|
|||||||
16-10-2005, 06:24 PM
|
#1 | |||||||||||||
|
قول الدوسري والسبعان
[align=center]
مني على رنية واهلها سلامي = ما لاح براق وما غرد الطير سلام يسجع به يتيم الحمامي = سلام احلى من حليب المغاتير وادٍ اخصه بالسلام احترامي = على وجيه الخير فعالة الخير وقت الجهل تروي شبات الحسامي = وتاخذ على خيل المناحر مشاوير أهل الكرم ومتيهين الجهامي = ايضا وفيهم للشدايد مسامير ذباحة لمدرحمات السماني = وحيل تجفا ما عليها معاذير تلبس على تاج المراجل وسامي = اشهد شهادة حق ما هوب تعبير اوجيه خير من قديمٍ وعامي = وبني لهم بيضا بروس المسابير الهرج ذرب والسوالف جسامي = وماتحس في المجلس من الربع تقصير والله لو ياخذ ثلاثين عامي = مستانس عند الوجيه المسافير يا ابو جري لا جاك مني كلامي = احفظ وصاتي يا عشير الغناعير بلغ سلامي للوجيه الكرامي = اللي لهم يوم السوالف مذاكير دار عساها السيل قبل الصرامي = صيف وكنه من قنوف مزابير آمين يا رب عظيم المقامي = تسقي بلاد مدهل للمناعير
البارحة قدام وقت المنامي = التيل دق وقلت يا الله عسى خير ورد ساعة رفعت التيل زاد اهتمامي = سمعت صوتا له بقلبي تقارير رحبت برسالة عزيزا المقامي = ترحيب احلى من حليب المصاغير اهلا عدد ماحج لله وصامي = برسالة اللي مدهل للمسايير من لابة يوم الجهل والظلامي = من فعلهم تعتاش عوج الدناقير ذيدانهم ترتع بنبت الوسامي = دواسر وقت الملاقى مغاوير لا جاء نهار فيه شد الحزامي = تفرح ببن غفران جل المعاشير واليوم مابه خوف امن وسلامي = والكل خشره في الشعيب وعلى البير عسى المطر يسي الحثم والعدامي = من باب نجران إلى دمخ والنير ويقرب لرنية من سكن في اللدامي = من شان ما نتعب لا رحنا مشاوير
بديت في رجم طويل وزامي = عجزت تجيه مشبكين الصقاقير رجم تعلا فوق راسه عسامي = دايم تمره موميات المعاصير ذكر علي اللي جديد وعامي = وكم بذ قبلي من رجال فواعير هاضت على العين مدري علامي = وجانا كلام مثل وصف الدنانير جانا ولد هزاع شيخ الجهامي = علوش شوق اللي حدوها الحجاجير صيف وقيض وسط واد الحمامي = وشاف الرجال اللي تهز الطوابير شيخ كريم ومن رجال عظامي = حرابهم يصبح على كبده الكير يثني على رنية عزيز المقامي = تذكر الفصام في خطة السير قد زارنا ابن هتيل زين الكلامي = يطلب على رنية نصوب مزابير علوش هو معجبكم فعل الكرامي = تستاهل البيضاء برؤوس العثامير تستاهلونه يالرجال الحشامي = ذباحة البل في السنين المعاسير دواسر لجاء نهار الزحامي = تثنون عند مشرهفات المعاشير وان جاء نهار فيه حايم وحامي = عاداتهم فك الجراما المصاغير لامن زبنهم مجرم ما يضامي = حطوه في روس الهضاب المشاهير وصلاة ربي عد وبل الغمامي = على الرسول اللي هدانا على الخير
وصل السلام ومرحبا بالسلامي = ترحيب احلى من حليب المصاغير
