الفارس الشاعر راكان بن حثلين

[معلومات العضو ابو طارد]

هذه قصيدة راكان بن حثلين عندما قدم له (الخيار) في سجن الاتراك , وكان راكان لا يعرف هذا النوع من الفاكهه, فسأل السجان: ماهذا؟ قال له : خيار .

بعدها هاجت قريحة الفارس الشيخ راكان بن حثلين بهذه القصيده

يالله يامعطـي العطـيـا الكـبـارا=يامعطي الجنه عبيـدك عـن النـار
يالله يـاخـلاق لـيـل ونـهــارا=سمر الليالـي فالفلـك يـوم تنـدار
مدع القمر والشمس تمشي جهـارا=متعاقبـات(ن) دب الايـام سـيـار
لياغابت شمس اليوم بيـن سمـارا=والليل ظبظب وانحشق شوف الابصار
واليا طلعت شمسـه وبـان النهـارا=والناس تسعى بالدلايـل والابصـار
قالوا خيـار وقلـت ماهـو خيـارا=ولاهي خيار(ن)كل زينـات الاثمـار
خيار المـلا اللـي تجيـه الـزوارا=محـمـد نـبـي الله ناتـيـه زوار
وخيار البيـوت كبارهـا والصغـارا=الزين بيت الله حجاب(ن) عن النـار
وخيار السبايـا مسرجـات المهـارا=ان روح(ن) مع اول الخيـل عبـار
وخيـار الابـل طيـبـات البـكـارا=وضح(ن) رجوح(ن)باول الذود معطار
وخيار الرجال اريـد ربع(ن)شطـارا=يفرح بهـم قلبـي بعيديـن الاذكـار
ان فـرع(ن) وان دلـع(ن) العـذارا=واليا اختلط حس الزغاريـد والثـار
واليـا تعالـو فـوق قـب المهـارا=صيحاتهم تجلى عن الكبـد الامـرار
ماقلطـو للضيـف كثـر الـعـذارا=واعذارهم مـا حاشـت اليـد للنـار
صينية(ن) بهـا شحـم مـع فقـارا=ودلاال بيض ابه اختلط بـن وابهـار
وانا لقيـت اخيـار بيـض العـذارا=حكي الـردا ماسولفـه كـل عبـار
وابو قـرون(ن) زافتيـن(ن) تبـارا=ابه اسود(ن) وابه اشقر(ن) كلهب نار
واحجيجه خـط القلـم يـوم سـارا=بيض الطلاحي يصبغ الحبر وان سار
والعين عيـن موحشـات الحـرارا=الحر الاشقر لبـرق الريـش حبـار
وابريطماتـه كالبريسـم صـفـارا=شبه الحرير اللي على الكبد بـزرار
واثنيـواتـه كالـوالـي عـفــارا=شبه البرد وان حدره هجل الامطـار
يـازول ريـم(ن) لاجفـل واستـدارا=وخدود ضبي(ن) مرتعه عشب الاقفار
ان خيرونـي عـارف(ن) للخيـارا=لاخذ هـوى قلبـي وباقـول بختـار

 

 

 

 

[معلومات العضو الواضح]

مشكور يابوطارد


ورحم الله الفارس الشاعر

 

 

 

 

[معلومات العضو راكان العجمي]

لاهنت يابو طارد على القصيده المشهوره

والله يرحم الشيخ الفارس راكان بن حثلين واسع رحمته

تقبل تحياتي / راكان العجمي,,,