السيل جانا واشوف النفس مسرورة

[معلومات العضو ريتآل]

/


/


/




السيل جانـا وأشـوف النفـس مسـرورة

يالله عسـى ماطـره يصبـح ويمسيـنـا

يسقـي بـلادي مـن طريـف لشـروره

ومـن البحـر غربهـا للشـرق يروينـا

سحااب بأمر الولي تمشي ومامورة

يصـب وبلـه علـى الــدار وبواديـنـا

تربّـع الأرض تنبـت عشـب وزهــوره

والسيـل يلطـم علـى فياضـة ويسقينـا

الطير غنـى علـى الأغصـان مجـرورة

بألـحـان عـذبـه تسليـنـا وتشجيـنـا

راع الولـع زهّـب العـزبـة ودافــورة

وأقفـى علـى موتـرٍ بـه رشـة المينـا

جيـب جديـد بـه (الجابـان) ممـهـورة

موديـل تـوّه جـديـدٍ تـسـع وألفيـنـا

مـع رفقـة تشتـرى راي معـه شـورة

المرجـلـة ساسـهـم ومجمـلـه ديـنـا

وأضحوا علـى فيضـة بالليـل ممطـورة

طقـوا بهـا خيامهـم بشمـال ويميـنـا

ثـم أشعلـو نارهـم بالرمـث مخشـورة

وصفـوا عليهـا مـن البغـداد ثنتيـنـا

ودارت سوالفهـم علـى نيـران معمـورة

سوالـف تذكـر علـومٍ مــن سنيـنـا

ماهي علـوم عـن الأسهـم ولا الكـورة

ولا الــذي سـجـل أهـدافـه بناديـنـا

هـذي مناتـي علـى الأبيـات مسطـورة

البـر عشقـي ماهـو بجنيـف وآثيـنـا

ما أمل من طلعتـي لـو دامـت شهـورة

يضيق صدري إلـى مـن حـرّك وجينـا


صح لســـان شاعرها ...!!

 

 

 

 

[معلومات العضو ابوبدر المصارير]

لاهنتي لاهنتي لاهنتي تناهيد

ماهي علـوم عـن الأسهـم ولا الكـورة

ولا الــذي سـجـل أهـدافـه بناديـنـا

الاسهم والكوره ماورا الا الهم والغم

وصح الله لسان الشاعر لاهنتي تناهيد

تحياااااااتي

 

 

 

 

[معلومات العضو ريتآل]

ومن قال مايهون يالحبيبي

وتشرفت بمرورك الكريم والراقي

ودمت بود

 

 

 

 

[معلومات العضو شافي القويسي المخاريم]

صح لسان الشاعر ويعطيك الف عافيه على لطرح

 

 

 

 

[معلومات العضو ريتآل]

صح الله بدنك ياشافي المخاريم

واسعدني مرورك الكريم

 

 

 

 

[معلومات العضو سالم بن مدعث]

صح لسانك ولسان شاعرها

تقبلي مروريي

اخوك
سالم بن مدعث

 

 

 

 

[معلومات العضو رماد]

.
.
•
ودارت سوالفهـم علـى نيـران معمـورة
سوالـف تذكـر علـومٍ مــن سنيـنـا


كنت متعطشً لحضورك المميز
سلم النآقل .. والمنقول ..
فعلآاً ..
مُتصفح .. رآق

 

 

 

 

[معلومات العضو king]

البـر عشقـي ماهـو بجنيـف وآثيـنـا

ما أمل من طلعتـي لـو دامـت شهـورة

يضيق صدري إلـى مـن حـرّك وجينـا

بس والله سوالف الكوره اذا كان يااسر القحطاني حلووه بعد هههههههههه

على قولة رماد كنت ضميان وبعد علوم الحيا انبل ريقي وتنهدت تناهيد فرح

اختياااار ذوووق من ذووووق تناهيد

 

 

 

 

[معلومات العضو نايف الخييلي]

قصيده رائعه وفي وقتها

لاهنتي

 

 

 

 

[معلومات العضو المطنوخه]

لاهنتي تنا هيدعلى القصيده الرائعه سلم لنا ذوقك..

 

 

 

 

[معلومات العضو ريتآل]

المشاركة الأصلية كتبت بواسطة سالم بن مدعث

صح لسانك ولسان شاعرها

تقبلي مروريي

اخوك
سالم بن مدعث

صح الله بدنك وحيآك الله أخووي اسعدني مرورك العطر

 

 

 

 

[معلومات العضو ريتآل]

رماد..

التميز هو مرورك بمتصفحي ومن قال يسلم واسعدني مرورك الراقي يالراقي..

 

 

 

 

[معلومات العضو ريتآل]

المشاركة الأصلية كتبت بواسطة king

بس والله سوالف الكوره اذا كان يااسر القحطاني حلووه بعد هههههههههه

على قولة رماد كنت ضميان وبعد علوم الحيا انبل ريقي وتنهدت تناهيد فرح

اختياااار ذوووق من ذووووق تناهيد

king
الله يهديك بس تحط الكوره حتى لو كان ياسر عند البر والعلوم السفره

الذوق بكل صراحه هو مرور الملك بمتصفحي

وحيآك الله يا أخوي

 

 

 

 

[معلومات العضو ريتآل]

المشاركة الأصلية كتبت بواسطة نايف الخييلي

قصيده رائعه وفي وقتها

لاهنتي

ومن قال مايهون حيآك الله اسعدني مرورك العطر

 

 

 

 

[معلومات العضو ريتآل]

المشاركة الأصلية كتبت بواسطة المطنوخه

ومن قال مايهون غاليتي والذوق هو مرورك الراقي