|
|||||||
30-05-2007, 05:38 PM
|
#1 | ||||||
|
مساجلات : ابن مدعث + الفراعنه
بسم الله الرحمن الرحيم
السلام عليكم ورحمة الله وبركاته ــــــــــــــــ هذه عدة مساجلات بين علمين من اعلام الشعر النبطي في وقتنا الحالي شاعرين يحلقان خارج السرب لكل منهما اسلوب يتميز به شاعرين .. جمعا بين الجزالة ، وقوة المفردات ، و عمق المعاني رغم صغر سنهما ، وظلم الاعلام لموهبتهما الفذه الا انهم استطاعوا يثبتوا للجميع انهم يستحقون الاشادة هما ... صاحب الشعر الخـالد .. الشاعر / خالد بن مدعث بن نفل الخرفاني الدوسري . و شاعر الجن .. الشاعر / ناصر بن محمد بن فارس الفراعنه السبيعي . و المجاراة الأولى .. (( السبع العجاف )) القصيدة الاولى لـ الشاعر // خالد الدوسري و هذا وجدَّ ابن مدعث وهو يصور الواقع بقصه مختصره و مؤثره يتخللها شئٌ من الحكمه و يتغزل باسلوبه الخاص . ..
كل ما فاضت عيوني باشت الأضلاع غنا = الموارد في الضلوع وكل ضلع في ونه والتمني ما يحقق هقوت القلب ان تمنا = بس قلبي ما يداني تبعد الهقوات منه واوجودي .. وجد من جلي عن ادياره مجنا = تو عمره عشر واربع والليالي ما تحنه ما وراه إلا عجوزٍ واخته وعود مسنا = بين فقر وبين دين وبين ضيم وبين منه ما ذبحهم غير دمع من الغبينه ما يكنا = ويل من سود الليالي بالمصايب يبتلنه راح مثل الذيب وهبلته حياة الذيب ظنا = وآمن والموت يومه بين مخلابه وسنه راح ينقل دم قلبه وان ضواه الليل ونا = الذيابه مروحاته والسيوف يدورونه ليا ذكر دم القرايب عانق البيدا وثنا = وان تذكر ضحكة امه زاغ قلبه من مغنه ما يلوعه في حشاه إلا ليا شاف البرق سنا = غاب عشر اسنين ما به من يرد العلم عنه ان حداه الخوف منا .. هزت الأشواق منا = يوم طال الوقت عود للديار اللي ربنه قال: ما دام المذله والبلاوي يبتلنا = والله ان الموت في الأوطان بين الربع جنه يوم وقف في المنازل ما لقى بيت مبنا = غير بيت للهبايب والذواري يلعبنه راح يمه كنه اللي ضاربه رمحٍ مطنا = وعذابه ما دري ان اسهوم بقعا يحترنه يوم قرب سمع له صوت من العله يحنا = حصل امه عندها ضيف يقول الموت سنة قال: يمه , قالت: عيوني من الدمع انعمنا = قال: ابوي , قالت: اطوال النصايب قد خذنه قال: واختي , قالت: اقفى القوم باختك مع ظعنا = قال: ربعي , قالت: اسنين المجاعة فرقنه قال: جيتس , قالت: ان الموت ما ظني تونا = واستلمها نازع الارواح روحنٍ مرجهنه ثم صاح من التفرق صيحة اللي فيه جنا = دق صدره وانطوى من حر ما به طي شنه كل هذا حال قلب من خلقه الله معنا = الهـموم ,,يوكلنه ,,والروابع ,,ياكلنه ليه !! ادور للسبايب والسبب فينا ومنا = النفوس وما تسوي واليدين وما حصدنه لا تسودنا الخطايا نلحق الشرهه زمنا = ما جزانا إلا عملنا والخلايـق يثبتنه قلت: اجرب,وش ورانا بنتسلى ونتهنا = والليالي ماتـخالف من طـلب شي عطنه جاهل بالغيب وأثـر اللي يسلينا طعنا = مادريت الا وقلبـي والمحاني يردعـنه قلت: وين تروح خلك في ظلوعك مرجهنا = قال: مدري , مير كن الحب تل العرق كنه قلت: مخطي , قال: ليه اليا ذكرناه اشتحنا = وانتبهت وطاح فكري والطـواري يخلفـنه قلت: ابسأل بنت حـواء ليت حنا ماسألنا = كان والله مسـتريح ومخلـف قلبـي وظنه قلت: هز العود صفق النود ,قال:النود حنا = ولا ذكر به عـودٍ الا والهبـايب يطرقـنه قلت: أهلنا , قال: والله مانعيب أسلوم أهلنا = والعفـيف من الهوى مابه عـلوم يحرمنه قلت: في دارك غريب , قال: حوّل في وطنا = لك محلٍ في قصـورٍ له سـيوفٍ يحتمنه وأبتدينا قصة (( السـبع العـجاف )) و مللنا = وكل عـام يمرّ يعطينا من اللوعـات فنا وأفترقنا ولا لقينا من يرد العلم عنا = غير حـبٍ للهـبايب والـذواري يلعبنه .................................................. ..................... وهذه مجاراة الشاعر// ناصر الفراعنه وهوَ يتوجد بـ اسلوب قصصي لايتقنه احدٌ سواه . ..
كل مافاضت عيـوني نجـر بن حربان دنا = في ضلوعي يسمع اللي من ورى بغداد دنه يوم ابن مدعث لنا سن الوجـود الحق سنا = وا فـوادي كن دود الارض يرعى في مسنه وا فـوادي لو تظنا أبن مدعـث ماتـظنا = كنه المجـدور عـقب الجور مرمـيٍ بعنه اشـعل التنمباك من خلجتـه ماشـبه وكنا = ميـر كنه من عجاج فاح من صـدره يكنه وا وجـودي .. وجد منهو عض بابهامه وحنا = واحد شـاف الثلاث البيض سـود مستجنه شاف قدام الخيام خشيف ريـمٍ مرجهنا = وثور البندق يبي صيده وراغ الخشف عنه اطلق اربع عقبه اربع ثم سمع صوت يونا = اثرها امـه صابها طلقـة وطار العقـل منه واتهمـوه بذبحة أمـه ليلـة العيـد وتجنا = اتهمته الناس وصـدوف المقـادير اتهمنه قالوا: أخوانه ترى منا بمـنك ولا انت منا = يفرق الله بيننا وبينك وعسـى مالك مظنا لك ثلاث أيام من ذاالحين وارحل عن وطنا = عقبها تخطر علـى راسك مضاريب الاسنه ودع مريتـه وتو بنتـه صغيـرة ما تحنا = توها ام اربع شهور وفي لحمهـا زود لنه ركب غوجه وانقلب قبلـه بـ ليـل ماتونا = والحمايا من خلافـه ارخـوا حبـال الاعنه المطـايا والسبـايا مـن خـلافـه عمدنا = والمنـايا سجـدا قـدام عينـه يــرقبنه كـل ماعنز علـى قـوم وطـن الراس طنا = قالـوا: اذلف ذابـح امـه لعنبـونا لـو نحنه ذابح امـه لوزبنـا عـده انـه مازبنا = لعنبـوتس بيـوت قـوم ذابـح امـه زبننه الجمالـة ما تجمـل فـي ولـد حـر تدنا = ميـر دور غيـرنا وانحـش بـ قلبك لاندنه وانقلب من عندهـم كنـه على محماس بنا = يمته اهـل الغوص عجـلات الركايب وجهنه ركب بابـور البحـر ودمـوع عينـه يذرفنا = فـوق خـده كنهــن اذواد بـدو مـرثعنه ويـوم حل الليـل اشرعـة السفينـة دودلنا = والهبـايب مـا يخّلـن محبـل مـا دودلنه قـام ربـان السفينـة قـال: ياناس امتحنا = قومـوا ادعوا ربكـم عـلام ماوسـط الأجنه قال: شيـخ منهم الا عنـدي الـراي المطنا = ضحـوا بواحد عسى الله ينقـذ ايدين رجنه وطاحت القرعة على اللـي ذابح امـه ماتثنا = ثم رموبـه فـي ظلامات البحـور المستكنه وادبحـوا عنـه وهو في غبـة الموج يتثنا = ثم عارض له من وحوش القرش جرجور وصنه عض جرجور البحـر ساقـه وصايح واستجنا = ابك لـولا اللـه كـلاه القـرش مايسلم مطنه وفـي ديـار مـن بلاد الهنـد بين انسٍ وجنا = من فضل ربـي عليـه اطراف الامواج احذفنه ومثل ماقبـل امـس متهومٍ بذبح أمـه امعنا = اتهمـوه بذبـح سـلطـان البـلاد المطمئنه وفي السجون المظلمة خمسة عشر عام قضنا = مع ثلاث ما قضنا الا مع عقب حاله قضنه لاسمع ورقـى تغني جـر مسحوبـه وغنا = كل مغنى يزعجـه غصب يجي تاليـه ونه لاطـرت بيوت قـوم فـي الخلايا يرفعنا = دار دولاب الدبــا الدالوب دولابه و زنه وكل مابرق سرى شرق صدوق الغيث شنا = كـن قلبـه فـوق سبق طيور بر شطرنه عقـب مـدة جاه مـن داره نذيـر مرثعنا = قال انا جيتك بعلمٍ واللـه انـه .. واللـه انه حرمتك ماتت لها عشر سنـوات قـد مضنا = والبنيـة معمس تقـرع عليـك قـراع شنه عمها عـزر بهـا فـي وسط بيتـه ماتهنا = خادمـة نسوانـه الثنتيـن واللـي يضيفنه ثم زوجها لـ ابـو سبعين عـام مـا نقصنا = شايب يطـرب خفوقـه لاسمع للقـرش رنه ويوم سمع هروجهم فاضت عيونـه وازحرنا = وسط سجنـه كنـه اللـي ساكنٍ له فـي مجنه قال: ياربعي افزعوا لـي مـن سجون غيضنا = وقبـر قلب الدم دمـة غادي ايديكـم يظهرنه قالـوا: انـا وش لننا واللـه انـا مـا شحنا = غيـر بنتـك والا مثلك مـا بقربـه قرب جنه وانتحـوا عيـون قـايـدهـم جنـوب خايلنا = وهو من ورى سجنـه عيونـه كل نجم خايلنه وعقب عام مـن مجي ربعـه وسنن عض سنا = اعفـوا الكفـار عنـه مـن عقب سـود دهنه يـوم فكـوا قيد رجلـه وانطلـق خاطـره منا = وانفلـت يبغـى ديار مـن ورى نجـد اشحننه حـث سـاقـه مايشـوف الابنيتـه يـوم قنا = مـن عقـب عشرين عام في وطن قـوم مصنه ومـن رداء حظـه نهار اغمـن عيونـه وارقدنا = فز مـن نومـه عقب عضـة حنـش داب بسنه ومـن اثر سم الحنش يونس ضلـوعـه يطبخنا = طاح وعـزيّ لـ واحـد سـود الافاعـي طيحنه ويـوم هـو فـكـر الا فـوقـه نجـوم يبـرقنا = شـاف بكيـت بنتـه اللـي جـاء يبيهـا بينهنه قال: يا نجـوم السماء تكفين روحي صـوب اهلنا = علمي بنتـي عـن اللـي صاب ابـوها واستسنه اشــهد انـا مـا بحلنــا فـي الليالــي اشهدنا = ميـر حظـي خاننـي ثـم مات مابـه مـن يقنه ذاك وجـده وجـد حالـي فـي وطنـا مـن عطنا = مـن هنـوف ٍ خـدرهـا ابيض الهنـادي يحتمنه ..... المجاراة الثانيه .. (( قلب المحبه )) القصيدة الاولى لـ الشاعر // خالد الدوسري وهي عباره عن قصيدة غزليه مليئه بالحكم التي عودنا عليها دائماً وهو يشتكي لـ صاحبه ناصر من مرارة الحب و الهوى .. ....
