يالله يالي حميت محمد بغاره=تشفي عبادك وترحمها وتهديها

[معلومات العضو ابو ملهي العنزي]

السلام عليكم ورحمة الله وبركاته

ابدا قصيدي وعقلي كثرت افكاره=مدري هواجيس؟ مدري ويش اسمٌيها؟
هاذا زمانٍ غرس بالقلب مسماره=والكبد تشكي من الدنيا واهاليها
شفت البلاوي بها والنفس أمٌاره=بالسٌوء والمنكر الي ما يخلٌيها
ما تملك الا الصبر لا جاك طشٌاره=الله هو الي قلوب الناس يهديها
تشوف ورعٍ علا بالصوت مزماره=يسرح ويمرح(زنود الصقر) يشويها
وتشوف رجلٍ دنيٍ حثله اخباره=فيه الخساسه تطبق به معانيها
وتشوف شايب سليم العقل مازاره=كاذب و عايب وعلمه رايحٍ فيها
والبنت تظهر حسين الوصف (والغاره)=(تطلق) اسهامٍ من اعيون البشر فيها
والزوجه الي بهاذا الوقت محتاره=ما همها بيتها والزوج ناسيها
والعجٌز لسانهنٌ ايدور الشٌاره=بالسٌم يقطر (وقبر الموت) يدعيها
وبعض البشر همٌه التفحيط والطٌاره=همه علومٍ تسوٌد وجه راعيها
وبعض البشر في ظهور الناس نقٌاره=تاكل لحم ربعها (نيٍ) وتنعيها !
وتشوف رجلٍ لبس له جنز وسواره=والصوت ناعم وعينه قام يرخيها
أخصٌ بعض البشر واعمٌها تاره=في شعري الي بيوت العزٌ يحويها
واصابعك تختلف بالطول واقداره=يعني بها ناس نعمٍ يا عرب فيها
يقوله الي بفعله رفرف شعاره=وفعوله البيض كل الناس تطريها
شاعر كفو في (وجاره) ما انطفت ناره=ودلاله يلزٌها للنٌار يركيها
يالله يالي حميت محمد بغاره=تشفي عبادك وترحمها وتهديها

وسلامت الجميع

 

 

 

 

[معلومات العضو المطنوخه]

شاعر كفو في (وجاره) ما انطفت ناره ودلالـه يلـزٌهـا للـنٌـار يركيـهـا يالله يالـي حميـت محمـد بـغـاره تشفي عبـادك وترحمهـا وتهديهـا صح لساااااانك وبيض الله وجهك ولاهنت قصيده رائعه من شاعر رائع..

 

 

 

 

[معلومات العضو بدر بن صقر العجالين]

صح الله لسانك يا شاعرنا المبدع ( ابو ملهي العنزي )..

أبيات جزله من شاعر كفو..

بيض الله وجهك وعساك على القوه..

تقبل تحياتي،،

 

 

 

 

[معلومات العضو ولد ودعان]

اخي وعزيزي ابو ملهي العنزي

صح السانك,,

هذي القصيده شامخه بشمووخ راعيها لاهنت يالغالي

ودام قافك ياراعي الجزله

تقبل حبي وتقديري

اخوك ولد ودعان

 

 

 

 

[معلومات العضو ابو زيد الغييثي]

ابيات احترت ما اقتبسه منها

جزله جزله جزله بكل معنى الكلمه

كل بيت منها يستشهد به

طرقت الحكمه وحال المجتمع

صح اللسانك يا مبدع

 

 

 

 

[معلومات العضو أبـ ريماس ـو]

صح لسانك على ما ابدعته و يعطيك العافيه على اتحافنا بهذه الدرر الراقيه ننتظر المزيد تقبل شكري

 

 

 

 

[معلومات العضو بدر بن صقر العجالين]

تسعدني وتشرفني مجاراة الشاعر الكبير ( ابوملهي العنزي ) بهذه الابيات المتواضعه وامنى ان تحوز على رضاكم

