|
|||||||
 |
| انشر الموضوع |
|
|
أدوات الموضوع | انواع عرض الموضوع |
20-09-2005, 11:37 PM
|
#1 | ||||
|
أشرس العيّال مـن وقعنـا حمـلٍ أليـف..انتراوالـه لـيـا فــاق و الإ لا غـفـا
أحمد اللي بدل العسر بالليسر المريف =الحكيم مدبر الكون لا أستكفا كفا أحمده وأشكره وأثني على ربٍ لطيف = من شكر ربه يزيده وخير الله ضفا يوم عوّد باهي الذكر والعقل الحصيف = راضيٍ باللي مضا من قضا والله شفا مرحباً ياضيف ماهو بضيفٍ كي ضيف = ضيفنا اللي لا بردنا يجينا بالدفا بارك الله ليل رجعتك ياالحر العفيف = يا بعد من راح وأبعد وبعد اللي لفا بارك الله ليل رجعتك يا عون الضعيف = يا مسلي من زمانه على وجه سفا أنت لا منه تكبّر غبار الوقت ريف = أكتفت منه الضمايا وراعيها أكتفا أنت وجهٍ دون ربعه مع الأيام شيف =ما يصد بحزةٍ ترتعد فيها الشفا أنت راع الطيب والطيب مشواره كليف = ما يطوله من قضا العمر ما حسب لفا أنت طيبك إيتشاعق كما ضوٍ دليف = ماضيٍ في درب الأمجاد تعطي وأتعفا أنت تقبس منك الأريا ليا ضاع الخفيف = وكل جوٍ لا تعامس من أفكارك صفا أنت عنوانٍ كتبناه بالحرف النظيف = أحتفينا به وهو في ضمايرنا احتفا أنت للمصحف وليفٍ وللمسجد وليف = جعلها لك فالموازين في يوم الوفا غيبتك منها الليالي علينا حد سيف =وجيتك مزنٍ روى القاع من عقب الجفا غيبتك همٍ غدا له بداخلنا وحيف =لا غفا قلبٍ و لا الطرف من عقبك غفا في غيابك عاشو أخوانك بجوٍ مخيف= صابرين وداخل القلب ما بان وخفا وجوّنا حنا عيالك على بعدك كسيف = والرجا با الله ومن يرجي الله ما هفا يا سندنا و أنت طيف تعلا كل طيف = حولك عيالٍ ليا أشرت ما تعطي قفا حولك عيالٍ تسوق العزوم لكل كيف = لا تغيّر وجه الأيام ذبينا الشفا راكبينٍ دربكم ما نزله ما نحيف = وعقّب اللي لا دعا داعي الحق أختفا الحرار النادره مايثنيها المنيف= والجمال الهادره ما يثنيها الحفا يافخرنا ذي مشاعر تبيّن ماتضيف = ما لنا في ذكرها طيب ويا الله بالوفا أن تقاصر قافها غيرها يرقب صفيف = وأن وفت ما أقول غير أكتفا القلب أكتفا
سل برق القافيه لين يطلع له رفيف = مانسوي وجهها إلا نحط الها قفا
ماتعودنا نروز الدقيّق والخفيف = يا غرفنا من بحر يا حفرنا في صفا الصعب فـيديننا أطوع من المهر العسيف = كيف ما نقدر على الصعب أفا والله أفا يا مبارك كل منا معه حدٍ رهيف = من قدم منا عليها عن الثاني كفا بنت يا اللي حقوها ناتقه طول الزريف = أهيف .. متغريفٍ وصلها ما ينشفا بنت يا اللي غطرفتها نسانيس وحفيف= أرجهني ما بذيّه بحزة غطرفا جملةٍ تكتب كذا .. عسر .. متميز .. عنيف =شعلةٍ في غرة الشمس ما هيب أتخفا كيف بعد أشلون أبرهن بعد وشلون كيف = لانطقنا العلم نفعل وللحق أنصفا طبعنا نوفي وطبع الليالي فيه حيف = بس ما فينا تغير من الحيف الوفا لابةٍ من ساسها ما بعد حطت حليف = ضربنا فـالروس وشقوقنا ما تنرفا من زمان فيه للحرب رزحات ورزيف = ما بعد خذنا رغم قسوة الوقت أحلفا من قبل يطلع زمان المعرف والعريف = أكثر اللي بالوغا باخصينٍ و أعرفا لا غدا للموت ريحٍ وشيمه ما يقيف= بزرنا ينطح جماعه وهو ما ينقفا نلطم الطاغي ولا ناب نشنا للضعيف= مثل ما فا الناس طاغين فا الناس ضعفا أشرس العيّال من وقعنا حملٍ أليف = أنتراواله ليا فاق و الإ لا غفا مرتكينٍ له بالأكعام والوجع العنيف = لين