أبيات متواضعه لفهد بن هادي....

[معلومات العضو هادي الغريري]

مني سلام بريحة العود والهيل=مني لبوراشد راعي الحميه
سلام من أقصى ضميري هماليل= يوصل ديار أهل الوجيه الرضيه
الشعر به يزداد وبحوره تسيل=هو كاسب المعروف ونفسه غنيه
الطيب عنوانه ومافيه تبديل= مدري اساس الطيب ولاسميه
شيخ الظفاره والكرم والمعاميل=أهدي سلامي له وارد التحيه
المدح في ذاته ماهو بتهويل=طلق المحيا شيخ وكل خويه
كريم ويمناه تعطي كما السيل=ماحصله يبقى لغيره عطيه
والبيت مدهال مثل نجمة سهيل=ويرحب بضيفه ويكرم مجيه
يالايمي بالمدح مافيه تعليل=من لامني بالمدح لومه خطيه
وش هقوتك في شلة القال والقيل=أهل الشماته والنوايا رديه
جمعة مواقع كلها زيف وتمثيل= تملك جهالة علم ومامن هويه
كبيرهم يظلل الحق تظليل=بلية(ن)ياكبرها من بليه
صداقة الأنذال مافيها تحصيل=خوانة وعود ولاهي وفيه
أقفو مقفى ضبع وباطباعهم ميل=هذا جزا المعروف والمقدريه
يالابة بالعز جيل ورى جيل= أمجادهم تذكر ولاهي خفيه
هاذي المزايا قلت من دون تفصيل= يافهد قلي وش بقى من مزيه
يالله ياللي بأمرك العسر تسهيل= ياعالم كل الأمور الخفيه
أنك تحفظه من جميع الغرابيل= ويعيش في دنياه عيشه هنيه

 

 

 

 

[معلومات العضو خالد بن محمد]

صح لسانك وأعتلا شانك
ونعم بك وبلابتك
وييستاهل ابو راشد ماقيل فيه

 

 

 

 

[معلومات العضو راشد المسعري]

يالله ياللي بأمرك العسر تسهيل=ياعالم كل الأمور الخفيه
أنك تحفظه من جميع الغرابيل=ويعيش في دنياه عيشه هنيه

آمين يارب العالمين

ارحب ياهادي

صح لسانك وسلمت

وعز الله العزيز إن الممدوح يستاهل أكثر مما قيل فيه

ونعم والله بابو راشد في شخصه وأخلاقه وخوته وعلوم المراجل كلها

تقبل ودي وتقديري ،،،،

 

 

 

 

[معلومات العضو أبونواف الدوسري]

لا هنت وبارك الله فيك

وصح السانك أخي الشاعر هادي الغريري

وأبوراشد يستاهل المدح والنعم فيكم جميعا

وفقكم الرحمن لما يحب ويرضى..

 

 

 

 

[معلومات العضو محمد.الودعاني]

صح لساانك الشاعر هاادي ولاهنت على الطرح الراائع


والجميل ,ولاتحرمنا من جديدك


تقبل مرروي

محمد الودعاني

 

 

 

 

[معلومات العضو ناصر بن فهد]

صح لسسسانك واعتلى شاانك
ويستـآهل ابو رآشد المدح والطيبُ

 

 

 

 

[معلومات العضو عبدالله الحافر الغييثي]

هادي الغريري ارحب ترحيبة البدو بالسيل,,,صح لسانك عدد بلا مدد واعتلى شانك,, قصيدة من الطراز الفريد وقيلت في شخص فريد عز الله انه يستاهل ولو ابغى اعدد مزاياه ما احصيتها ,, والله ثم والله ثم والله يمين أسئل عنها امام الله اني صادق ان هذا الرجل له جهد جبار لهذا الصرح ويملك الطيبه والكرم والفزعه واللي بيسمعني يقول عشانه رفيقه ولكن انا حلفت حلف وبسأل عنه امام الله فالله يبيض وجهه ويصلح له عياله ويكثر له ماله

 

 

 

 

[معلومات العضو ابومبخوت الدوسري]

صح لسانك اخوي هادي الغريري

وبيض الله وجهك على هذه القصيد الطيبه

ويستاهل الاخ العزيز ابوراشد هذا المدح

وعز الله انه رجال كفو ويستاهل

تسلم يمناك ياهادي ويعطيك العافيه


تقبل تحياااااااتي


ابومبخوت

 

 

 

 

[معلومات العضو حسن بن بطحيه]

صح السانك ياهادي ولاهنت
اما ابوراشد فعزالله انك مدحت من يستاهل المدح والله يديم المحبه تقبل مروري..

 

 

 

 

[معلومات العضو محمد بن حمد الشكرة]

صح الله لسانك ياهادي على القصيدة الجزلة ويستاهل اخوي العزيز والغالي على قلبي/ابو راشد المدح والعلوم الغانمة ولاهيب غريبة عليه ولاعلى ربعه وعز الله شهادتي فيه مجروحه والشهادة لله انه ماقصر في خدمة ربعه وجماعته وان ابيض وجه من اول تالي بدون قصور في احد صح الله لسانك مرة ثانية وجعل يمناك مايجيها العطب تقديري,,,,

 

 

 

 

[معلومات العضو غازي المسعري]

لا هنت وبارك الله فيك

وصح السانك أخي الشاعر هادي الغريري

وأبوراشد يستاهل المدح والنعم فيكم جميعا

 

 

 

 

[معلومات العضو هادي الغريري]

خالد بن محمد


صح بدنك وماعليك زود يالنشمي


لاهنت على المرور

 

 

 

 

[معلومات العضو هادي الغريري]

اخي راشد الله يرحب بك أكثر يالغالي


وصح بدنك


مرورك الغالي أعتز به لاهنت

 

 

 

 

[معلومات العضو هادي الغريري]

صح بدنك ابو نواف ولاعليك زود


والله لايهينك على المرور


تقبل تحياتي

 

 

 

 

[معلومات العضو هادي الغريري]

محمد الودعاني صح بدنك


مرورك اعتز به لاهنت يالغالي