]

يالله انا من جود حسناك طالبك=عفوك ومدك حيث منت ابخيلي
يا لآدمي دنياك هذي تعذبك=لو طفت فيها ما لقيت الدليلي
كلن على مذهب يمامه يخاطبك=يبيك من زايد ذنوبه تشيلي
واليا عصيت اهل المذاهب تعاتبك=كلن يقول ابيك يمي تجي لي
لو انتحيت بعيد للسو تطلبك=وكلن بصاعة من ذنوبه يكيلي
أحدٍ يصحح لك حديثه ويرهبك=واحدٍ يقول الحق عندي نزيلي
واحدٍ يخيفك في حديثه ويدبك=وبليس يضحك له وهو مستشيلي
الناس عوجان المناطق اتكذبك=وعن الصحيح الكذب معهم بديلي
ان ما رضيت بقولهم نتف شاربك=وتكبر ذنوبك لو غناك اتهليلي
ناسٍ على درب الفضيلة تحاربك=وعلى دروب الشر تهذل هذيلي
ودروبهم عسرات عوج اتعبك=ما تستوي لك لا ولا تستوي لي
ينبيك عن دنياك ماضي تجاربك=وعزي لحالك كان عرفك قليلي
اتبع نبيك واترك اللي مجنبك=واقضب مماشي سنته لا تعيلي
اللي بغار الثور للرشد يندبك=وابو بكر عنده نديم وخليلي
نصايحة للرشد حذرا تغايبك=هرجه صحيح وكل فعله جميلي
سنة نبيك للفضيلة تقربك=المصطفى ماله شبيه وعديلي
واحذرك عن نقالة السو تقربك=ومن يتبع العايل لزوم يعيلي
لو انت ما تغضب ترى الناس تغضبك=وعقب المعزة يجعلونك ذليلي
وترى ردي العرف للعيب يجذبك=وتصير بدروب الردى له عميلي
وبنت الردي حذراك حذراك تعجبك=واحذر تصير لمثل هذي حليلي
عن ما يعيب النسل عرب مناسبك=وعليك في بنت الحصان الأصيلي
يجي ولدها فارقٍ عن قرايبك=ويقيف في وجه الخصيم القبيلي
إن كبرت القالات بالفعل يعجبك=ويبرد همومك كان قلبك غليلي
مثل القطامي في هداده يشببك=والدم من مخلاب كفه يسيلي
لاصار ما صلبين الاريا مكاسبك=تراك بين الناس تبقا هزيلي
وترى دروب الخبث يالعبد تذهبك=ويفوت عمرك ما تحصل حصيلي
احذر يا بن حوا اتطمن لحاجبك=الا لربن للخلايق يزيلي
اللي بعفوه عن عذابه يرغبك=وعينه لكل الخلق دايم تخيلي
في لوحه المحفوظ يالعبد مذهبك=نزل بحق وكل ما به فضيلي
ومعاشر الخايب مع الناس يذربك=وتصبح قليل الميز عقلك هبيلي
ومعاشر الطيب على الطيب يجلبك=ويرقيك للعليا بظل ضليلي
ولا تقرب الاجرب بالامراض يعطبك=يصير جسمك مثل جسمه عليلي
ممشا الخنا من صافي العقل يسلبك=ويصير لك يم الرذيلة سبيلي
وعن مارد الأنذال نزه مشاربك=واشرب نظيف لو واردك طويلي
ولياك تنسى يابن الاجواد واجبك=اللي يروم المجد حمله ثقيلي
يا لآدمي وان كان كبرت مصايبك=ازبن على محيي البلاد المحيلي
ازبن على ربٍ بعرشه يراقبك=وناجه وبعد العسر يسره جليلي
ناجه ولاجل رضاه وجه ركايبك=وخلك لعلام السراير دخيلي
هو الذي ينجيك من كود صايبك=ويذريك من كربات هول مهيلي
يالعبد مكن عند ربك مقاضبك=وفكر وقدر وانتبه لا تميلي
ولا حدن من الخلايق يالعبد حاجبك=وهو الذي مده وعفوه جزيلي
وهو الذي في ما فعلته يحاسبك=وهو الذي برزاق عبده كفيلي

 

 

 

 

[معلومات العضو مسفر المصارير]

[align=center]أخوي : النايف

سلمت يمينك على هذا النقل المميز والرائع

جعل يدك ما يجيها العطب وجعل شيبانك في الجنه

مواضيعك دائماً وهي جزله

الله لا يهينك

تقبل كل الود والتقدير

أخوك : مسفر المصارير[/align]