اجمل محاورة في العالم!!!!...

**معلومات** **العضو** · 04-08-2009, 02:10 AM

بسم الله الرحمن الرحيم

جيتكم بالمحاورة اللي ما تخطر لكم على بال بين بوش ورئيس الصين

اعقب يا بوش بغى يسريه لكن عود اصلح بينهم كوفي عنان وانطقت السمرة

اخليكم مع المحاورة ـ

جورج بوش :

سلام رديه على حاكم الصين .... بالخير ياراعي النظام الشيوعي

ياجيانق بن زيمن نبى معك قافين .... والبرق عانه في المخايل يزوعي

جاينق زيمن :

يامرحبا ياقايد الغرب واهلين .... ترحيبتن ترضي غفير الجموعي

البرق عانه يبرق يسار ويمين .... يوم الرعد حدر السحايب يروعي

جورج بوش :

ماجيتنا ليلة لفونا المهنين .... يومن واشنطن تشب الشموعي

ليلة حكمت الكون في عام الالفين .... جوني هل الطالات غصبن وطوعي

جيانق زيمن :

ارسلت لك يابن النشامى خطابين .... جت لك مناديبي تبارك فزوعي

وانا حكمت الشرق من عام سبعين .... ما اعلنت للحكام قبلك خضوعي

جورج بوش :

انته تحسب الكون باقي بقطبين .... الراسماليه وطت كل شوعي

يانايم اصحى مرت اعوام وسنين ....ماعاد فيها يابن زيمن رجوعي

جيانق زيمن :

يابوش حنا بالسياسه ملمين .... ومن دون هيبتنا بنينا الدروعي

ليتك تحل المشكله في فلسطين .... عز الله ان ابوك ماهو طقوعي

جورج بوش :

ياجيانق انا طوفت وحده وثنتين .... والثالثه بتكون بين الضلوعي

الطايره وش علمها فالها شين .... اللي لها بحماك حول السبوعي

جيانق زيمن :

الطايره ماردها غير بكين .... جانا يقالبها خبيث الطبوعي

وين احترام الانظمه والقوانين .... مثلك عن سلوم الدول مايتوعي

جورج بوش :

ماهيب يمك رايحه للفلبين .... فوق المحيط الها نزول وطلوعي

مار اعترضتوا دربها يالشياطين .... عز الله اني من سواتك جزوعي

جيانق زيمن :

يابوش يابن بوش تلعب على مين .... ماهوب انا اللي بالكلام مخدوعي

يابوش وطتها في الارض الشياهين .... كانت تجسس وهزعتها هزوعي

جورج بوش :

هات الادله كان عندك براهين .... يومك تقول ارخت علاك السموعي

مخطين ياهل الصين منتم بمقدين .... وشيهانكم عود غرابن خروعي

جيانق زيمن :

ركابها يابوش خمسه وعشرين .... عسكر من الجيش النظامي نزوعي

حاصرتهم يابوش بالجيم والسين .... حتى خذيت العلم منهم قطوعي

جورج بوش وهو يضحك ..

عينت طيارك غدا راسه طحين .... وامه على قبره تهل الدموعي

الطايره ترجع لنا بعد يومين .... اخذ الكلام ولاتطول تعوعي

جيانق زيمن 000

خل العلوم قصار واسمع لنا زين .... عسكرك جولك يالسنافي رجوعي

والطايره لاعاد تنشد لها وين .... راحت ديه في واحدن من ربوعي

وسلامتكم ..

هههههههههه والله طلعوا شعار

**معلومات** **العضو** · 04-08-2009, 03:06 AM

هههههههههههههههههههههههههههههههه

مبـــــــــــــــــــــــدعيــــــــــــــــــــــ ن والله

يعطيــــــــــــــك العافيــــــــــــــــــــــــه

**معلومات** **العضو** · 04-08-2009, 03:08 AM

لاهنتي اختي برنسية الرياض على المرور

**معلومات** **العضو** · 04-08-2009, 03:24 AM

لاهنت وبيض الله وجهكـ

وتسلم يا ابوحمد على المحاورة

**معلومات** **العضو** · 04-08-2009, 03:26 AM

لاهنت يابوفهد على مرورك الرائع

**معلومات** **العضو** · 04-08-2009, 04:16 AM

ههههههههههههههههههههههههههههههه

لاهنت

**معلومات** **العضو** · 04-08-2009, 04:18 AM

ولاانت وتسلم هالضحكه

**معلومات** **العضو** · 01-09-2009, 09:02 AM

حقيقه في غايه الروعه هههههههههههههههه
اجل ابا اخذ قاف معه دام تقاعد

**معلومات** **العضو** · 01-09-2009, 09:25 AM

ههههههههههههههههههههههههههههههه

لاهنت

**معلومات** **العضو** · 01-09-2009, 12:28 PM

هههههههههههههههههههه روعتن روعه ذا الموضوعي <<<< ههههههههه كم القطه

**معلومات** **العضو** · 01-09-2009, 02:25 PM

الله يسلط عليهم

لاهنت

**معلومات** **العضو** · 01-09-2009, 04:02 PM

لاهنت وبيض الله وجهكـ

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية