|
|||||||
31-07-2005, 01:43 PM
|
#1 | ||||
|
القصيدة المشهوره والرد عليها كامله لأبو دبـــاس
ياونة ونيتهـا مـن خـوى الـراس=من لاهـب بالكبـد مثـل السعيـره ونين من رجله غـدت تقـل مقـواس=ويون تالـي الليـل يشكـي الجبيـره وياحمس قلبي حمس بـن بمحمـاس=وياهشـم حالـي هشمهـا بالنجيـره وياوجد حالي يا ملا وجـد iغـراس=يوم اثمرت واشفا صفـا عنـه بيـره من ثمر قلبـي سـرا هجعـة النـاس=متنحـر درب عسـى فيـه خـيـره الله يفكـه مـن بـلا سـو الاتعـاس=ومن شـر عبثـات الليالـي يجيـره فى ديـرة تقطعـت عنـه الارمـاس=سبعيـن يـوم للركـايـب مسـيـره لاوالله إلاحـال مـن دونـه اليـاس=حـط البحـر والبـر دون الجزيـره علق سلـوان وراء العيـن والطـاس=وقلبي علـى فرقـاه تسمـع فريـره يالله ياللـي رد مـن عقـب مايـاس=يوسف على يعقوب وابصـر نظيـره ترد على أدباس يا محصـي النـاس=ياعالـم مـا بالخـفـا والسـريـره يادباس أنا بوصيك عن درب الادناس=ترى الـذي مثلـك يناظـر مسيـره عليك بالتقوى تـرى العـز يادبـاس=فى طاعة اللـي مـا ينجيـك غيـره هذي ثمان سنين من رحـت يادبـاس=لا رسالـه جتنـي ولا مـن بريـره يادباس من عقبك ترى البال محتـاس=وعليك دمـع العيـن حـرق نظيـره وعليك كنى فى دجـا الليـل حـراس=أصبح على حيلـي وعينـي سهيـره أصبح انا مابين طـاري وهوجـاس=وطـواري تطـري علينـا كثـيـره مثل الوحش قلبي على كـف حبـاس=يكفخ كمـا طيـر اسبوقـه قصيـره متحير من عيلـه البيـت يـا دبـاس=ارجى ثـواب الله وأخـاف المعيـره أخاف من حكي العداء ثـم الانجـاس=أهـل الحكايـا الطايلـه والقصيـره ويقال خلا عيلته عـن نـزا الـراس=أقفـا وخـلا عيلـه لـه اصغـيـره والا فنا يا بـوك قطـاع الارمـاس=مانيب مثبـور أو رجلـي iiكسيـره أصلك لو دونك نبا حمـر الاطعـاس=الصلـب والصمـان دروب عسيـره مهالـك مـدارك مـا بهـا أونـاس=إلا الثعـل والبـوم تسمـع صفيـره لو كنت فى نزوى وديرة بنـي يـاس=أهـل المـوازى والوجيـه الغبيـره عبـادة الاصنـام شرابـة الـكـاس=الخمـر والتنبـاك فيهـا وغـيـره لاركب على وجنا من الهجن عرماس=فج النحـر يادبـاس حمـرا ظهيـره متروسه الفخذيـن مزبـورة الـراس=كن الخلاص اعيونهـا يـوم أديـره ياشبـه ربـد تخـفـق بـالاونـاس=وان رفعـت جنحانـهـا مستـذيـره تنشر من العوده على نـور الانفـاس=عند الفجـر والليـل مقفـي مريـره والعصر بالصمان تسمع لها اضراس=حبل الرسـن خطـر تبتـر جريـره ونهـار ثالـث بيـن حمـا الاوراس=وارأي أمـك جعلهـا لـك سفـيـره ثـم أركـب ساقيـه تقلـب الـراس=تمشي بهلها فـى البحـور الغزيـره إلى مسكت الفيحاء بها الخير محتـاس=لولا الكفـر والشـرك يـاوي ديـره فيها الطبيق وراهي الخبـز يادبـاس=يقعد خـوى الـراس خنـه خميـره هى ديرة اللي باغـى كيفـة الـراس=ولا له حد همه مـن النـاس غيـره هيس بذرى الاجواد لصحاف لحـاس=يفـرح الـى نيـدى لذبـح العقيـره ذا ما قفك يادباس مـا فيـه نومـاس=يصلـح لقيـن مهنتـه طـق زيـره ترى الضراوي دون وأنت انشدالناس=راعيـه مـا يذكـر بخيـر وغيـره ماله سوى حذوا لحنك منـه واليـاس=والى انقطع خرجه فـلا لـه ذخيـره طلب المعيشه بالحراثـه والاجنـاس=المشتري والبيـع يوصـف وغيـره هم انهض العيرات مـع كـل فـراس=يـادبـاس دور خـيـر تستشـيـره جدك وعمانـك هـل العـز والبـاس=أهـل اللـوازم مكرميـن القصيـره يادباس ما يصبر على البق والحـاس=إلا الـذي مالـه بنـجـد عشـيـره واليوم يامـروي شبـا كـل عبـاس=أنـت يـا لطـام وجيـه المغـيـره عشرين عام كلها أرجيك يـا دبـاس=مثـل الغريـر اللـي تولـع بطيـره عد المناكـب هيلـع فـرخ قرنـاس=يمناه فـى لطـم الحبـاري شطيـره عانق خلوج روحت عقـب مـرواس=عنـد العصيـر لبيضهـا مستذيـره والليل جاه وحال من دونهـا اليـاس=روحه علـى فرقـاه فـرت فريـره يادباس أنـا يابـوك