ابيك اتكون لي غصنن ليا هب الهوى لي مال

[معلومات العضو الهاج ـري]

على ذاك الحنين الي يغنـي للسهـر مـوال=ابكتب لك قصيده من خيالـن طـول اسباتـه
خيال الشاعر الي عاش ما يطرد سراب اللال=يعيش بواقعه لو العطش قـد جـرح اشفاتـه
عزيز النفس في دنياه شاف امن الحياه اهوال=ولا احدن لد في قلبه ولا احدن لملم اشتاتـه
تعب واحتار بالدنيا ودمعه للهوى مـا سـال=وضحك باللي علشان المحبه يكتب اوصاتـه
كتب من نابع الاحساس فكره والبيوت اجزال=وعطرهـا بباقـة ورد للـي ساكنـن ذاتـه
دعاه الهاجس بطيفك ولبا للسهر لـو طـال=يمر الليل كلـه فـي هيـام وشـوق ماباتـه
تبي تعرف سبب واحد لحرفه يوم جاء مختال=لانك لك ثلاث اشهور تسكـن داخـل ابياتـه
ولكن وش يفيده مـن بيوتـه والشعـر لازال=تحشرج في خفوقه وان كتب لك زاد ضيقاته
ثمثلتي بعينه ونرسـم لـك بالحشـاء ثمثـال=يعيش بصيغة الغايب وهـذا اكبـر معاناتـه
انا لولا الملامه منك وخشى هرجـة العـذال=كتبت اسمك على كل القصيد وصرت راياتـه
الا يا حبي المجهول كيف ارسم عليك امـال=وكيف اتعيش في قلبي وما تحسن مراعاتـه
ابيك اتكون لي غصنن ليا هب الهوى لي مال=تعيش بداخل القلب الشقاوي وانـت نبضاتـه
تحس بلوعته في عينك الـي للهوى مرسـال=قبل يبدى كلامـه معـك ترجمهـا بنظراتـه
ترا قلب الشقاوي بالهوى لا حصل الاهمـال=قضى عمره شقى عايش على جلباب حسراته
اكذب من يقول ان الهوى يا اهل الهوى قتال=ولا احدن مات بسباب الهوى من قبل ساعاته
واصدق من يقول ان الهوى لاحل بك غربال=وقلبك كـل مـا تذكـر ولفيـك زاد دقاتـه
يداعبنا هوى الغربي ولاندري على اية حـال=كذا الدنيا تقلبنـا ولا احـدن نـال مشهاتـه

 

 

 

 

[معلومات العضو مبارك العمري]

لا هنت يالغالي على الأبيات الطيبة

 

 

 

 

[معلومات العضو ناصر بن فهد]

صح لسااانك وصح لساان شاعرهاً
ولاهنت على النقل

 

 

 

 

[معلومات العضو الهاج ـري]

المشاركة الأصلية كتبت بواسطة مبارك العمري

لا هنت يالغالي على الأبيات الطيبة

لاهان شااانك على مرورك الطيب

 

 

 

 

[معلومات العضو الهاج ـري]

المشاركة الأصلية كتبت بواسطة ناصر فهد الدوسري

صح لسااانك وصح لساان شاعرهاً
ولاهنت على النقل

صح الله ابدنك وتسلم على مرورك