قصة وقصيدة( من هيات الدواسر)

**معلومات** **العضو** · 03-11-2009, 08:58 PM

قامت قبيلة يام بغزو قبيلة الخييلات في ضواحي الخرج . واخذو حلال الخييلات .. ولم يكن احد من الخييلات موجود سوى مشبب .. وصاح المصيح ولحق مشبب الأبل بوحده وفك ذيدان الخييلات ورجع بها ، ويوم وصل اخبروه القوم بأن [ القروى ] ليست مع البل ، ولحقت بفزعت الغييثات والمصارير وافتكو القروى ومعها من الأبل 18 ناقه .. ولما رجعوا الخييلات من غزوهم وسمعوا بخبر الغزاه .. فقال هجاج بن جريس هذه الابيات يتمنا بأنه حاضر ..

حنت القروى ومن دونها طابور يـام = ليت من هو حاضر ٍ يوم عطت بالحنين
نافدى اللي وردوها على العايل أشمام =يوم عيران الفشق والهبوج ألها رنين
لابتي لاد الخييلي تضيـم ولا تضـام =نحمـد الله نومسونـا وانـا غايبيـن
نعم بمشبب خيال العشايـر بالزحـام =راعي الطولات والطيب فعله من سنين
رد ذيدان الخييـلات بضـرب الحـام =فارس ٍ منا يساوي من القوم أربعيـن

**معلومات** **العضو** · 04-11-2009, 08:39 AM

كفوو والله والنعم بالخييلات والدواسر جميع

لاهنت اخوي ع ايراد القصة

**معلومات** **العضو** · 04-11-2009, 10:16 AM

كفوووو والله يادواسر وهذا ومليون نعم عصر ولات وفات وعس مايعود تاريخكم يشهد لكم

**معلومات** **العضو** · 04-11-2009, 10:22 AM

تسلم يمناك ياسفير الغياثات على القصة والقصيده
اللي تنومس كل دوسري ولا بعد أحد دبّر بناقه من ابل الدواسر
على مر التاريخ والحمد لله هذا فضل من الله سبحانه
ثم برجال خطلان الأيدي عصابت راسي

يعطيك العافيه ولاهنت

تقبل ارقاااا التحاااااايااااا

**معلومات** **العضو** · 04-11-2009, 10:26 AM

بيض الله وجهك يا نايف العجمي ولا عليكم زود يا العجمان
وتاريخكم حافل بالعلوم الطيبه

وايضاء نعم بجميع قبائل الجزيرة العربية

ارقاااا التحاااايااااااا

**معلومات** **العضو** · 04-11-2009, 06:02 PM

و وجهك...

ونعمــ بالقبايل الثانيه.....

مشكورين ع اردوووووووووووووووووود

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية