ياشينها لا صرت معجـب و خجـلان!!!

[معلومات العضو بنت صقور]

ياشينها لا صرت معجـب و خجـلان
خــوف المصارح لا يجيب المطمــّـه

أخاف أصـارح بالغلا ذاك الإنسـان
و ينقلــب (جو المصارح مـذمــّــه)

ويا شينها لا صرت مغرم و زعـلان
محد ٍ يراضـي قلبك ومـحـدن بيمـــّــه

وإن رحت محد ٍ قال لك وين يافلان)؟
روحتـك مع جيــّـتـك ماهي مهمـــّــه

ويا شينها لا صرت عايش بحـرمـان
مثل اليـتيـم اللـي فـقـد شوفـة أمــّـه

ماخوذ حقه وانظلم شـوف الأعيـان
واللي اظـلموه عيال لحمـــه و دمــــّـه

ويا شين صاحب دربك(إن صار ثعبان)
لا هو تركـك ولا نفـــث فيــك سمــّه

كنـا خويـّا وإنتسمـّى بالأخـوان
واليــوم إسـمه بأخـبـث النـاس سمــّـه

مثل الإمـام العالم بفقه الأديـان
يومــه نجــح .والكـل صاروا (آآإمـّـه)

ويا شينها لاصرت تايـه وحيران
(( وسط الطريـق .و باقي ٍ فيـك همـــــّـه ))

ودّك ترووح وآخر الدرب مـا بـان
تــخـاف تـمشي( ثـم تغشــاك غمـــّـه )

ويا شينها لاصرت مبـلـي ومنهان
والعلم كلــّـه .. من اكــاذيـب نــمـّـه

مافيـه ضدّك لا دلايــل وبرهـان.
ودخـّان نـارك مستحيل ٍ تــشــمـّــه

ويا شينها لاصرت من روس الاعيان.
ثم تنقــلب في نـظرة النـاس رمــّــه

ويلااه يـا وقت ٍ نوى لي بعصيـان.
أثـر الـزمـن يا نـاس مافيـه ذمــّــه

ويا شين طرد المقفـْي لوكنت ولهان.
ياخذه شيطــان الغـــرور و يـخـمـّـه

يـظـن إنــّك هايـم ٍ به وشفقـان.
ما يدري إنـّه لو فـطـس مـا تـهــمـّـه

ومااشيـن من معـاشر قليلين الإيـمان.
درب الهدايــة لا أبــد مــاتــتـمـّه

الخلـْـق سجن وصاحبك فيه سجـّـان
والعلم خــال العز..والجـود عــمـّـه

ويا شينها ..أصـلا بقى شي مـاشـان ..؟.
هذي الـلـيـالي طبعهـا مدلـهـمـّـه

ويا زينها لاصرت لاهي و طربـان
وحبل القصـــايد يرتجيـك و تـلـمــّـه

يا ليل دانه .. ليل دانه ..لا لا..دااان
ما فيــه ثوب ٍ يستر أطــراف كمـّــه

يا زينها لاصرت معجب و خرمـان
تـنـثـر علومك لو تجيب المـطــمــّــه

منقول
آمل اتنال اعجابكم اخواني

وتقبلوا تحياتي......

 

 

 

 

[معلومات العضو الشقرديه]

تسلمين بنت صقوور نقل موفق
قصيدددددددده رائعه ننظر ابدااااااااعك

 

 

 

 

[معلومات العضو نايف الفصام]

يعطيك العافيه
أختي ولاهنتي
على النقل
الرائع

مطنوخ

 

 

 

 

[معلومات العضو سالم بن صمهود]

ويا شينها لاصرت من روس الاعيان.
ثم تنقــلب في نـظرة النـاس رمــّــه


ويا شين طرد المقفـْي لوكنت ولهان.
ياخذه شيطــان الغـــرور و يـخـمـّـه



ومااشيـن من معـاشر قليلين الإيـمان.
درب الهدايــة لا أبــد مــاتــتـمـّه

بنت الصقور
الله يعطيك العافية على هانقل المميز وهاذى دليل على الذوق الرفيع

 

 

 

 

[معلومات العضو ابو زابن المسعري]

يعطيك العافيه أختي ولاهنتي
على النقل الرائع

 

 

 

 

[معلومات العضو بنت صقور]

اشكركم اخواني على المرور..ويعطيكم العافيه..

 

 

 

 

[معلومات العضو بنت الاشراف]

صح لسانك وصح لسان قايلها.. ولاهنت على الاختيار الرائعة..

 

 

 

 

[معلومات العضو أبونواف الدوسري]

بنت الصقور

الله يعطيك العافية على هانقل المميز وهاذى دليل على الذوق الرفيع

تقبلي تقديري وأحترامي

 

 

 

 

[معلومات العضو abn dhidan]

	وإن رحت محد ٍ قال لك وين يافلان روحتـك مع جيــّـتـك ماهي مهمـــّــه ويا شينها لا صرت عايش بحـرمـان مثل اليـتيـم اللـي فـقـد شوفـة أمــّـه ماخوذ حقه وانظلم شـوف الأعيـان واللي اظـلموه عيال لحمـــه و دمــــّـه

	بنت الصقور سلام عليكم شكر" على اختيارك المميز والله لايهينك وسلمتي

 

 

 

 

[معلومات العضو بنت صقور]

مشكورين اخواني..ويعطيكم العافيه والله لايهينكم على المرور..

 

 

 

 

[معلومات العضو بعيد المدى]

ابداعات تظهر من شاعرات هاذا الجيل والله وتطورنا ياسوق الفحيحيل !!

 

 

 

 

[معلومات العضو بنت صقور]

يعطيك العافيه يابعيد المدى على المرور.. ( بس شنهو سوق الفحيحيل !!)؟؟

 

 

 

 

[معلومات العضو فالح بن فهاد]

	محد ٍ بيراضي قلبك ومحد ٍ بيمـًــه

مشكوره ولاهنتي يابنت الصقور

 

 

 

 

[معلومات العضو بنت صقور]

الله لايهينك اخوي الامبراطور..وشاكره لك المرور والتعليق..

 

 

 

 

[معلومات العضو فيصل بن جزاء]

مشكوره ولاهنتي بنت صقور اختيار رائع وجهد تشكرين عليه داخل المنتدى

خالص التقدير والاحترام