شعراء من حرب ويام والسهول والقحاطين يمتدحون فخذ (آل حزام) العجالين

[معلومات العضو حفيد الأمراء]

تشمت علي يا ذيب وتكثر الشمات=شماتٍ يحس القلب ويزيده الحاقه
لزومي ورى بدواً مظاهيرهم عجلات=ولا زمك يا أبوسعود فا الخرج وأسواقه
لكنّ السياسة كلها ف"أنور السادات"=يلم الشعوب ويجبر الناس بأخلاقه
وانا لابغيت أروح يا ذيب لي هقوات=على موتري مااروح في جنبك اعلاقه
لوأنك طويل ذراع ومكمّل الشارات=ربيعٍ تربع فيه ما أخيل براقه
وأنا ما تركت أم اللبن زينة المثنات=علشان زود قروش من واحداً عاقه
بدا لازمٍ للشيخ فيها وهي له جات=عريب الجدود اللي يعزونه أصداقه
ترى ذاك أبو خزام في الضيق له حزات=أمير الفرجان يوم الأيام صفاقه
وأقول أبرك الأيام ياذيب والساعات=لزوم الشلي نقضيه والنفس مشتاقه
سلام يا أبو حزام يا منقع الطيـب=تحيةٍ مـن شاعـر جـاك عانـي
يا اللي دلالك فوق ضوك محاديب=وقنادها مـن الهيـل والزعفرانـي
وجيتك مسير يا زبون المواجيـب=ويمك هوى قلبي وشوقـي حدانـي
يا بن الكرام اللي تهد الأصاعيـب=وبيوتهـم تبنـى بعالـي البيانـي
والطيب ما فيـه شـك ولا ريـب=يا مكرم الضيفان هـم والعوانـي
ربعك دواسر هم هل العز والطيب=وانته يا أبو حزامٍ زبون الحصاني
ابازهمك يا شوق بيض الرعابيـب=ستر العذارى مرودعات الوشامـي
وانتم بعيد من الـردى والعذاريـب=وأهل الكرم أهل العلـوم السمانـي
دواسر عنـد الملاقـى معاطيـب=أولاد زايـد طيبـيـن المجـانـي
وجالك بدرب الخير فعل وتجاريب=وفيكم يلوذ اللي شكا من الزمانـي
يا عيد حفيّات النضا شمخ النيـب=عما يكـن القلـب ينطـق لسانـي
الراس شيب والعوارض غدت شيب=واللي جرالي من زمانـي كفانـي
قلته وأنا من لابةٍ لا عوى الذيـب=يا مية ٍ في الضيق تروي السنانـي
تم الجواب بذكر من يعلـم الغيـب=ويا لله على زين الجواب تهدانـي
واصلي واسلم عد جرد المهاديـ=بعلى النبي الهاشمي أبـن عدنانـي
أنا أحبكم لا شك ما عاد لي بالفوج=وأنا ودي انقل صوب فوج أبن عجلاني
ابنقل لحلال المشاكل ولوهي عوج=الي جاء خبرها بين نايف وسلماني
هل المدح لاجات الرمك مثل وصف الموج=الي جاء نهارفيه زوغات الأذهاني
لاضاق صدري رحت للشيخ مشعان=أبغى اتسلى والسوالف نقيه
له مجلسٍ مليان شيبٍ وشبان=يفرح بملفى الضيف من منشويه
والعود الازرق دائرٍ بين الأخوان=وحيلاً تفطح بالصياني طريه
مهوب يحسب للخسائر اكحيلان=وسعد الرفيق وسعد منه خويه
حلحيل ما ينحال لو كان ما كان=يرسي كما ترسي هضاباً قويه
للصاحب أحلى من لبن كل مسمان=وللعدو رمحٍ وعلةٍ باطنيه
من نسل شيخٍ بالعسر يذبح الضان=ويفك عقب القوم في كل هيه
عجالين معروفين في كل ميدان=أهل الوفاء والطيب وأهل الحميه
دواسرٍ بالهوش ما هم بذلان=عند الشدائد لابةٍ صيرميه
يشهد له التاريخ في قصر عجلان=برفقة أخو نوره زبون الونيه
عبد العزيز معدلٍ كل غلطان=مصبح العدوان والشمس حيه
ياما وطو من المخاطر والأكوان=وكم صبحوا من ديرةٍ جاهليه
لين أصبحت نجدٍ بدينٍ وقرآن=وفي فطرةالإسلامٍ هم بالسويه
أقولها والله بصدقٍ وبرهان=وعقب صبيٍ في جوابه خطيه
وصلاة ربي عدّما هل ودان=على رسولٍ شرّف الله مجيه
سلام يا حامي نقاه ودخيله=يوم النقا حماته على الأرض باقين
من الكتوف ليا ردوف الأصيله=تقلب عليهم لو خلت من هل الدين
وشرواك يا مشعان راعي جزيله=بالدين وسلوم الرجال المسمين
يابن الرجال اللي خطاهم طويله=اليوم وأيام اللقا والأكاوين
لهم نصيب من الفعول الجليله=الربع منها فيه ترجح موازين
يا ملبسين الوادي اسم القبيله=غني عن التعريف وانتم غنيين
علمن مواقيف الدواسر دليله=خير الكلام اللي عليه البراهين
ولا الكلام اللي يجي فيه ميله=ماله بسوق أهل المواجيب تثمين
يا مير تفداك العزوم الكليله=الفوت ما عوّد بوقت المصلين
واللي قضا في وقت فرض ونفيله=عنّز على اللي مثل شيخ العجالين
سمح الجناب وعز من يلتجيله=الين من الما هود في حزة اللين
وليا لتطم عيّف عميل بعميله=وليا سمح ما غيروه المثيرين
يا ريف من خاواك وانته زميله=جينا على طاريك من نجد عانين
في لازمٍ يلزم علينا نجيله=وانته لو انّا نتركه قلت مخطين
لو ان السالفه مستحيله=الآدمي ما كوّن آدم من الطين
لكن تراها للنشاما وسيله=والخشم معك إدراك معناه والعين
يوم ان لك عزمٍ يشيل الثقيله=بشر بها اللي جوك يا مير ناصين
من جود عطفك والشعور النبيله=أثابك اللي نزل آيات ياسين
وصلو على راعى الهدى والفضيله=يااللي سمعتو بالنبا قولوا آمين

