يا كثر الأصحاب يوم اللعب والدشرة . . . . . .

[معلومات العضو عبدالرحمن بن عويس]

اقدم اولاً تحياتي وتقديري للجميع .. مع تمنياتنا للجميع بموفور الصحة والعافية

واحب أطرح قصيدة الشاعر الكبير / سعد بن جدلان الأكلبي ..
وأتمنى أن تنال أعجاب الجميع

والتي تحمل عنوان ( يا كثر الأصحاب يوم اللعب والدشرة ) ...

يا كثر الاصحاب يوم اللعب والدشره=
يوم الملاهـي تـدوّر مـن يلهيهـا=
من اول شقتـي بالنـاس محتشـره=
يوم العزوبيـة الـي كنـت مغليهـا=
واليوم لا عاد لا خـوه ولا عشـره=
الله ولا رفـقـة هــذي تواليـهـا=
ناس مع المصلحه عشره على عشره=
وان حدك الوقت حدة لـك جنابيهـا=
اللي حياته مـع البيلـوت والنشـره=
واللي يحب الدشوش ولاهـيٍ فيهـا=
واللي على الخط دايم فاغر الكشـره=
سمّاعته طـول ليلـه مـا يوطّيهـا=
واللي مزاجه مع القصات والبشـره=
ماله هدف والنصايـح مـا يدانيهـا=
واللي مع الناس لا يفقه ولا يشـره=
شقراً مع الخيل لا هجّـت تباريهـا=
ذي عيّنه في شباب اليـوم منتشـره=
عسى الذي جابها من الارض يمحيها=
اهل المصالح معرّفتهـم كماالقشـره=
لا نظّف الراس بالصابـون ينهيهـا=
هـذا كـلامٍ علينـا واجـبٍ نشـره=
وما تحرق الجمره الا رجل واطيها=

 

 

 

 

[معلومات العضو أبونواف الدوسري]

لك منا كل التقدير على عرض هذه القصيده

بارك الله فيك وصح السان الشاعر سعد بن جدلان

دمتم في حفظ الرحمن...

 

 

 

 

[معلومات العضو عبدالله الفاران]

صح السانك

 

 

 

 

[معلومات العضو خلاّد الزايدي]

ياكثر مانسبت هالقصيدة لابن جدلان وهي ماهيب له
القصيدة لسعيد مقبل الاكلبي

 

 

 

 

[معلومات العضو خيالية]

يعطيك العااافيه ......

 

 

 

 

[معلومات العضو الشقرديه]

صحح لسان الشاعر
ولاهنت اخوي على نقلك القصيده