قصيدة مرسله للشاعر عبدالمحسن المشاري من أبن عم الشاعر عبدالله باتل الرشيدي* والملقب* »البحر الميت*:
على المستحيل أصلك وأعيش وياك
لو زاد يا لمجهول شوقك وشوقي
منت بوياي ولاني بوياك
لكل منا بالحياة معذوبي
والله بلاني فيك ما والله انساك
ومكتوب بعيونك سلامي وعوقي
انا المعذب في خيالك وطرياك
حبك سراب الدم وسط العروقي
سبحان ربن كملك يوم سواك
زودن على الاخلاق معطيك ذوقي
تذبح بنظراتك ويذبح محياك
وبطراف حجانك تلألأ البروقي
ذباح حكاكن مزاح ضحاك
وخفيف دم في كلامك صدوقي
لولاي اخاف أشرق وبالغ بحلياك
لقول منت من التراب مخلوقي
ورد الشاعر عبدالمحسن محمد المشاري
سبحان من صور جمالك و حلاك
عن البشر تفرق بكل الطروقي
الشعر مثل الليل لا في تغشاك
وضحك الثنايا مثل ضي البروقي
الناس مجنونة على مشية اخطاك
يلعن ابوبليسك امشيت ذوقي
يا الله دخيلك في ردي الحظ وياك
ويلعن ابوحظن بقربك طفوقي
يا كثر ما تمنى يجي يوم لقياك
وياما سهرت الليل حتى الشروقي
اثر نصيبي بالسهر بس ذاكراك
من دون شوفك العرب لي تعوقي
تم نشر هذه القصيدة بأحدى الصحف الكويتيه
25-07-2010, 05:04 PM
الشاعرين عبدالمحسن المشاري وعبدالله الرشيدي
العرض العادي
