نصيت العسـكـريّه يوم قالوا للنظـام رجــال

[معلومات العضو أبوفهيد الودعاني]

الا يالله عفـوك لا معـي بيجـر ولا جـوال=ولا عندي وضيفـه والتجـاره فاشـلٍ فيهـا
ولاعندي شهـاداتٍ ولاحرفـه تسـد الحـال=ولا حـظٍ كبيـر لا اخطـت الجـره يقديهـا
مخابي الثوب تومي مادخلها من زمان ريـال=بها فاتورة الكهـرب ولا يمدينـي اقضيهـا
على ذيك العراوي تتعب الحادي مـع الجمّـال=ثلاث اشهور فالورشـه وشهريـنٍ مغطيهـا
ابيها لو تجمّل يـوم واجلبهـا علـى الـدلاّل=يجيها واحدٍ حظـه مثـل حظـي ويشريهـا
نصيت العسكريّه يوم قالـوا للنظـام رجـال=وقدّمت الملـف وصـورةٍ متشخـصٍ فيهـا
خذا الاوراق مني واحدٍ مـا عنـد ابـوه دلال=سلوم الناس واهل المعرفه والطيـب مخطيهـا
قراها في دقيقه والتفـت عجـلٍ علـي وقـال=شهادتك العظيمه يا ولد ويـن انـت مخفيهـا
هزّيت الراس ماعندي تقول اني مـن البنقـال=وقمت احـب خشمـه واطلبـه بالله تمشّيهـا
حذفها من يده شين الطبيعـه والنبـا والفـال=وقال ازين تعـوّد صـوب نوقاتـك تعشّيهـا
تناوشته من الكرسي وعفت الحـل والترحـال=وضربته بالبياله عقب مـا بيّحـت شاهيهـا
خذوني للسجن لا نيب لا ظالـم ولا محتـال=مجرّد واحـدٍ جـا يكحـل عيونـه فيعميهـا
ويوم اني خرجت اقفيت لارض الله وسيع الجال=علـى بـرٍ(ن) هـواه يـداوي العلّـه ويبريهـا
ادوّر قصعة الجربوع والظب الفتـي يختـال=والارنب يا شفاة الروح ما احلاها وطاريهـا
بلا كهرب ولا بيجـر ولا غـازٍ ولا نقّـال=قوانين الحضاره لا تبـي شوفـي ولا ابيهـا

 

 

 

 

[معلومات العضو نايف]

صح لسانك يالبراق عز الله مانحديت على خير يوم نصيت العسكريه الله يكون في العون وبالتوفيق يالغالي

 

 

 

 

[معلومات العضو تركي ال فنيس]

لاهنت يالبراق قصيده رائعه الله يعينه

 

 

 

 

[معلومات العضو أبوفهيد الودعاني]

نايف


نورت متصفحي طال عمرك ولا هنت على المرور


تركي الودعاني

ولا اروع من القصيدة الا مرورك يالغالي وردك الطيب


تقبلو تحياتي جميع ،،،،،

 

 

 

 

[معلومات العضو محمد ال بو زمام]

السلام عليكم ورحمة الله وبركاته


صح لسانه ولاهنت اخوي ( البراق ) بيض الله وجهك ,

والى الامام

والـــــــــســــلام خـــــــــتـــــــــام

 

 

 

 

[معلومات العضو أبوفهيد الودعاني]

صح بدنك يابو شجاع ووجهك أبيض


مشكور على مروركـ والاطراء الطيب طال عمركـ


تقبل تحياتي ،،،،،،

 

 

 

 

[معلومات العضو العماني]

صح لسان الشاعر ولاهنت يالبراااق وعزتي له صدق

بس ماخبرتنا القصيدة من هي له

 

 

 

 

[معلومات العضو أبوفهيد الودعاني]

هذي القصيدة لشاعر لا يحضرني اسمه


لكن اخذتها من احد الرجال شرواك


كان يحفظها .


لاهنت على المرور اخي العماني والاطراء

الطيب .

تحياتي ،،،،،

 

 

 

 

[معلومات العضو الخالدي]

القصيده للشاعر سعيد مقبل الأكلبي

وشكرا لهذا النقل

 

 

 

 

[معلومات العضو العماني]

لاهنت يالخالدي على التوضيح

تقبل تحياتي،،

 

 

 

 

[معلومات العضو مغترب الديار]

السلام عليكم ورحمة الله وبركاته :

الف شكر لك يالغالي

البراااق

على هذا النقل الجميل

واحذر احد يغلك على العسكر ترااااه يزعلني مرررررره

ولك مني ود وورد وحبة هيل

اخوك/مغترب الديار ,,,,

 

 

 

 

[معلومات العضو الودعاني]

قصيدة تكحي حال
والله يكون في العوون
وصح لسان قايلهاااااا

 

 

 

 

[معلومات العضو أبوفهيد الودعاني]

مغترب الديار


الودعاني


مشكورين على المرور والرد الطيب

كذلك اشكر اخوي المغترب على الود والورد وحبه الهيل

 

 

 

 

[معلومات العضو الخييلي]

صح لسانك يالبراق وتسلم يمناك على هالنقل يالشيخ

تحياتي لك ... الخييلي

 

 

 

 

[معلومات العضو أبوفهيد الودعاني]

حياك الله يالخييلي وصح بدنك


مشكور على المرور والاطراء الطيب ياطيب


ــــــــــــ

تحياتي