شريت الجزيرة يوم قالوا بها جمحان

[معلومات العضو راشد المسعري]

السلام عليكم ورحمة الله وبركاته:
كان الأخ مبارك بن محسن بن مسرع في مجلس ومعه بعض خوياه من بعض القبائل الأخرى وقالوا له بأنهم قرأو في جريدة الجزيرة السعودية خبر في أعلى الصفحة الرئيسية يقول ( شاب من محافظة وادي الدواسر يشتري بعيراً بمليون ريال) وقالوا له بأن هذا الشاب اسمه جمحان الدوسري وكان هذا الكلام قبل حوالي سبع سنوات.
مما حدا بمبارك المعروف " ابو عدي " بأن يذهب للسوق ويشتري جريدة الجزيرة مع أنه لا يحب الجرائد ولا يقرأها ويعتبر أنها إذا وجدت في المجلس تشوش على أحاديث وسوالف النشاما.
المهم الرجل اشترى جريدة الجزيرة ورأى العنوان أعلى الصفحة الرئيسية وتفاصيل الخبر داخل الجريدة فلما قرأ تفاصيل الخبر واختصاره بقيام الشاب جمحان بن عرار بن صلال الجفارين المسعري بشراء الفحل ( مشيحان ) بعد أن كان هذا الفحل بغية كثير من تجار وملاك الإبل على مستوى الخليج ولكن في النهاية فاز به جمحان ودفع به مبلغ مليون ريال.
فهاضت قريحة ابو عدي بهذه الأبيات:

شريت الجزيرة يوم قالوا بها جمحان = وانا من اول ما اشفق على حبر وكتابه
وعلى الصفحة الاولى تبين لي العنوان=خذا الطايلة جمحان والحمل ماهابه
رميت الشماغ بلا شعور وانا طربان = صبي ينومس في شبابه وانا ادرابه
تنافس هل الذيدان كل يبي مشيحان= وجت ساعة كل يحسب انه اولابه
وغدا به صبي ماحسب للثمين اثمان = سلامي على اللي من هل البوش قد جابه
يروم المعالي من هل الطيب له جدان= عريب النسب للمرجلة يشعب ركابه
دروب المراجل للمناعير كالنيشان = ومن لا رمى رمي التفافيق ماصابه
يموت الردي بين الركايا وهو عطشان = وفرخ النداوي سلم المجد يرقابه
بدا بك قصيدي وانتهى فيك ياجمحان = وقصيد بلا ماجوب ياويش يبغابه

علماً بأن الخبر قد نشر في جريدة الجزيرة متضمناً صورة الفحل وبجانبه صاحبه وحاولت أن أبحث عنه بالنت ولم استطع ومن كان لديه من الاخوان صورة للفحل المعروف مشيحان فأتمنى تزويدنا بها.
وختاماً صح لسان الشاعر وبارك الله للاخ جمحان في الفحل وإنتاجه ووفق الله الجميع لما يحبه ويرضاه .
وللجميع ودي وتقديري ،،،

 

 

 

 

[معلومات العضو راشد محمد المقابله]

صح السان الشاعر

والله لايهينك على القصيده

 

 

 

 

[معلومات العضو ناصر فياض الودعاني]

صح لسان ابو عدي

ولاهنت ياراشد

على الطرح وعلى المواضيع الى تنومس


لك كل التحآآآيا العطره

 

 

 

 

[معلومات العضو نايف الخييلي]

عافك ربي يابو محسن على الطرح الوافي
وصح لسان مبارك بن محسن والله يبارك لـ جمحان بن عرار في في الفحل مشيحان وانتاجه
ولاتبخل علينا بقصايد ابو عدي

لك جزيل التقدير

 

 

 

 

[معلومات العضو ابوبدر المصارير]

اررررررحب يابو محسن

وعليكم السلام ورحمة الله وبركاته .

نوماس ولا تجيب الا العلوم اللي تنومس

صح لسان الشاعر الجزل / مبارك بن محسن بن مسرع(( ابو عدي ))

وبارك الله للاخ جمحان في الفحل وإنتاجه الله يوفقه

 

 

 

 

[معلومات العضو دـأيـم إهـذريبــگ]

عافك ربي يابو محسن على الطرح الوافي
وصح لسان مبارك بن محسن والله يبارك لـ جمحان بن عرار في في الفحل مشيحان وانتاجه
ولاتبخل علينا بقصايد ابو عدي

لك جزيل التقدير

 

 

 

 

[معلومات العضو ماجد الدوسري]

يموت الردي بين الركايا وهو عطشـان
وفرخ النـداوي سلـم المجـد يرقابـه

ياسلام على ذالبيت وصح لسانك يابو عبدالمحسن ولسان ابو عدي ويستاهل جمحان بن عرار الناموس ومن دور الطيب يلقاه

 

 

 

 

[معلومات العضو سعود بن محمد الصخابره]

لاهنت ياراشد وصح السان الشاعر ابو عدي قصيده راقيه

 

 

 

 

[معلومات العضو ابومبخوت الدوسري]

عليكم السلام ورحمة الله وبركاته صح لسانك ولسان ابوعدي على هذا القصيدة الجميلة وبيض الله وجهك يابومحسن على طرحها هنا .... تقبل أحترامي وتقديــــري

 

 

 

 

[معلومات العضو حفيد الصحابة]

صح لسانه

واالله يعطيك العافية على النقل

وإسمح لي بأن أضع صورة جمحان بجانبه مشيحان

 

 

 

 

[معلومات العضو محمد بن حمد الشكرة]

عافك ربي يابو محسن على الطرح الوافي وصح لسان مبارك بن محسن والله يبارك لـ جمحان بن عرار في في الفحل مشيحان وانتاجه ولاتبخل علينا بقصايد ابو عدي لك جزيل التقدير

 

 

 

 

[معلومات العضو شيهانه بكف صقار]

صح لسان الشاعر وبارك الله للاخ جمحان في الفحل وإنتاجه ووفق الله الجميع

 

 

 

 

[معلومات العضو الودعاني 33]

مشكووووووووووور

 

 

 

 

[معلومات العضو صادق النيه]

صح لسااااااااااااان ابو عدي
ويستاهل جمحان الدوسري القصيده

شكرا ياراشد على النقل الموفق

 

 

 

 

[معلومات العضو الـصـتـيـمـة]

الفحل يستاهل قيمته وراعيه يستاهله مافيه شك والشاعر ابن مسرع كبير ومبدع

هذي السوالف اللي لها طعم وعليها طراة خاصة وانها قدام ناس من قبايل اخرى

لاهنت ياراشد