وش علم الأجناب جات اتدور الشاره=يابوملهي واشوف الوقت حاديها
الديك له صاحبه والصقر صقاره=والناس توحي بذا الدنيا وما فيها
وش علم منهو يسوق بوسط سياره=يسوق لكن دروبه ما يجاريها
يمشي ولا يلتفت ليمين ويساره=غرته نفسه وربع(ن) له يماشيها
غشيم غرته نفسه والردا داره=والناس صارت تميّز في تماديها
والرابح اللي يصيد الناس راداره=لا مرته طايره غصب(ن) يوطيها
حنا لو العلم داخل وسط طياره=لا مرتك طايره بالغصب نرميها
يا أبوملهي أشوف الناس ثرثاره=والهرج واجد وقصر الفعل حاويها
الشعر مركب وفوقه ناس بحاره=يبحر به اللي جزيلاته يوافيها
والشعر غابه كفاك الله أشراره=يدسم به اللي جزيلاته يسريها
والشعر زرع(ن) تزرع نقطف أثماره=كل(ن) حسب بذرته من يوم يبديها
والشعر بيت(ن) كبير وعالي اجداره=يبقى شموخه وعمدانه نداريها
ينهد ذا البيت دايم فوق زواره=اللي غدت للجزيله من بلاويها
يا أبوملهي أصوغ القول واختاره=للي هزيله من المبدا مباديها
الهزل واهله هزيل وتكثر أعذاره=والله يكافيك ناس(ن) ماندانيها
والشاعر اللي هزيله تطلع أشعاره=ياكبر وجهه ألا من جاك يلقيها
هزله علومه ودرب الطيب ما ساره=كنه سفينه وتطردها موانيها
يا أبو ملهي ضيوف الوقت غداره=تاتي معازيبها من شان تبليها
والضيف لامن لفا نب نحفظ اوقاره=وحنا لضيفاننا نبذل ونعطيها
لكن اذا الضيف ضيع كامل أسراره=وقام يتخبط علومه ثم يخطيها
العلم مني انا بعطيه مسماره=من شان تثبت علوم(ن) له يدربيها
بعطيه درس(ن) يهمه واضبط اعياره=من شان لا تبتلي عربان ياتيها
هذا وانا من رجال(ن) تدبل الغاره=اللي تهز العدا صرخة عزاويها
صبيان زايد نهار الهوش حشاره=بالفعل وقت اللقا محد(ن) يساويها
ماعندنا غمد والشلفات بتاره=اسيوفنا تلتهم والدم نرويها
ماعندنا هرج فاضي يهدم اعماره=وأفعالنا عزنا طالت مبانيها
ما أقول انا الزير ولا مجرم الحاره=ما اغتر في نفس(ن) ابترجع لواليها
قصايدي من جزيل القول مختاره=واللي يبي علمها يرجع لقاريها
ما اقول انا شاعر(ن) او عندي إشعاره=الحكم عند العرب واخص وافيها
يالوايلي ذا زمانك زايد(ن) عاره=أصبر عسى تذوق من دنياك حاليها
صدام أخطا وشب النفط وآباره=لكنه ارتاح يالغالي بتاليها
وان كان نفسك من الأيام منجاره=الله يبدلك نفس(ن) تحتفل فيها

 

 

 

 

[معلومات العضو ابو زيد الغييثي]

صدام أخطـا وشـب النفـط وآبـاره=لكنـه ارتـاح يالغـالـي بتاليـهـا

الله الله

صح الساااانك

 

 

 

 

[معلومات العضو نجــــــــــديه]

الله الله
ابيات رائعه وقويه جعلك تسلم
صح لسانك وعلا شانتك .. لاهنت
ارق التحايا واطيب الامنيات
دمت بخير

 

 

 

 

[معلومات العضو بدر بن صقر العجالين]

المشاركة الأصلية كتبت بواسطة ابو زيد الغييثي

صدام أخطـا وشـب النفـط وآبـاره=لكنـه ارتـاح يالغـالـي بتاليـهـا

الله الله

صح الساااانك

ابن العم الغالي

( ابو زيد الغييثي )

صح الله بدنك يالصهيبي

وبيض الله وجهك على المرور يا محزم الظفر يا ابن غياث..

وتقبل تحياتي،،

 

 

 

 

[معلومات العضو احمد الشختلي]

صح السانك يا ابومهلي

وصح السانك يا بوصقر مجاراه جميله ومعاني اجمل

لاهنت وبارك الله فيك وماهي غريبه منك . . .


تحياتي وتقديري .

 

 

 

 

[معلومات العضو شافي القويسي المخاريم]

صح لسانك على الطرح الراااائع
وصح لسان ابو زايد على المجاره المتميزه
تحياااااااااااااااااااااااتي

 

 

 

 

[معلومات العضو سالم الرجباني]

صح لسانك يا شاعرنا المبدع ابو ملهي العنزي
ولا هنت على هذه القصيدة الرائعة
واتمنى ان تتواصل معنا أكثر لتثرينا بابداعاتك الشعرية
دمتم بخير و ود
تحياتي
سالم الرجباني

 

 

 

 

[معلومات العضو ابو فهد الغييثي]

صح الله لسانك يا شاعرنا المبدع ( ابو ملهي العنزي )..

أبيات جزله من شاعر كفو..

بيض الله وجهك وعساك على القوه..

تقبل تحياتي،،

 

 

 

 

[معلومات العضو ابو فهد الغييثي]

صح الله لسانك يا شاعرنا المبدع ( ابو ملهي العنزي )..

أبيات جزله من شاعر كفو..

بيض الله وجهك وعساك على القوه..

وصح لسان ابو زايد على المجاره المتميزه

تحياااااااااااااااااااااااتي