تسمع له رزيم ورغاريغ أعطفا من تقعدناله أغرق علابيه النزيف = جاعلين الجمع مابين قتلا وأنزفا تشهد الفرعه ويشهد بعد قوز الشريف = فعلنا لا من ذكرناه ما أحدٍ له نفا حقنا خذناه وافي ولا جانا طفيف= الزمن عنيف وعيال زايد أعنفا ما خذينٍ حقنا بالمشوّك والعطيف = الوجيه طوال و خطال يمنا وأشرفا الشديد .. النزّل .. الحضر .. قانية القطيف = المقيمين .. المصلين رحل وأهدفا ما خذينا الطيب صدفه ولا صنعه وزيف = طيبين الذكر جينا لهم خير خلفا عرضنا من فضل ربي مع العالم نظيف = أستلمنا النور والنار ما شيٍ طفا نكرم ونعطي الوجيه الرجال ونستضيف = وأنتنومس .. وأنتجمل ونعتق وأنعفا في شداد المرجله ما يخاشرنا رديف = ما نزلنا عنه و لا أعتليناه أردفا ما نوينا عن دروب المراجل بالنكيف = لو نشوف البعض عن مجمل الدرب أنكفا يا سنادي يا حزامٍ يدرعني وسيف = ياحجاجٍ لا أنكتمنا تبهلاله صفا يافياضٍ رابيٍ ما تغشاه الخريف = جم ميراده على كوثرٍ كبر الشفا أنت لا منه حدانا الدهر ظل ومصيف= أنت نورٍ لا أنطفا النور عنا ما أنطفا أنت بحر يلتطم له وراء النجمات سيف = أنت ضوٍ زمهرير الزمن معها دفا أنت مجلاسك مداهل .. وميقافك مضيف = أنت نظراتك وعايد وكلماتك وفا أنت معنازك فتايل ومشهابك كثيف = أنت حجانك تسفّر بوجه اللي لفا أنت هقواتك سحايب ومرجلتك قنيف = أنت كفينك شهاليل للغله شفا أنت أثلاثك كوامل .. و أرباعك نصيف = أنت لا أنصافك ثمانين واحد ما وفا أنت فـالباطن نظيفٍ و فالظاهر ظريف = أنت ابو قلبٍ عفيف و صاحيبْك عففا أنت ما حولك شبيهٍ ولا حولك وصيف = من يبي للعز ممشا على أثرك أقتفا عصبة راسي يا مدباسي و نوماسي وهيف = ياجملنا للمحامل وذخرٍ للجفا الطرايف نادره و أنت يا نادر طريف = وأضيق ثياب الشرايد فتقناه وضفا الثقه أكبر من الهرج و أسفاف السفيف = للملك خطوه وللشعب فيه سفسفا لك سحابٍ ينتثر من تهامه لا طريف = ورد وزهور وتحيات ما أوفا ما كفا جعل يفداك الهلامه و يفداك السخيف = خمةٍ أخير ما عندهم دقة قفا طيبنا يسمعه الأصقه وينظره الكفيف = صابرينٍ للمراجل على بذ الخفا طيبنا الثاني والأول هو الدين الحنيف = مثل ما حنا حنفا دين للطيب حنفا الله اللي خص أبا القاسم بعلمٍ شريف = والله اللي فضل أقوام وشرف وأصطفا
|
||||
|
|
|
|
20-09-2005, 11:49 PM
|
#2 | ||||||
|
لا هنت يابو عبدالمحسن المسعري على القصائد الرائعه
|
||||||
|
|
|
|
21-09-2005, 12:01 AM
|
#3 | ||||||||
|
السلام عليكم ورحمة الله وبركاته
|
||||||||
|
|
|
|
21-09-2005, 12:07 AM
|
#4 | ||||
|
أرحب يامترك....
|
||||
|
|
|
|
21-09-2005, 12:13 AM
|
#5 | ||||
|
ارحب يامحمد ،،،
|
||||
|
|
|
|
21-09-2005, 12:22 AM
|
#6 | ||||||
|
اخوي عبد المحسن المسعري
|
||||||
|
|
|
|
21-09-2005, 01:13 AM
|
#7 | ||||
|
ارحب يابن محمد ...
ارحب يابو محمد ترحيب المطر
هلا والله وغلا مرورك زاد المشاركة قيمة وزاد صاحبها فخرا يالذيب دمت سالما ودمت ذخرا للمنتدى واهله ولك مني الود والتقدير ،،،
|
||||
|
|
|
|
«
الموضوع السابق
|
الموضوع التالي
»
| الذين يشاهدون محتوى الموضوع الآن : 3 ( الأعضاء 0 والزوار 3) | |
| أدوات الموضوع | |
| انواع عرض الموضوع | |
العرض العادي
|
|
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 05:02 AM
