..^ عمري بدونك يالذّرا ويش أبي بهـ... ^..

[معلومات العضو بنت الشايب]

آسـعد آلله.. مسآئكم / صبآحكم .. بكل خير ..

(عمري بدونك يالذرا ويش ابي به)

كلمات معبره .. تجسدها بعض الصور .. لتكون تصميم من آحساسي ..

آللهم آبسط على والدي من بركاتك ورحمتك ورزقك
اللهم ألبسه العافيهـ حتى يهنئه بالمعيشة .. آمـين ..

....

مــدخـل:
يابوي جعلك للبقا والمكاسيب
عمري بدونك يالذّرا ويش أبي به

يابوي تسأل عن شفاك المراقيب
طلعة سواتك للنّوايف غريبه

ليه المرض مايعرف الزّين والعيب
مايدري انك للمخاليق هيبه !!

أبسألك وش به غزا وجهك الشيب
والقلب لايع والنواظر شحيبه

وش بك تحاتي لانوى الموت تغريب
تخشى علينا بالليّالي الكئيبه

خذ دلّتك واركى على مسند الجيب
وعطني شماغك بلثمه وأحتمي به

ونروّح لأرض ٍ بها العشب والطيب
وتسمع كلام ٍ يالغلا تحتفي به

يابوي بنتك لاانحكى بالتّجاريب
كل ٍ يشق لهيبه الصّيت جيبه

يابوي ماني من سوات المخاريب
اللّي تجيب لعليَة القوم خيبه

وماني من اللّي لامشت حفّها الرّيب
أنا من اللّي مايدنّس حليبه

\
/
\



/
\
/

مخــرج :


مرفوع شاني عن غرام المكاتيب
وأكبر من انّني أرتضي بالحبيبه

أنا غرامي لاابتدوا بالتّراحيب
نفوس الأوادم في وجودي رحيبه

وان كان زيني فتنة ٍ للمصاويب
أحط وجهي بالحريق ولهيبه

زيني أبيعه وأشتري سمعه الطّيب
اسم ٍ ينومس بالصّروح الذ ّهيبه

وان كان عندي ( بالحلا) شي ٍ اصعيب
عندي جدود ٍ مارضت بالغليبه

دموع القبايل في لقانا مساكيب
كن المقابر لاحضرنا قريبه

خضّبت لك كفّي من العز تخضيب
ورفعت راسي للنّجوم الصّعيبه

والله لأسدّك بالفعول المصاليب
والله لأشيلك بالرخا والمصيبه

طلع المعالي ماانحكم للشّواريب
بنت ٍ وأناطح فارس القوم طيبه

وياشيخي إبشر لوتدور الدّواليب
بنتك إلا منّه عوى الذّيب ( ذيبه)

....

.. آتـحفوني بـآرآئكم وآنتقآدآتكم ..

 

 

 

 

[معلومات العضو بنت القبيلة]

ماشاء الله عليك اختي

، الابداع يتفجر منك ،

تصميم في غايه الروعه والجمال

دمتي لتبدعي ،،،،

 

 

 

 

[معلومات العضو ريميه]

بنت الشايب

قمة الروعه ........ مشالله عليك

جزاك الله خير ........تصميمك وجعله الله في موازين حسناتك

 

 

 

 

[معلومات العضو الزين]

المشاركة الأصلية كتبت بواسطة بنت الشايب

(عمري بدونك يالذرا ويش ابي به)

لاهنتي يابنت الشايب وبيض الله وجهتس علي التصميم الطيب

والبيت ذا عن قصيـدهـ

الله يشفي شايبتس ويخليه لكم .....اللهم أمين

 

 

 

 

[معلومات العضو ابو المثنى التركي]

الله لا يحرمنا طلتهم علينا

 

 

 

 

[معلومات العضو ابو فهد الغييثي]

تصميم رائع وفي قمه التميز

والله يشفي والدك من كل شر

ومن كل مرض اللهم امين

تحياااااااااااتي

 

 

 

 

[معلومات العضو بنت الشايب]

المشاركة الأصلية كتبت بواسطة بنت القبيلة

ماشاء الله عليك اختي

، الابداع يتفجر منك ،

تصميم في غايه الروعه والجمال

دمتي لتبدعي ،،،،

مرورتس هو الاروووع يابنت القبيله

اسعدني مرورتس

دمتي بكل احترام

 

 

 

 

[معلومات العضو بنت الشايب]

المشاركة الأصلية كتبت بواسطة ريميه

بنت الشايب

قمة الروعه ........ مشالله عليك

جزاك الله خير ........تصميمك وجعله الله في موازين حسناتك

تسلمين ياريميه

وجزاتس الله الف خير

دمتي بود

 

 

 

 

[معلومات العضو بنت الشايب]

المشاركة الأصلية كتبت بواسطة الزين

لاهنتي يابنت الشايب وبيض الله وجهتس علي التصميم الطيب

والبيت ذا عن قصيـدهـ

الله يشفي شايبتس ويخليه لكم .....اللهم أمين

اللهم امين ..

ووجهتس ابيض فديتس ..

دمتي بود

 

 

 

 

[معلومات العضو بنت الشايب]

المشاركة الأصلية كتبت بواسطة ابو المثنى التركي

الله لا يحرمنا طلتهم علينا

امين يارب

دمت بود

 

 

 

 

[معلومات العضو نايف الخييلي]

الله يعافيتس يابنت الشايب

وقصيده معبّره وكلماتها شامخه ورائعه بس ياليتس ذكرتي قائلهااو بالاصح قايلتها

يحفظتس الله

 

 

 

 

[معلومات العضو بنت الشايب]

المشاركة الأصلية كتبت بواسطة ابو فهد الغييثي

تصميم رائع وفي قمه التميز

والله يشفي والدك من كل شر

ومن كل مرض اللهم امين

تحياااااااااااتي

اللهم امين

ومرورك هو الاروع يابو فهد

دمت بود

 

 

 

 

[معلومات العضو بنت الشايب]

المشاركة الأصلية كتبت بواسطة نايف الخييلي

الله يعافيتس يابنت الشايب

وقصيده معبّره وكلماتها شامخه ورائعه بس ياليتس ذكرتي قائلهااو بالاصح قايلتها

يحفظتس الله

الله يعافيك ويسلمك يانايف

لكن للاسف مايحضرني قائلها ولا كان ذكرته ..

اسعدني مروورك

دمت بود

 

 

 

 

[معلومات العضو محمد الولامين]

الله يحفظ والديك و أن يمدك وإياهما بالصحة والعافية

اللهم امين

تصميم رائع بنت الشايب

سلمت يمناك على ماقدمتي

في انتظار جديدك

 

 

 

 

[معلومات العضو السيف دايـم]

يعطيك العافيه.. مشكورهـ..