[ مغرور يا عيني لك الحق تغتار ]

[معلومات العضو أحمد سعد السديري]

السلام عليكم جميعا ً

وكل عام وانتم بخير ونعمه

قصيده متواضعه متمني أن

تنال على أستحسان الجميع.

أقرب حبيبي وأزرع الروح أزهار = وأقرب وعطني الشوق يا أغلى الأحباب
بسقيك من عمري كثر مد الأنهار = وأعطيك قلبٍ فيك لوكان ما ذاب
وشلون أبوصف بالحلا فيك محتار = أسمك ورمشك والشعر فيك جذاب
وأن مر زولك لافت(ن) كل الأنظار = حسنك سرق في عالمي كل الالباب
[مغرور يا عيني لك الحق تغتار] = مزيون يا كل الدلع فيك منصاب
والشامه اللي فيك ياحسن الأبرار = مفتون قلبي ذاب من سحر الأهداب
من بسمته ينعش لها قلب الافكار = ومن ضحكته وسع لي الصدر أرحاب
في عينها شفت الوطن مشّعل أنوار = وطن بها عز الحبايب والأقراب
حتى القمر أبعد عن الزين منهار = أنهار بالحسن اللذي فيه مصاب
عجزت حروفي والقصايد والاشعار= صحيح قالو دايم الزين غلاب
حتى الغزل وصفه له اليوم أسرار = أخاف وصفي اليوم لا يكون ما صاب
الخشم سلة سيف بالحيل دمار = من شفتها ضيعت انا كل الأصحاب
وش عاد يا عمري لك الوصف مشوار = أخاف نصف الوقت في وصفك أنخاب
وأسمح لي يا عمري ترى فيك محتار = من زود وصفي خايف تقول كذاب
أبختصر قولي حبيبي بالأشعار = دروب المعاني بعدك اليوم أغراب
أقرب حبيبي وأزرع الروح أزهار = وأقرب وعطني الشوق يا أغلى الأحباب

وسلامتكم

أخوكم الأمير/ أحمد سعد السديري

 

 

 

 

[معلومات العضو فيصل بن جزاء]

صح السانك ولاهنت على قصيدتك الرائعه والجميله

وننتظر جديدك يالغالي

تقديري واحترامي

 

 

 

 

[معلومات العضو كلاش]

صح لسانك وليتك توضح لنا من أي السدارى أخوي أحمد أنتظرها منك كرماً

.. تحياتي

 

 

 

 

[معلومات العضو أبونواف الدوسري]

صح السانك ولاهنت على قصيدتك الرائعه والجميله

وننتظر جديدك يالغالي

تقديري واحترامي

 

 

 

 

[معلومات العضو .:الزمامي:.]

احمدسعدالسديري

صح السانك ولاهنت على قصيدتك الرائعه والجميله

اخوك
الزمامي

 

 

 

 

[معلومات العضو بوحمد الحمد]

[مغرور يا عيني لـك الحـق تغتـار]
مزيون يا كـل الدلـع فيـك منصـاب
والشامه اللي فيـك ياحسـن الأبـرار
مفتون قلبي ذاب من سحـر الأهـداب
من بسمته ينعش لهـا قلـب الافكـار
ومن ضحكته وسع لي الصدر أرحـاب
في عينها شفت الوطن مشّعـل أنـوار
وطن بهـا عـز الحبايـب والأقـراب
حتى القمر أبعد عـن الزيـن منهـار
أنهار بالحسـن اللـذي فيـه مصـاب


اخي احمد

صح السسسسسسسانك مليوون

وصح احساسك احساس شاعر جميل ومرهف في الحس

وعلى امل الاتحرمنا من اي قصيده رائعه

والى الامام

دمت بكل خير

لك سلامي واحترامي