 

 

 

 

[معلومات العضو فيصل الشكري]

لاهنت ياحفيد الامراء على هذا الموضوع


وكفووو بالعجالين ويستاهلون المدح



تقبل تحياتي,,

 

 

 

 

[معلومات العضو محمد مناحي الودعاني]

لاهنت اخوي على الموضوع وايراد القصائد وكفووو بالعجالين ويستاهلون المدح تقبل تحياتي

 

 

 

 

[معلومات العضو حفيد الأمراء]

الاخوة الأعزاء



فيصل الشكري



محمد بن مناحي الودعاني


شاكر لكم



على هذا المرور العطر



والذي عطر المشاركه



والبسها جمالاً ونورا



ونثر عليها زهراً يفوح شذاه دوام الأيام


والسلام

 

 

 

 

[معلومات العضو الجراح]

بيض الله وجه من مدح ربعي العجالين لاهنت على النقل الطيب تحياااتي

 

 

 

 

[معلومات العضو ابوبدر المصارير]

والله والنعم بالعجالين وعز الله انهم كفو للمدح ويستاهلونه

لاهنت اخوي حفيد الامراء وبيض الله وجهك على النقل والتدوين

تحيااااااااااااااااااااااااااااااااتي

 

 

 

 

[معلومات العضو حفيد الأمراء]

الاخوة الأعزاء



الجراح



ابو بدر المصارير


شاكر لكم



على هذا المرور العطر



والذي عطر المشاركه



والبسها جمالاً ونورا



ونثر عليها زهراً يفوح شذاه دوام الأيام


والسلام

 

 

 

 

[معلومات العضو تركي الخرفاني]

ونعم ونعم والله بالعجالين يستاهلون يستاهلون والله

 

 

 

 

[معلومات العضو حفيد الأمراء]

لاهنت يالخرفاني


على المرور الرائع


وماعليكم زود


ياصبيان ال عمار


ولاقصور في باقي القبايل

 

 

 

 

[معلومات العضو ابن شميعان]

اولى صح لسان الشعراء


الثاني ارحب دبل فور ياحفيد الامر


الثالثى العجالين يستهالون المدح ولاهو غريب عليهم



وعسى الله يطوال في عمرك


تحياااااااااااتي لك


نايف ابن شميعان

 

 

 

 

[معلومات العضو حفيد الأمراء]

أولاً:سلاماً عليك

ثانياً:والبقاء فيك دبل فور مليون ياأبن شميعان


ثالثاً:ماعليكم زود ياخيالةالجدعاء و لباسة الجوخ الحمر


ولاهي غريبه عليكم هذا المرور العطر

ياصبيان ال عمار

وشاكر لكم كل الشكر على هذا المرور الرائع


والذي البس المشاركه ذهباً يتلامع بريقه


ونثر عليها ورداً يفوح شذاه دوام الأيام


وتقبلوا مني فائق الود والأحترام

 

 

 

 

[معلومات العضو ولد العرب]

لاهنت ياحفيد الامراء على هذا الموضوع


وكفووو بالعجالين ويستاهلون المدح



تقبل تحياتي,,

 

 

 

 

[معلومات العضو حفيد الأمراء]

الأخ الكريم


ولد العرب


بيض الله وجهك على المرور الرائع


والذي البس المشاركه ذهباً يتلامع بريقه على مدى الأيام




والختام سلام

 

 

 

 

[معلومات العضو ابو زابن المسعري]

يستاهلون المدح بني عمي العجالين

بيض الله وجهك على ذكر هذه القصائد ياحفيد الامراء والشيوخ

 

 

 

 

[معلومات العضو حفيد الأمراء]

الأخ الكريم


أبو زابن المسعري


بيض الله وجهك على المرور الرائع


والذي البس المشاركه ذهباً يتلامع بريقه على مدى الأيام



والختام سلام