ينشر لابن غرفان قدر ومقامي = ونثني له الترحيب حشمه وتقدير رجل حشيم ومن رجال حشامي = من روس قوم ينطحون الطوابير جتنا القصيدة مع صدوق العلامي = ويحفظك ياعلوش وال المقادير خصيت أهل رنية بلا ذكر اسامي = وتعيش يا مادح سبيع المشاهير والصدق من عده عداه الملامي = و عديت ما واجهت ما قلت تزوير وفاك ورثه من جدود وعمامي = من عزوة ترهي الشحم للمسايير دواسر يثنون لا جاء الزحامي = ولضيوفهم ما حسبوا للمخاسير يرعون بالسرفات نبت الوسامي = ما رددوها في حلول المحادير كم ثوروا يوم الجهل من كتامي = وجابوا من الاجناب خلف ومعاشير وادي الدواسر له حصون وحوامي = من دون حدانه سيوف بواتير لعل يسقنه مزون الغمامي = يبادرنه بالمطر صبح واعصير بحسناك يا محيي هميد العظامي = يا كاسي بالنبت بيض العثامير تسقي الوطن كله جنوب وشامي = برجع ينسينا الليالي المعاسير ولا عاد ننشد ويش سعر الطعامي = يقل ما يكثر به نخال واشعير ذيداننا ترعى الورق في العدامي = متخالط فيه الزهر له نواوير هذا هوى بالي وغاية مرامي = وما فيه عسر الا تقفاه تيسير وصلوا على خير البشر في الختامي = نبينا اللي دلنا منهج الخير
|
|||||||||||||
|
|
|
|
16-10-2005, 06:35 PM
|
#2 | ||||
|
صح الله لسان الشعراء ولاهنت اخوي يحيى ويستاهلون اهل رنيه المدح
|
||||
|
|
|
|
16-10-2005, 09:19 PM
|
#4 | ||||||||
|
صح لسان الشعراء جميع ولاهنت اخوي ( يحيى الودعاني ) على هذه الابيات الرائعه . . .
|
||||||||
|
|
|
|
17-10-2005, 02:22 PM
|
#6 | ||||||
|
|
||||||
|
|
|
|
18-10-2005, 04:27 PM
|
#8 | ||||||
|
لا هنت اخوي يحيى الودعاني على القصائد الرائعة
|
||||||
|
|
|
|
20-10-2005, 10:52 PM
|
#10 | ||||||
|
|
||||||
|
|
|
|
06-11-2005, 07:03 PM
|
#13 | ||||||||
|
العزيز الغالي يحيى الودعاني
|
||||||||
|
|
|
|
14-11-2005, 03:55 PM
|
#15 | ||||
|
صح لسان الشعراء جميعا
|
||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ط§ظ„ظ…ظˆظ‚ط¹ ط§ظ„ط±ط³ظ…ظٹ ظ„ظ„ظ‚ط¨ظٹظ„ط© ظپظٹ ظ„ظ‚ط§ط، (ط*طµط±ظٹ) ظ…ط¹ ط§ظ„ظ…ط®طھط±ط¹ ط§ظ„ط³ط¹ظˆط¯ظٹ ط¹ط´ظˆط§ظ† ط¨ظ† ظ…ط±ط¶ظٹ ط§ظ„ط¯ظˆط³ط±ظٹ | الإداره | :: قسم اللقــاءات والفعاليات والتغطيات الخاصة:: | 29 | 01-10-2011 01:56 PM |
| لماذا نحن متواجدون في المنتديات؟؟؟؟ (اسئلة هامة ) | محمد بن حمد الشكرة | :: قسم المـواضيع الـعامــة :: | 9 | 09-01-2011 08:37 PM |
| نتائج مزاين أم رقيبة 1432 | عبدالكريم العماري | :: قسم الـباديــة ومــزاينــات ابل الدواســر والخيل :: | 25 | 06-01-2011 04:28 PM |
| الإعــلامي المميّز تركي الدوسري في حديث الصراحة والشفافيّة ، في لقاء (حصري) مع الموقع الرسمي لقبيلة الدواسر . | الإداره | :: قسم اللقــاءات والفعاليات والتغطيات الخاصة:: | 19 | 05-11-2010 01:37 PM |
| الدوسري: نثمن للخارجية تحركها لتسلم الدوسري من لبنان | برجس ناصر البراك | :: قسم السياســة والإقتصاد والأخبار :: | 13 | 27-07-2010 09:16 PM |
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 08:46 AM
