اللسان

[معلومات العضو سالم بن صمهود]

ترا اللسان أحيان ينكب له إنسان=وكم واحدٍ جت نكبته من لسانـه
وترا اللسان أحيان يكون ثعبــان=له لدغةٍ خطره وفيها عفانــــه
وترا اللسان حصان يبغى له عنان=ويورط اللي ما يجوّد عنانـــــه
ويحتاج له في كل الأوقات ميزان=ميزان عدل ولا تجيه الخيانــــه
ميزان عدلٍ معتدل كل الأحيــــان=وكل الجوارح تعتبر كالأمانــــه
وكم واحدٍ قد ورطه غلطة لسان=وكم واحدٍ غره لسانه وهانــــه
ويا كم لسانٍ زل راعيه وإنهان=وقال المثل كلٍ لسانه حصانــــه
ومن يستمع لفلان ويصدق فلان=تلقاه دايم متعبٍ في زمانـــــــــه
والهرج يرضي أحيان ويزعّل أحيان=ويحتاج له حكمة ومعها فطانـــه
ويا شين هرجٍ ما يجي فيه ثبتان=ويا زين هرجٍ ينوجد في مكانــــه
ويا شينها لا قالوا فلان غلطــان=ويا زين من جوّد لسانه وصانــــه
والهرج يحصل فيه زودٍ ونقصان=ولا خير في هرجٍ قليلٍ إحسانــــه
والصدق يطلع له حقيقة وبرهان=وكلٍ يبين وينعرف وش كيانـــــه
ويعرف مجال الصدق من غير عنوان=والكذب يعرَف في مجاله جبانــــه
ودايم مجال الكذب راعيه جَبَان=مثل الحصيني مير عنده ذهانــــه
دايم طويل لسان ولا يقضي الشان=يدرج لسانه كنّه الإسطوانــــــــه
وتلقاه في كل المواضيع خسران=وليا نصحته زاد في عنفوانــــــــه
ما فيه طيرٍ طار من غير جنحان=وليا انكسر حدا الجناحين خانـــه
والرابح اللي منهجه ركن الإحسان=الصادق اللي منهج الصدق شانــــه

=[/[/poem]poem]

 

 

 

 

[معلومات العضو فهد الغريري]

الشاعر الغالي ابوفيصل لاهنت ولا هان احساسك الجميل على هذي القصيده صح الله السان السببيعي على القصيده النيره تقبل تقديري واحترامي ابوفيصل

 

 

 

 

[معلومات العضو المطنوخه]

ترا اللسان أحيان ينكب لـه إنسـانوكم واحدٍ جت نكبتـه مـن لسانـه وترا اللسان أحيـان يكـون ثعبـان*** لـه لدغـةٍ خطـره وفيهـا عفانـه وترا اللسان حصان يبغى لـه عنـان*** ويـورط اللـي مـا يجـوّد عنانـه ويحتاج له في كل الأوقـات ميـزان***.ميـزان عـدل ولا تجيـه الخيانـه صح لساااااااان الشاعر يابن صمهود على طرح القصيده بيض الله وجهك...

 

 

 

 

[معلومات العضو الزين]

والهرج يرضي أحيان ويزعّل أحيان=ويحتاج له حكمة ومعها فطانـــه
ويا شين هرجٍ ما يجي فيه ثبتان=ويا زين هرجٍ ينوجد في مكانــــه
ويا شينها لا قالوا فلان غلطــان=ويا زين من جوّد لسانه وصانــــه
والهرج يحصل فيه زودٍ ونقصان=ولا خير في هرجٍ قليلٍ إحسانــــه
والصدق يطلع له حقيقة وبرهان=وكلٍ يبين وينعرف وش كيانـــــه
ويعرف مجال الصدق من غير عنوان=والكذب يعرَف في مجاله جبانــــه

لاهنت وبيض الله وجهك على النقل الطيب يابن صمهــود

 

 

 

 

[معلومات العضو طلال الحقباني]

بيّض الله وجهك على نقل الجزلة
وصح الله لسان شاعرها
ولا هانت يمينك يابن صمهود

اخوك
ابونور

 

 

 

 

[معلومات العضو خيالية]

صــح لسانك ،، صـــدقت اللسان أحيــان ينكب له إنســـان .. الأخ : ســـالم شــاعر تقبل مروري ..