مشاهير شيوخ نجد العشاق

[معلومات العضو الشريف طامي بن ردّه]

السلام عليكم و رحمة الله و بركاته

هذه القصيده لشاعر قبيلة عتيبه الكبير مخلد القثامي الروقي العتيبي يرحمه الله وذكر فيها مشاهير شيوخ القبائل النجديه العشاق واللذين عاصر زمان البعض منهم

مخلد بـد حيـد طويـل الاشاذيـب = ذكر علـه وكلمـا بالحشـا جـاب
لو لا اني اجلا عن ضميري لواهيب = في كنة الغليون فـي راس مرقـاب
وملا وحي باكوار شيب المحاقيـب = لغدا حريقة نار فـي راس مشهـاب
علـى عشيـر سدهـاك المراقيـب = عسلج وضلع هدان وكبـاد ونيـاب
ودعتـك الله ياشريـف الخراعيـب = يانافـل بالزيـن تلعـات الارقـاب
العين طفطـوف عـذى المشاريـب = في ماقع عسـر علـى كـل هيـاب
وانهيد خلي ماتعلـق بـه الصيـب = حمر ثمرهن توهن شـق الاسـلاب
يفداه من لـم الحطـب للخراعيـب = خطو السدوح اللي عيونه للاقـراب
يالجتي لجـة محـال علـى شيـب = شيب اعـداوه عفتوهنـه اصعـاب
تقفي وتقبل بـه طويـل المجاذيـب = في عيلهم طولـه ثمانيـن بحسـاب
ويالجتـي لجـة قطيـع مناهـيـب = في كنـه الجـوزا حداهـن ملهـاب
على القليـب يرشحـن المغاريـب = العـد مقطـع والحداديـر هـيـاب
او لجتـي لجـة نجـور تواعيـب = لجة نجور الحاج مـع كـل شـراب
او لجتي لجة مـع الغبشـة الذيـب = لجلاج ذيب يرفع الصـوت قنـاب

إلــــــــــى أن قـــــــــــــــــــــال

يلومنـي بالحـب خطـو الدباديـب = خطو الدحوش اللي تعصا بمشعـاب
والحب ماعذرب شيـوخ الاجانيـب = ولا عاب ابن ظمنه وراكان ماعـاب
ولاعاب اخو نوره مروي المغاليـب = ولا عاب الدوشان عريبين الانسـاب
ولاعاب نمـر حصـان الاطاليـب = اللي عشق وضحا وابا زيد وذيـاب
ولاعاب اخو سكره حما الفطر الشيب = ولاعاب ابن حميد صنهات وعقـاب
اللـي يعزلـون امهـات الدباديـب = ام الجرس والطوق والعفر الاشبـاب
ولا عاب اخو ريا حما الفطر الشيب = اللي يفك الجاذيـه وقـت الانشـاب

الفرسان العشاق المذكورين

1 - فايز بن جريس بن ظمنه " شيخ الصعبه من بني عبدالله من قبيلة مطير "

2 - راكان بن حثلين " شيخ شمل قبيلة العجمان "

3 - اخو نوره محمد ابن رشيد " شيخ عبده من قبيلة شمر "

4 - الحميدي بن فيصل بن وطبان الدويش و تريحيب بن شقير الدويش " شيوخ شمل قبيلة مطير "

5 - حصان الاطاليب نمر بن عدوان " شيخ عشيرة العدوان من قبيلة بني صخر "

6 - ابو زيد سلامه الهلالي " من شيوخ قبيلة بني هلال "

7 - ذياب بن غانم الهلالي " من شيوخ قبيلة بني هلال "

8 - اخو سكره خلف المور الهقيش " شيخ عشيرة الهقيش من قبيلة بني صخر "

9 - صنهات بن حميد " شيخ شمل قبيلة عتيبه "

10 - عقاب بن سعدون العواجي " شيخ ولد سليمان من قبيلة عنزه "

11 - اخو ريّا هاجد بن رزيّن بن ظمنه " شيخ الصعبه من بني عبدالله من قبيلة مطير "

 

 

 

 

[معلومات العضو الفارس]

لا هنت يالقرم الشريف طامي على المعلومات المفيده

وبيض الله وجهك على الطرح الجميل

تحياتي لك

اخوك:

............... . الفارس . ..................

 

 

 

 

[معلومات العضو تركي ال فنيس]

بيض الله وجهك يالشريف طامي بن رده

 

 

 

 

[معلومات العضو أبوفهيد الودعاني]

لاهنت يالشريف وصح الله لسانك ولسان قايلها


لاتبطي بجديدك ،،،،

 

 

 

 

[معلومات العضو الواضح]

لاهنت اخوي الشريف على هذا النقل المتميز


وعلى طاري العشق ذكرني بقصيدة الشيخ جديع ابن ملحم { من شيوخ عنزه}


ياهل الركاب اللي من الشام مداد """" بالله عليكم ريضوا واردفوني

اشكي لكم ماني رغيب من الزاد"""""" ارد ركايبكم ولاني مهوني

وليا وصلتوا دارمركوز الانهاد """"""" وصلت جمالتكم وانا حولوني

 

 

 

 

[معلومات العضو الشريف طامي بن ردّه]

الاخ الفارس

ولا هان القايل

ووجهك ابيض

 

 

 

 

[معلومات العضو الشريف طامي بن ردّه]

الاخ تركي الودعاني

ووجهك ابيض

 

 

 

 

[معلومات العضو الشريف طامي بن ردّه]

الاخ البراق

ولا هان القايل

صح بدنك

 

 

 

 

[معلومات العضو الشريف طامي بن ردّه]

الاخ الواضح

ولا هان القايل