|
|||||||
15-08-2008, 02:14 AM
|
#1 | ||||
|
الــتــبــغ
(( الــتـبــغ )) اللي يدوّر بالبشر عيب يلقاه ................ محد ٍ خلي والنقد محد ٍ يخلّيـه واللي يدوّر فيهم الطيب تالله ................... يلقاه ويلقى ما يسـرّه ويرضيـه لازم تجد بالشخص ما يوجب إطراه ................... لا يعدم الإنسان شيٍّ يحلّيه لتقول هذا شـرّ لا خـير جــوّاه ................... فالذباب يجمع بينهن في جناحيه لكن تغافل واعتبر هرجـي وْصاه ................... منتب وكيل الله على الخلق ياهـيـه بعض العرب شرّه يغطّي مزاياه ................... ودّك تَهَجْره لكن النفس تبغيه ما مثله إلاّ التبغ لابو سواياه ................... اتشوف به تحذير صحي وتشريه ربعي وربعك مالنا فيهم اسواه ................... ندمح خطاهم والردي ما نجاريه جربتهم تجريب شايب مع ابناه ................... وازريت اعدّل وضعهم وانشغل فيه اربوعنا مثل الفحم وسْط مشواه ................... ما يحرق إلاّ جاره اللي يواليه لكن تخيّـر بينهم شخص ترضاه ................... واترك غثيث النفس لا تلتفت ليه اللي تعلّك عشرته لابو مجناه ................... اقطع وصاله واقطعُه لا تصاليه فالمرء يقطع ما يعلّه من اعضاه ................... لا صار ينشد ما يريحه ويشفيه خلّك مع اللي ما يخالفك ممشاه ................... اللي تحـبـه اتبـعــه لا تخــلـيـه وانا احب المصطفى واتبع اخطاه ................... واكتبّه اشعاري..وازوره..واحييه امحمد اللي لا مدحته من اقصاه ................... تلقاني استغفر من الله واناجيه ماهوب خشية ذنب .. وإلاّ مغالاه ................... لا والله إلاّ خشية النقص ياتيه مسلم واعرف ان اتباعه هو الجاه ................... ولا اعرف الحقد واجهل دواعـيـه امشي واسلم..وابتسم..واذكر الله ................... اخشى عقابه وابتعد عن نواهيه ما ني مثل من يسري الكره بحشاه ................... يسعابي وسْط الناس والحقد يبديه شعري يحطّه تحت رجله وياطاه ................... واسمي يغيضه غيض لا جيب طاريه قلّه يابونواف ما قلت لعداه ................... قلّه لعل القول يشفي ويكفيه اللي يدوس اشعاري عن حقد بحذاه ................... قلّه صداهن ما تضرّه مواطيه شعري معه مثل النفل تحت ما طاه ................... يزداد ريحه كل ما حط رجليه وعذرا للجميع بحجم السماء على هذا الحضور المتقطع
|
||||
|
|
|
|
15-08-2008, 02:23 AM
|
#2 | ||||||
|
رد: الــتــبــغ
صح السانك وبارك الله فيك علي هذه القصيده أخي الشاعر صالح الحمود...
|
||||||
|
|
|
|
15-08-2008, 02:48 AM
|
#3 | ||||
|
رد: الــتــبــغ
صالح الحمود
|
||||
|
|
|
|
16-08-2008, 03:51 AM
|
#4 | ||||
|
رد: الــتــبــغ
|
||||
|
|
|
|
17-08-2008, 07:58 PM
|
#5 | |||||||||
|
رد: الــتــبــغ
اقتباس:
صح الله لسانك وبيض الله وجهك ولكن عندي ملاحضة على البيت العاشر لتك سلمت منه وانت من الشعار الذين يمكنهم تلافي مثل ذلك
|
|||||||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 03:52 PM
