دغش بن بطي في الدواسر

[معلومات العضو عبدالله الحافر الغييثي]

هذه ملحمة شعرية في الدواسر للمرحوم بأذن الله/ دغش بن بطي ونقلتها هنا لانها لاتستحق النسيان

ياهجوس الشعر قومي هذا وقت اللـزوم=المعاني فـي ظميـري تفـوح إدلالهـا
يوم جاء للشعر بابٍ فلا نيـب محـروم=شاعرٍ وأكتب مـن إخيارهـا وإجزالهـا
مرحباَ ترحيبةٍ تكتسـي زيـن الهـدوم=عد ماهل المطر مـن صـدوق إخيالهـا
بالرجال أهل الشرف والعوايد والسلـوم=الرجـال اللـي فخرنـا يزيـد إقبالهـا
شاركونا في فرحنا ونسوونا الهمـوم=ليلـةٍ شعشـع فرحهـا وهـل إهلالهـا
ليلةٍ بالعـز والخيـر وإبليـس مخـدوم=ليلـةٍ ينقـال فيهـا حسيـن أمثالـهـا
والشعر ينقاد لاقيل فـي مـدح القـروم=الرجال أهـل الوفـاء بالوفـاء يثنالهـا
مثل من قام وتكفَل عسى حـظه يقـوم=سـاق مـالـه من يمينٍ دمار لمـالهـا
مقصده خدمة قبيلة عسى عمره يدوم=ولأجل يجمع كل شيبانهـا وعيالهـا
ذاك إبن وادي فداه الرديين الرخـوم=بو سعد هو منبـع الجـود مـع شلاَلهـا
العديم اللي على الطيب والعليا عزوم=الكريم اللي صفـات المراجل نـالهـا
من رجالٍ تلطم الشره وتزيـل الهمـوم=لابـةٍ تزهـى النعـم والنعم تهيالهـا
مديَة جيرانها مـن جـدارٍ ومـهـدوم=لآد بن ودعان راس الشرف وعقالها
وعاشوْ اللي ثبتوْ في فضاء النت العلوم=وإزرعوْ شجرة وفاء نستظـل إظلالهـا
يستحقون الثناء كـل ليـل وكـل يـوم=مع بياضٍ يعتلي فـي طويـل إجبالهـا
أسسوْ صرحٍ يضـم الدواسـر بالعمـوم=مصدرٍ موثـوق للـي جهـل بأفعالهـا
والفعايل بالشواهد كما وصـف النجـوم=ساطعاتٍ بالسماء مـن بغـى ماطالهـا
والدواسر لابةٍ تشبـه البحـر الطمـوم=شامخييـنٍ بالوفـاء والوفـاء يزهالهـا
والدواسر لابةٍ كنها الـسيف الحسـوم=لاتخالـط شيـن الأيـام هـي وإليالهـا
والدواسر لابةٍ لاحصل يومٍ عسوم=تكسب الطولات في دقها وإجلالها
والدواسر لابةٍ تفرق بزين السلوم=في القصير وفي الخوي والعلا ترقالها
وإن زبنهم مجرمٍ يشتكي ضيم وهموم=إهتنت عينه عقب حالةٍ يرثالها
قلتها وأنا من اللي يحدون الخصوم=لابةٍ تزهى المدايح بطيب أفعالها
عزوتي سقم الحرايب عطيبين السهوم=عزوةٍ في غياثِ جعل السعد يبرالها
من هل الطولات والمدح في اليوم الزحوم=للصديق أصحاب وأمَا العداء سلاَلها
كان ثار الهيج والحرب دخانه كتوم=إعتلينا فوق قبٍ نفك إحبالها
قايد السربة شجاعٍ على الأعداء دحوم=ماأنثنى من غارته لو تزيد إشعالها
ذاك إبن نصار شيخٍ له الطولة تشوم=أخوْ فرجة كان كبرت لنا حلاَلها
وإن وردنا الماء شربنا وخلق الله تحوم=في نهارٍ كل شيباننا جهَالها
وفي ذرانا ترتع الوُضح والشقحا الردوم=نرخص الأرواح من دونها وإفدالها
وقسمنا بالطيب وافي من خيار القسوم=والمعالي والفخر دايماً نسعالها
والقبايل تفعل الطيب وتسد اللزوم=مانغط إفعولها لاإنذكر مجالها
وعاشت بلادٍ لنا في عن بـرد وسمـوم=مملكـة عـز وفخـر عالـيٍ منزالهـا
ديرةٍ يكثر بها الخيـر والشـر معـدوم=كلها من فضل ربـي وفضـل إرجالهـا
في ذرى من له مقام ومعزَه ومحشـوم=خـادم البيتيـن قايـد مسيـر أبطالهـا
أبو متعب صاحب العطف والقلب الرحوم=وكل ماثقلت علينا الحمـول إشتالهـا
الزعيم الصيرمي العديـم إبـن العـدوم=الشجاع اللي صفـات الشهامـه نالهـا
وعاش أبو خالد زعيم الدفاع مع الهجوم=والـيٍ عهـد الملـك والأمانـه شالهـا
ياراع الكف الصخي ياراع الرآي الجزوم=ياملاذ اللي شكت من عسيـر أحوالهـا
والنهايه بأطلب اللي له المسلـم يصـوم=يحفـظ الإسـلام والمملكـة ورجالهـا
وياهجوسي ساعفيني هذا وقت اللـزوم=المعاني فـي ظميـري تفـوح إدلالهـا

