ابن وقيل

**معلومات** **العضو** · 30-05-2009, 01:58 PM

اعزاي في منتدانا الموئقر هذي ابيات قلتها في الاخ العزيز علي بن
وقيل ال جلاب ال مره ارجو ان تحوزعلى ذوقكم

(ابن وقيل)=
الاياخويي نحر الجيب لبن اوقيل=رعى الرفقة اللي صافي الطيب منبعها
رعى المجلس اللي فيه صفرً ذعرها الهيل=ولطايف هروجً تعجب اللي تسمعها
هذى فال ضيفه والعشى من خيار الحيل=يحط الجزيلة فالصحن والعذرمعها
على منهج اهل المرجلة مانواه يميل=دروب المراجل والنواميس تابعها
سلايل رجال يقحمون الهجن والخيل=هل السربة اللي تكسب البل وتمنعها
بعادالمغازي لاتكاسل ردي الحيل=فهودالرجال اللي تنومس مطامعها
الى شرف اللي مايقمن رعى الدربيل=وشاف الجهام اللي في اقصى مراتعها
زهمهم وغاروتالي اليوم دنو الليل=وصاح المصيح وانقرد حض فازعها
لحق حضرة الغياب قرمً ضفره مهيل=على الموت روحه دون عزوتة بايعها
وحول له اللي له عوايد في التحويل=وحط العلم تحت اذنها فوق دامعها
وخالف ضهرها ماتمكن من التهليل=وجات الذلول وبندقه مع توابعا
وقفوبهااللي يعرفون الجدي وسهيل=ومسيرالنجوم اللي سرت من مطالعها
سالم بن صمهود=

**معلومات** **العضو** · 30-05-2009, 02:14 PM

ارررررررررررررررررحب تراحيب الحيا

شاعرنا الكبير بو فيصل

صح اللسااانك ملاييييييييين

ويستاهل بن وقيل المدح و آل مره الكرام

ولا تحرمنا من جديدك

أخوك / ابو زيد

**معلومات** **العضو** · 30-05-2009, 02:24 PM

قصيدة جزله

صـــــــــــــــح لسانك و اعتلا شانك

لاهنت

**معلومات** **العضو** · 30-05-2009, 05:41 PM

صح الله السانك يابو فيصل مدحت من يستحق وبيض الله وجهك على الطرح الجميل,,

**معلومات** **العضو** · 31-05-2009, 10:18 AM

قصيدة جزله

صـــــــــــــــح لسانك و اعتلا شانك

**معلومات** **العضو** · 01-06-2009, 01:04 AM

صح لسانك ياسالم شاعر جزل تستحق التصفيق

والممدوح يستاهل

سجل اعجابي الشديد بقصيدك

**معلومات** **العضو** · 01-06-2009, 01:15 AM

ابو فيصل

صح لسانك مدد ولاهوب عدد ياشاعرنا الجزل ، ويستاهل الممدوح ماقيل فيه

وكذلك يستاهلون آل مرة الكرام المدح وهم أهلاً له

بيض الله وجهك وتقبل ودي وتقديري ،،،،

**معلومات** **العضو** · 02-06-2009, 06:02 AM

صح الله لسـانك يا أستاذنا أبوفيصل

وكفوو في ابن وقيل ولابـتـه

بيض الله وجهك على القصيده الطيبه

تقبل تحياتي،،

**معلومات** **العضو** · 02-06-2009, 09:04 AM

اقتباس:

المشاركة الأصلية كتبت بواسطة ابو زيد الغييثي

ارررررررررررررررررحب تراحيب الحيا

شاعرنا الكبير بو فيصل

صح اللسااانك ملاييييييييين

ويستاهل بن وقيل المدح و آل مره الكرام

ولا تحرمنا من جديدك

أخوك / ابو زيد

بك البقا يابو مرحبا
صح الله بدنك يابوزيد عزيز وغالي ومرور شرواك يشرفني ياذيبان

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية