وبكوا على صوتي شغاميـم نجـران

[معلومات العضو عماري السيح]

اعوذ بالرحمـن مـن كـل شيطـان=ومن الغدر ومـن الحسـد والعمايـل
والى ابتدى ليل القصايـد والالحـان=بديـت واشفيـت النفـوس الغلايـل
وانا ماشوش الا على صهلة حصـان=وعلى عـزاوي ناقضـات الجدايـل
مانيب اخوض الحرب في كل ميـدان=اليـن يشعفنـي صهيـل الاصـايـل
الله خلق لي فكـر وعيـون ولسـان=اقـدر امـيـز واتكـلـم واخـايـل
نيابـةٍ عـن يـام والشيـخ راكــان=وقفت امثـل لـي شعـوب وقبايـل
وذبيت فـي راس الطويلـة مسيـان=والحيل مامن حيـل والدمـع سايـل
ومن البكا سالـت مـلازم ووديـان=وحتى الطويله مـن دموعـي تهايـل
وبكوا على صوتي شغاميـم نجـران=وبكوا على صوتـي شغاميـم حايـل
عليـك ياعـز العروبـه اكحـيـلان=عز العرب رمـز الوفـا والجمايـل
ملـك ومتواضـع وللعـز عـنـوان=حذفك بعيـد وشبـر يمنـاك طايـل
اسمك الحاله يرجـح بكـل ميـزان=وذكرك مابين الناس صايـل وجايـل
من لا انجبت مثلك على مر الازمـان=احسن لها تبقى علـى طـول حايـل
ومن لا نهج نهجك على سنان وعنان=ماظنتـي يدعـى صبـي الصمايـل
تركتنا في عـز فـي امـن وامـان=وانعام ماتحصـى وخيـر وفضايـل
موتك فجيعه حلـت بكـل الاوطـان=مـن هولهـا شفنـا نجـوم القوايـل
يومٍ بـدى مظلـم تباشيـره احـزان=تقول فـي يـوم الحشـر والهوايـل
لكن عزانا في هـل العـز والشـان=اخوان نـوره مقُـدم اعيـال وايـل
العزوه اللي لكتسـى الجـو دخـان=افعالهـم تلغـي جمـيـع الفعـايـل
نرسل عزانا صوب ذربيـن الايمـان=ونجـدد البيعـه بـكـل الوسـايـل
ونرفـع يدينـا كلنـا سـر واعـلان=وندعي لهـم بالفـرض والا النفايـل
على العهد باقيـن انصـار واعـوان=ماخانـوا العشـره اعيـال الحمايـل
ماعندنـا بايـر وكـاذب وخــوان=نصدق مثل صادق حقـوق المخايـل
لعيون (عبد الله) ولعيـون (سلطـان=ناقف ونـردع كـل غـازي وعايـل
هـذي عوايدنـا مقـلـع وخـبـلان=والـى نوينـا يعتـدل كـل مـايـل
ناتي كـذا خبـلان صقهـان عميـان=ونـذود دون معوبسـات الشمـايـل
حنا نهـار الضيـق رئاسـة اركـان=حنـا الكتايـب واللـوا والفصـايـل
حنـا لقادتنـا مـحـازم وفـرسـان=ضد الغدر ضـد الجهـل والتحايـل
من عهدنـا الاول الـى عهدنـا الان=وحنا علـى نهـج الجـدود الاوايـل
والحكم لال سعود والضـد خسـران=وعندي على قولـي شهـود ودلايـل
ومن لا اعتبر يقلط على السيف شامان=وماله عن المـوت المحقـق بدايـل
اقولهـا مـن قلـب يغشـاه الايمـان=واعيدها لاقيل ويـش انـت قايـل ؟
وان ودع بليهـان يـاتـي بليـهـان=وحنا بامـن وامـان والشـك زايـل

 

 

 

 

[معلومات العضو راكان العجمي]

كفووووووووووووووووووووووو
الله لا يهينك على القصيده الرائعه

 

 

 

 

[معلومات العضو بن مشخص المسعري]

تسلم ياذيب وبيض لله وجهك والله يرحم فقيد الامه

 

 

 

 

[معلومات العضو ابوعبدالرحمن الودعاني]

كفو والله بيام وبىل عرجا

رجال من رجال ولا فيها هرج وجدال

وأحسنت أيها الحبيب على أيراد هذه القصيده

الجزله والجميله

 

 

 

 

[معلومات العضو أبوفهيد الودعاني]

صح الله لسان الشاعر // سالم بن نادر العرجاني

وسلمت يمينك اخوي عماري السيح على النقل

وأعذرنا على مابدر منا من تنسيق للقصيدة

لاتبطي بجديدك ،،،،