مانيـب بـلاس=ميـران عيـلات الرفاقـه كثـيـره جنبت وسط السوق وامشي مع الساس=وأخذ قليـل الحـق واتـرك كثيـره يا دباس لو جبت لى من دحب الاكياس=مختلفـه مــا بـيـن زر ونـيـره مالـي بهـا ياجعلـه بألـف قبـاس=ويعلهـا تذهـب ولـو هـي كثيـره يادباس قلبي كل مـا هـب نسنـاس=شرقيـة هبـت بقلـبـي سعـيـره والحال يافرز الوغى مسهـا البـاس=عليـك يـا ناطـح اوجيـه المغيـره وغصون قلبي يا فتى الجـود يبـاس=غادي أنـا يابـوك كنـي هشيـره مـن شافنـي يقـول ذا فيـه لسـاس=واللـي بـرى حالـي إلهـي خبيـره لا وعلا من قبـل غـوال الانفـاس=وامفـارق الدنيـا يجينـا بشـيـره عسى يطق البـاب والنـاس غطـاس=ياوالـي القـدره عليـك اتعبـيـره وصلاة ربـي عـد ماهـب نسنـاس=على النبـي عـدة احقـوق المطيـره هذه مرد دباس عندما سمع غلام يردد قصيده والده :-
حي الجواب الى لفانـا مـن الـراس=جابـه غـلام مـا توانـا مسيـره اهـلا عـدد مـا حبـك قرطـاس=ومـا كتـب فوقـه بيـوه شطيـره جواب منهم لى مـود مـن النـاس=ابوى مـا يوصـف حلـى لغيـره فرز الوغى كنه على الوقير كرنـاس=وقـروم ربعـه كلهـا تستشـيـره دليل عيـراه ايلـي هـب نسنـاس=ثـم اولهـم الجـو مابـه ذخـيـره فهى الغنم لاهل الركيـب والقـراس=الى رجو بيته فلا عليهـم قصيـره راعي معاميل بهـا العبـد جـلاس=البن يشـر بهـا السنيـن العسيـره هاذي بوركها ولا خـدي بمنحـاس=وهاذي يصيبـه للوجيـه السفيـره وخلاغ ذا ياراكـب فـوق عدمـاس=ما مونت من نقـوة الهجـن عيـره حمرا وهي فى سنها وقـم الاسـداس=متوسط لافاطر ولا هـى صغيـره ماهي لحوج راكبه بالعصـى قـاس=حزام عليهـا غيـر شبـل النجيـره والخرج هو وبيـوه قيـل قرطـاس=مـع مذهـب ليـام ماهـي كثيـره وفوقه غلام منتـوه قطـع الرمـاس=لـو هـو بالليـل ماتغيـر نظيـره ويلي لفيت الدر فجهر بـلا حسـاس=وبلغ سلامـي كـل ذيـك العشيـره وختص ابوي الى نفل جملة النـاس=وخصه بعلم وقـل ترانـي بشيـره لايانقى العـرض يابـوي لابـاس=كانك تشكـي الضيـم فننـا اسيـره وان سالك عنـي ترانـي بنومـاس=ونا حمد الى مـا توصلـت غيـره الحمد لو يشـرى شريتـاه بكيـاس=باموالنـا نرخـص نـدور السيـره مطرق فنرجـى مضاربـه الـراس=ومصلبـخ حبتـه عسانـى ذخيـره من صنع نصراني يشـرب الكـاس=يذكره وراى جـاوه بعيـد مسيـره ابغيـه للـي حاتيـك علـى النـاس=اهـل النمايـم الحكايـا الكثـيـره ربع نـوو فيـك الـردا والتنحـاس=مهبول ياللي قـال غايـب عشيـره على ديـن لـوده الجميـع بينحـاس=لين العشيـرا يقـوم يلعـن عشيـره يابوي انا ما رحت ادور كيفت الراس=مع ذا ولانـي فـى سفـاه وغيـره اما سكنا الدار مـن غيـر هوجـاس=ولا نعـاف الـدار وندورغـيـره كلـه لعينـا كلمـة قلـت يادبـاس=تشكي ونا دونـي بحـور غريـزه هذا لك يمين الشرع قطـاع الننـاس=انه فـلا جانـي علـوم بمصيـره لانب جانـي ولا حبـر بقرطـاس=ايضـا ولا جتنـي علـوم سفيـره ان كان تشكي الضيف يابوي لاباس=جاك الفرج يابـوي هـو البريـره ولا فنايـا بـوي قطـاع لرمـاس=اصبر على الشده ولو هـي عسيـره يامسندي يابوي شوف اوكد النـاس=ثم أنشده قل ويـش هوفـى مسيـره ان كان ما يفرج صديقـك بنومـاس=تحرم علينا الـى نعـوده صغيـره مدلول مجهـول زهاتنـي الالبـاس=بنت الذي يثني ايـلاه جـت كبيـره طار يقول اظهـر وطـار بجـلاس=قمت اشرك التنبـاك وثـره معيـره وابغى عسى الله يبرد القلب يانـاس=من لاهـب شبـت بقلبـي سعيـره ومن كان له غايب فلا يقطع اليـاس=ان قدر لـك جـاب علمـه بشيـره تمت ،،، وسلامتكم ،،، آسف على الإطاله والتكرار ،،،
|
||||
|
|
|
|
31-07-2005, 01:56 PM
|
#2 | ||||||||
|
لا عدمناك يابو طارد
|
||||||||
|
|
|
|
01-08-2005, 11:03 PM
|
#3 | ||||
|
لا هنت على النقل و ما قصرت
|
||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 05:05 AM
