قصيده لابن العم المسجون سيف المسعري يستنجد بالدواسر

[معلومات العضو العماني]

بسم الله الرحمن الرحيم


هذه قصيدة لابن العم سيف بن عرار النوامين المسعري ، قالها في السجن وهو يستنجد بكم عبر موقع الدواسر الرسمي ، نسأل الله ان نفرح بخروجه سالماً وفاله العتق من الله عز وجل .

يالله يالوالي عظيم الجلالي =ياواحد( ن) بدعيه في كل حالي
اسئلك يومنك جزيل العطيّه =وارجيك يومنك وسيع المنالـــــي
لاضاقت الدنيا علي ثقب الابره =رفعت كفي تالي الليل اسئالي
الواحد الي ماترجيت غيره =اسجد على وجهي لوجهه اذلالي
من بعد ذكر الله برسل لربعي =((دواسر)) يثنون خلف التوالي
((دواسر)) ياسعد منهم هلن له =جريس بن جلبان شاهد مقالي
يالابتي في السجن والسجن بلوى =من غير همّه هم سيف العدالي
طلب علي عشرة ملايين نقدي =والا على العينين بيلف شالي
نفساً بلتني يوم ربي كتبها =وهذا القدر نرضى بحكم الليالي
وانا الى مني تذكرت ربعي =يبرد على جاشي لهيب الصوالي
(آلاد زايد) والسند (آلاد تغلب) =((دواسر)) يرسون مثل الجبالي
الله يعز الدين ويعز ربعي =كسابة الطالات فوق العوالي
والطيب يوجد مع جميع القبايل =غرب وجنوب وشرق وايضاً شمالي
وختامها صلوا على من نحبه =الي بنور الحق زال الضلالي

 

 

 

 

[معلومات العضو أبو سعود الودعاني]

لاهنت يا هايف على نقل هذه القصيده

وانشاء الله ربعك ياسيف الغلا عند ظنّك

يعلم الله اني لست بشاعر ولاكن للمشاعر فيض
ففاضت مشاعري بهذه الابيات والتي اعلم انه
لاترتقي لمسمى قصيده او حتى كونها ابيات شعريه
لاكن ارجوا ان تكون قد اوفت بما يجول في خاطري

صرخه يزلزل صوتها كل الاركان=يافزعتي ياصلب جدي تحامو
اليوم يوم احمية العز والكار=يالابتي في سوقها اليوم سامو
تغلب وزايد لابتي يادواسر=المسعري ينخى وكنه على ضو
تكفون ثم تكفون تكفون تكفون=الفزعه الفزعه وللخير سومو

 

 

 

 

[معلومات العضو نايف بن مسرع]

محجوز ولي عودة بإذن الله

 

 

 

 

[معلومات العضو سالم بن صمهود]

نسأل الله ان نفرح بخروجه سالماً وفاله العتق من الله عز وجل
ابو مبارك لاهنت على ابراز القصيدة وخبر السجين

 

 

 

 

[معلومات العضو غربة وطن]

ابشر بالفزعه

وينكم ياشيوخ الدواسر وين وقفاتكم

وين فزعاتكم جمعتوا ياصلب جدي 25 مليون في 3 ايام

ما اعتقد يعجزون صبيان الدواسر من 10 مليون

ياليت الامير مران بن قويد يتبنى الموضوع ويسعى لفك رقبة سيف

واعتقد ان الامير مران بن قويد قدها وهو رجالها ورجل المواقف

مثل ماتبنا ابن عواد فك رقبة فهد

 

 

 

 

[معلومات العضو عبدالله الدوسري]

فرّج الله همّك يا سيف




و ابشر بسنايدك




و قصيدة من القلب للقلب




للتثبيت



لا هنت يا أخوي هايف




بياض وجه




و لي عودة،،،

 

 

 

 

[معلومات العضو نايف الفصام]

أخوي هايف
بيض الله وجهك على نقل قصيده أبن العم سيف
ويبشر والله بسعده لكن عندي تعليق ليه مانسوي
مخيمات يعني مخيم في الشرقيه والرياض والخرج
والوادي لان فيه ناس واجد مايدخلون النت ومايدرون عن أبن عمنا
وبالذات الشيبان عندنا يقولون ماسمعنابها نبي نسوي أعلان في الجريده
أن اليوم الفلاني في المحل الفلاني أجتماع الدواسر لأجل قضية أبن عمهم (سيف)
وبيسر الله كل أمر
هذي وجهت نضري ولازم نشوفلنا حل
أخوك / مطنوخ

 

 

 

 

[معلومات العضو سلطان بن دخيل الله]

المساحه محجوزه ولي عوده

 

 

 

 

[معلومات العضو محمد الحوشان]

الله يفرج كربك يا بن مسعر وان شاء الله
يغطص حقك من المضلوم

واشكرك يا هايف على القصيده

 

 

 

 

[معلومات العضو حنيان الدوسري]

لفتة رائعة منك أخي الغالي : هايف العماني

والله نسأل ان يفك أسر اخينا ويفرج همه

وإن كنت أيد اقتراح الجمعة والإعلان حتى لا يأتي لأحد عذر

وفقكم الله

 

 

 

 

[معلومات العضو أبونواف الدوسري]

الله يفك أسره .ويفرج كربته.ويخرج لنا سالم غانم...

أدارة المنتدي الكريمه لها أتصالات وزيارات سابقه لأمراء الدواسر وتجارهم..ورئيس الجمعيه التي

أعلن عنها في هذا الموقع..

لماذا لا يتم الأتصال فيهم عن طريق أدارة المنتدي الكريمه من المحتمل بأن ليس لديهم خبر...

هذا أجتهاد مني ...ومن المحتمل أن يكون تم الأتصال فيهم من قبلكم...فعلا...

عسي الله يوفقكم لما تبذلونه من جهد في سبيل أبناء عمكم...

دمتم في حفظ الله جميعا.

 

 

 

 

[معلومات العضو ابو زابن المسعري]

الله يفك أسره .ويفرج كربته.ويخرجه لنا سالم غانم...

 

 

 

 

[معلومات العضو عبدالله الحافر الغييثي]

نسأل الله ان نفرح بخروجه سالماً وفاله العتق من الله عز وجل
ابو مبارك لاهنت على ابراز القصيدة وخبر السجين
واللي قدُرنا الله عليه سويانه
والله يفك سجنه

 

 

 

 

[معلومات العضو ابومبارك الدوسري]

وانا الـى منـي تذكـرت ربعـي....يبرد على جاشي لهيب الصوالـي
(آلاد زايد) والسنـد (آلاد تغلـب)....((دواسر)) يرسون مثـل الجبالـي

نسأل الله ان نفرح بخروجه سالماً وفاله العتق من الله عز وجل

ابو مبارك لاهنت على ابراز القصيدة وخبر السجين

قلتها وبقولها أبشر بسعدك ياسيف

 

 

 

 

[معلومات العضو العماني]

بيض الله وجيهكم جميعا ً على التفاعل مع القصيده وهذا من طيبكم والله يعتقه ان شاء الله .

تقبلوا تحياتي،،