 

 

 

 

[معلومات العضو الــــــدواســـــر]

مشكور على القصيده وبيض الله وجهك ولتعبة ياخوي

 

 

 

 

[معلومات العضو راشد محمد المقابله]

يالله إن ترحمه رحمة واسعه والله يسكنه الفردوس الأعلى


والله يبيض وجهك على نقل هذه القصيده الجزله ولاهنت


تحياتي لك

 

 

 

 

[معلومات العضو الزين]

والدواسر لابةٍ تشبـه البحـر الطمـوم=شامخييـنٍ بالوفـاء والوفـاء يزهالهـا
والدواسر لابةٍ كنها الـسيف الحسـوم=لاتخالـط شيـن الأيـام هـي وإليالهـا
والدواسر لابةٍ لاحصل يومٍ عسوم=تكسب الطولات في دقها وإجلالها
والدواسر لابةٍ تفرق بزين السلوم=في القصير وفي الخوي والعلا ترقالها
وإن زبنهم مجرمٍ يشتكي ضيم وهموم=إهتنت عينه عقب حالةٍ يرثالها
قلتها وأنا من اللي يحدون الخصوم=لابةٍ تزهى المدايح بطيب أفعالها
عزوتي سقم الحرايب عطيبين السهوم=عزوةٍ في غياثِ جعل السعد يبرالها
من هل الطولات والمدح في اليوم الزحوم=للصديق أصحاب وأمَا العداء سلاَلها

لاهنت وصح نقلك ياخوى والله يرحم شاعر الغييثات ويسكنه الجنه

 

 

 

 

[معلومات العضو دغش محمد الصخابرة]

يالله إن ترحمه رحمة واسعه والله يسكنه الفردوس الأعلى


والله يبيض وجهك على نقل هذه القصيده الجزله ولاهنت ابو مطر


تحياتي لك

 

 

 

 

[معلومات العضو محمد بن حمد الشكرة]

الله يرحمه ويسكنه فسيح جناته لاهنت يابو مطر على نقل القصيدة تحياتي

 

 

 

 

[معلومات العضو عبدالله الحافر الغييثي]

الله يرحمة ويغفر له ويوسع منزله ولاهنت على طيب المرور

 

 

 

 

[معلومات العضو محسن بن عناز]

الله يرحمه ويغفر له
ولاهنت يابومطر ابيض وجه

 

 

 

 

[معلومات العضو برنسيسه الريــــاض]

الله يرحمـــــــه ويغفر لـه
لاهنت ع النقـــل

 

 

 

 

[معلومات العضو شيهانه بكف صقار]

أسسوْ صرحٍ يضـم الدواسـر بالعمـوم
مصدرٍ موثـوق للـي جهـل بأفعالهـا

والله كفو عليهم وعز الله انه صاادق بكل حرف

الله يرحمه رحمه واسعه ويوسع عليه قبره ويغفر له ويحسن إليه
لاهنت يا اخوي على نقل القصيدة المشرفة لأبن الدواسر رحمه الله

 

 

 

 

[معلومات العضو بومبارك العماري]

مشكور على القصيده وبيض الله وجهك

 

 

 

 

[معلومات العضو عبدالله الحافر الغييثي]

الله يرحمة ويغفر له ويوسع منزله ولاهنتم على طيب المرور

 

 

 

 

[معلومات العضو فيصل بن جزاء]

لاهنت وصح نقلك ياخوى والله يرحم شاعر الغييثات ويسكنه الجنه

 

 

 

 

[معلومات العضو عبدالله الحافر الغييثي]

ارحب يابوسعد وشاكر ومقدر لك طيب المرور والله يرحم دغش ويغفر له

 

 

 

 

[معلومات العضو ناصر بن فهد]

الله يرحمه رحمه واسعه

ويسكنه فسيح جناته



ولا هنت يا ابو مطر على طرح القصيده وبيض الله وجهك


*


*


آحتــــرامي