ياعزتـي لبـوه وابـوه مسكـيـن.......

[معلومات العضو الزين]

السلام عليكم ورحمـــــــــــــه الله وبركاته

قصيده للشاعـــــــــــر..........بداح الكودري

يالله ياللـي تبعـث الحـي لامـات=ياللي خلقت اول عبادك مـن الطيـن
نطلبـك عفـوك يابديـع السمـوات=لاجا نهار(ن) فيه نصـب الموازيـن
ويحاسب المخلوق عن كـل مافـات=وتشهد عليه الرجل واليـد والعيـن
اما يخلـد فـي نعيـم(ن) وجنـات=في زمرة ابـرار البشـر والنبييـن
ولايخلد فـي عـذاب(ن) وحسـرات=وياكل طعام(ن) مثل روس الشياطين
ياسامع(ن) قولي ترا العمر ساعـات=حن هل سفر لاتحسب انـا مقيميـن
الاعمار محسوبـه والايـام عجـلات=والموت ماخلا غنـي(ن) ومسكيـن
باوصيك ياسامـع كلامـي وصيـات=وانا استمع واحب هـرج الموصيـن
شهادة(ن) مضمونها نفـي واثبـات=شهادة(ن) ترجـح بكـل الموازيـن
وبوصيك في المسجد وحفظ الصلوات=خمسة فروض (ن)واجرها ند خمسين
واموالك اللي فـي حسابـك مخبـات=زكاتها دور السنه لـو هـي الفيـن
وصوم ارمضان(ن) واجتناب الخطيات=ماافطرت فيه بعذر يبقى معـك ديـن
والحج مفروض(ن) ومقري بالايـات=خامس ركـون الديـن للمستطيعيـن
واحذر ليا صادقت بعض الصداقـات=واختر صديقك واحد(ن) من ثلاثيـن
احذر صديقك يافتـى عشـر مـرات=قـد قالهـا قبلـي رجال(ن)فهيميـن
فيه اصدقا نعمـه وصدقـان شـدات=ياكثـر ذولا غـيـر ذولا قليلـيـن
اما اصدقا النعمه ملايين و(ا)ميـات=ولا الشدايد ليت يصفي لـك اثنيـن
وباوصيك لاخاويت حسن المخـاوات=ترا الخوي له حق من دون الادنيـن
قد سجلوها فـي التواريـخ باثبـات=اللي ذبح خاله عقب حلـف وايميـن
مانيب اشجـع للجهـل والعصابـات=اذكر فعول الطيب ولا الجهـل شيـن
وباوصيك باذنـك لاتسمّـع لنمّـات=إجعل بذي عجيـن والثانيـه طيـن
ولياسمعت وشفت بعـض التفاهـات=طنش لها كن مالك (ا)عيون واذنيـن
وان جاك ملقوف(ن) يذكرك مافـات=ويشب نار الحقـد والنـاس ناسيـن
هذاك خلـه مـن عـداد الخونـدات=ولاّ اكرشه وادبل له الصاع صاعيـن
ملحق مشاهيب(ن) (ا)مخرب علاقات=مايستمع هرجه يكـون المصاخيـن
ومن بعد ذا باشكي على الله شكايات=شبابنـا راحـوا طعـام المعـاديـن
اصل وفصـل ويقلـدون الخواجـات=تصريعة الموضه على الراس والعين
أكثـر ملابسهـم تقاليـد موضـات=لانافع(ن) دنيـا ولا نافـع(ن) ديـن
لالبـس قبّـوعـه ورزّ المـرايـات=يفكر انـه يملـك الهنـد والصيـن
هذا خساره مـن كبـار الخسـارات=ياعزتـي لبـوه وابـوه مسكـيـن
رباه ابوه وكـان عنـده طموحـات=وراحت مراويح الهـوى بالدخاخيـن
هذا زمان(ن) فيه امور(ن) عجيبـات=حتى فـروخ الحـر تطلـع كراويـن

وسلامتـــــــــــــــــــــــــكم .................منقوله

 

 

 

 

[معلومات العضو ريتآل]

تسلم يمينك على هالقصيده

اختيار موفق يالغلا


تقديري لك

 

 

 

 

[معلومات العضو الزين]

المشاركة الأصلية كتبت بواسطة تناهيد!

تسلم يمينك على هالقصيده

اختيار موفق يالغلا


تقديري لك

الله يسلمتس ولاهنتي يااالغاليه علي المرور الطيب

 

 

 

 

[معلومات العضو ابوبادي المنداع]

الزين

للقراءة متعة عندما تكون بصفحاتكـ
مشكور وماقصرت على النقل الموفق
لاعدمناكـ
تحياتي‘‘
ابوبادي الغييثي

 

 

 

 

[معلومات العضو ابو فهد الغييثي]

الله يعطيك العافيه يالزين على الطرح الرائع والمميز

 

 

 

 

[معلومات العضو الزين]

المشاركة الأصلية كتبت بواسطة ابوبادي المنداع

الزين

للقراءة متعة عندما تكون بصفحاتكـ
مشكور وماقصرت على النقل الموفق
لاعدمناكـ
تحياتي‘‘
ابوبادي الغييثي

لاهنت وبيض الله وجهك علي المرور الطيب

اختك الزين

 

 

 

 

[معلومات العضو الزين]

المشاركة الأصلية كتبت بواسطة ابو فهد الغييثي

الله يعطيك العافيه يالزين على الطرح الرائع والمميز

لاهنت وبيض الله وجهك علي المرور الطيب