هيه يا قلـب المحبـة مـا بقـى فـي العيـن عبـرة = كـل يــوم والعـيـون مــن الـغـرام يسـيـل مـاهـا لين صار الجفن عنده مـن غزيـر الدمـع خبـرة = وانـت شيـخ حنـوة الاضـلاع مسجـون وراهــا ما تعدى لـو طلـع راس الجمـل مـع سـم الابـرة !! = فـي ضلوعـي بكيتـك مـا غيـري بيسمـع بكاهـا يا سجين الجوف تدري مالنـا فـي الحـب قـدرة = سنـة للنـاس مــدري وش قـداهـا مــن خطـاهـا الهـوى كانـه خطيّـة مـا حـدٍ قــد جــاب عــذره = والـهـوى كـانـه مبـاحـي عـلّـة صـعـب دواهـا اصبر ويلقـى طويـل الصبـر فـي الايـام صبـره = كـم صبـور ٍ جـاب صبـره حـاجـة عـسـر لقـاهـا يا فؤادي صرت لك حزمة هشيـم وانـت جمـرة = كـل مـا هـب الـهـوى بأطرافـهـا يكـبـر سنـاهـا والهـوى تاليـه فرقـا والنـوى لـو طـال عـمـره = ما نسينـا العهـد وجروحـه براهـا او مـا براهـا دام عهـده فـي يمينـي والنجـوم اتجيـب خـبـره = نعتـبـرهـا غـايـبــة عـنــا وحـجّـتـهـا معاهــا لو درت وش صار فينا ما خذت عن نجد سفره = يــا هبـايـب علميـهـا ،، كــم شـقـيّ فــي رجـاهــا منبـت الـنـوّار عقـبـه يـذبـح العـسّـاس دهــره = حالـف مـا عـاد ينـبـت فــي ديــار مــا وطـاهـا !! (( المـولّـع عقبـهـا ينـقـل عـلــى الكـفـيـن قـبــره = ميّـس مـا عــاد تشتـالـه عظـامـه مـن جفـاهـا )) عقبـهـا راع المطـايـا مــا دعــى للـعـد نـشــره = والظوامـي صافـي المـيـراد مــا يقـطـع ظمـاهـا جـادل ٍ حـده زمـانـه عــن روابــي نـجـد مـُكـرَه = والليـالـي مــا تخـلـي مسـتـريـح فـي ذراهـــا صـوب دار مالهـا مــن قسـمـة الاجــواد بــذرة = النجايـب سبعـة اشهـر مـا يجـن ارض نصاهـا البحـور تحـول دونـه والفجـوج الجـرد عسـره = والذيابـة تحتـري مـع سـكـة الطـرقـي عشـاهـا فـرّق الله شمـل مـن فـرق ثنيـن كــان خـشـره = فـي غـرام وفـي علـوم يشـهـد الـوالـي عـلاهـا (( مــا يـحــق الـواحــد مـالـقـح النـخـلـة بـتـمـرة = مـن سقاهـا واحتماهـا لأثمـرت يقـطـف جنـاهـا )) (( كنت اقـول يمـوت رجـل مـا نفـع نفسـه بعمـره = ثــم قـلـت يـمـوت رجــل حــدّ نفـسـه منتهـاهـا )) كنـي الرحـال وسنـيـن الليـالـي الشـهـب بـكـره = شلـت زادي فـي خبـاهـا ،، و الحيـايـا فــي خبـاهـا يـا عنـود الصيـد لـو آخــذ مــن الايــام عـبـره = كـان روحـي فـي يمينـك حكـم ربـي مـا رمـاهـا جيت لك غيث تهادى ، و انت يمـي جيـت حسـره = يوم علّقـت السحابـة سقـت رجلـك مـن سماهـا لك شهر من غبت عنا والهوى يا طول شهـره = ذكـريـهــا يـالـثـريـا وانـشـديـهـا وش بــلاهــا العـرب قـد قالـوا انـه ( مـع توالـي الـعـج مـطـره ) = واعذابـي كانهـا عجـت والاخــرى فــي قفـاهـا !! والهـوى لا زان قــاده للـولايـف سـلـك مـكـرة = ميـر روحـي مـن عرفتـه والهـوى يلعـن ثـواهـا آتـصـبـر وآتـحــرى رجـعــة الـغـيّــاب بــكــره = والزمـان بعـيـد والايـام من يـلحـق مداهــا يـا نديبـي هـاك خـط ٍ مـن دمـوع العـيـن حـبـره = الرسالـة غيـر (ناصـر) لا حــدٍ يبـحـث خفـاهـا صاحـبٍ بيـن النشامـى بالمـراجـل بــان ذكــره = ( السبيـعـي ) لا تـعـزوى عــزوة الـعـود احتمـاهـا يا ( ابن فارس ) شف صحيبك عيّب الجبّار كسـره = ان بكـى قـال : اقطعوهـا ، وان شكـى منهـا كواهـا !! يا ( ابن فارس ) كان عندك في عميق الجرح دبره = لا تخـلـي صاحـبـك ينـقـل جــروح ٍ مــا قـواهــا حالـتـي حـالـة فقـيـر يــوم قـــام يـســدّ فـقــره = مـا لقـى لـه غيـر عيـن تدفـق مـن الفقـر ماهـا .. وهذه مجاراة الشاعر // ناصر الفراعنه . وهو يخفف على صاحبه خالد بحكم وافيه و رائعه ..
عـلـم والا حـلـم يــا قـلـبٍ حـشـاه عـويـد سـمــره = كــنّ مــن بـيـن اضلـعـه جـنّـيّـةٍ تـصـفـق يـداهــا قلبـي اللـي مـن سطـر مابـه تقـل غاشـيـه خـمـره = يـوم فـيـه قـلـوب شــق الـثـوب مــا كــدّر كـراهـا قـم يا ( مانـع ) فـوق وجْنـاً مـن خيـار الجيـش ضـمْـره = وصــف شـقـرا ربّـهـا دون المليـحـة مــا نـحـاهـا بنـت هـرشٍ كـنّ قــرن العامـريّـة وصــف وبْــره = وكــنّّ نيـبـان السـبـاع الضـاريـة تنـهـش حفـاهـا ( ابـن مدعـث ) لأجـل عيـنـه نـقـرن الحـجّـة بعـمـره = ابـن مـن همّـل مجاهيمـه عـلـى البـصـرة وجـاهـا لا تحسّـر دام بـاقـي فــي صلـيـب الــراس قُـطْـره = يا ( ابـن مدعـث ) والضلـوع العـوج داهـا فـي رداهـا لا وربـي مــا نقلـنـا السـيـف ابــو حـدّيـن بـطْـره = كــود لعـيـون الصـبـيّ ( الـدوسـري ) نطـعـم شبـاهـا يا ( ابن مدعث ) ما نلومك في الهوى لو شفت عُزْره = الـهــوى قـبـلـك غـدالــه بـأمّــةٍ بِــيْــضٍ لـحـاهــا (( مـا أطـال النـوم فـي عمـر الفتـى المكـتـوب فـتـره = والسـهـر مــا قـصّـر اعـمـارٍ كـتـب ربــي بـقـاهـا )) زمّ نفسـك والهـوى سكرتْـه عـن ملـيـون سـكـره = لـو حصـل منهـا سلامـه ويـن تسـلـم مــن نمـاهـا نركـض و تركـض ومــا نجـمـع بأياديـنـا نِخَـسْـره = اللـيـالـي دوْل والـدنـيـا رحـــول الــلــي مـشـاهــا تـالـي الدنـيـا يا ( خـالـد ) حـفـرةٍ فــي جـــوف حـفــره = نـطـرد الدنـيـا ولا نـفــرق خـطـاهـا مـــن قـداهــا هيّ وش هي؟ هيّ من هي؟ هي ثمانٍ كـان عشـره = الـبـواشــق قـرنـســت وام الـكـبـايـر ذا جــزاهــا مير اخذ من دنيتك ( صاحب ) و( باروده ) و( خفره ) = زبــدة الـدنـيـا ثـــلاثٍ عـانـهـا واتـــرك سـواهــا اتــرك الـلـي يـطـرد الدنـيـا يـبـي عــزٍّ وشـهــره = كـيـف يبغـاهـا تـعـزّه وهْــي مــا عــزّت ضـنـاهـا يا ( ابـن مدعـث ) لـو عـرا جسمـك بمشلحهـا تغمـره = لا لقـت غـيـرك تِحَـذْفـك حـذفـة الجـاهـل حصـاهـا رايعـت مـن لا بنـى مــن شـامـخ البيتـيـن وكــره = ولعـوزت كــل ابــن حــرٍّ بــأوّل الهـجـره عطـاهـا (( وصفـنـا وصــف ثْـمَـرَه والـزيـن فـــلاّحٍ بـغـمـره = يعتنيهـا وان حـداه الجـوع مـا اسـرع مــا كـلاهـا )) يا ( ابن مدعث ) لا رعت بيـن الجهـام السـود عفـره = حاجةٍ تقضي عقب سـن الصبـا وش هـو قضاهـا ؟ ابـعـد الله دار مـــن يـبـعـد ثـنـيـنٍ كـــان قـصــره = امّــة لا شـافــت الـشـمـل اجـتـمـع جـاهــا بـلاهــا لا سقـى الله فيـضـةٍ فيـهـا سمـيـن الصـيـد قُـعْـره = كــل دِحْــلٍ واجـهـوا بــه حـيّــةٍ تـلـحـس جـمـاهـا عـزّتـي لـلـي بـقـى بيـنـه وبـيـن الـمـوت شـعْـره = روحـه اقـرب للمنايـا السـود مـن حـذفـة عصـاهـا طال وقتك يـا ( ابـن مدعـث ) بيـن لا تطريـه ،، و اطْـره = حـيّ ابـو مجنـاك ويـن الله شلـع بـك فـي فضاهـا ؟ شدّهـا مـن خدّهـا واقطـر عـلـى المـركـاز صـفْـره = والحمـى مـا احـدٍ حمـاهـا كــان ربّــي مــا حمـاهـا !! انــت مـثـل الـلـي يــدوّر للوسـايـد وســط خُـبْـره = وخُبْـرة الـروض ايتحمّـل مـا يجـيـه الـلـي ربـاهـا نقطـن الـواد المخيـف ونـضـرب البـيـد أمّ جُـفْـره = لعنبـو بعـض البـنـي يــا مــا لحقـنـا مــن هـواهـا !! مـا لقينـا مـن يقـول: ابطـى بـهـاك السـيـل كُـبْـره = طـالـت الـمـدّة و ( خـالـد ) فـــي رجـــا دورة رحـاهــا الوجـيـه البـيـض سـفْـرة ،، و الوجـيـه الـسـود ودْره = وجثّـةٍ مـا سـرّت الصاحـب علـى ويـش انغـذاهـا؟ هيـه ياللـي فـي فـؤادك مـن عسـام الـوقـت نـفْـره = طالت الدعوى ولا ادري وش حجَلها مـن قطاهـا؟ آخـر المنصـوب فتـحـة وآخــر المـجـرور كـسْـره = حطّـهـا نـــذرٍ عـلــيّ انّـــي لألـيّــن لـــك قـسـاهـا ((( واجمع اوّل حرف من كل بيـت تلقـى بيـت شطْـره = عقّـب اللـي مزنـتـه مــا يــروي العطـشـان مـاهـا ))) ... ملاحظه : استخدم ناصر الفراعنه في مجاراته تاثير بديعي , في قوله :
وا جمع اول حرف من كل بيت تلقى بيت شطره ؟؟ = عقّب اللي مزنته مايروي العطشان ماها
أي كل حرف من كل بداية كل بيت إذا جمعناه في سطر واحد فانه يأتي هكذا ع ق ق ب ا ل ل ي م ز ن ت ه م ا ي ر و ي ا ل ع ط ش ا ن م ا ه ا وتكرار حرف القاف عباره عن حركة الشده ((ّ )) اي بالضبط وبنفس الترتيب تعطينا الحكمة التي في البيت الاخير هكذا: ( عقّب اللي مزنته ما يروي العطشان ماها ) ... المجاراة الثالثه .. (( خمسة عشر عمله )) القصيدة الأولى لـ الشاعر // خالد الدوسري . وهي عباره عن خمسة عشر لغز !!! في قصيدة واحده ، وقد ارسلها الى ناصر لكي يحل هذه الالغاز ..
عذابك يا خفوقي تو ما جاك وتولم له = ما دام انك فتحت الباب لهموم الهوى شلها اعرف انك بليهيٍ اذا زاد الدهر حمله = يغني له هديره " هاذي احمولك وعدلها " ليا غنت تقول البيد عطني رقصة الصمله = وليا منه عطاها رقصةً كنه يجاملها يجامل والمنايا عينها قبر يدم دم له = بعين المكر خزت ، وبعين الحب غازلها لقى عين المنايا تمكر بـــ( خمسة عشر عمله ) = يموت اليا نظرها وان خذاه الموت قبلها الاولى ، بنت غيٍ تنقض المجدول وتعمله = ليا غطت ترايبها شقت بالليل جادلها وثانيهن ، هلالٍ بالسماء ما ينعرف كمله = صخيفٍ لو نقل ريش النعامه ما تحملها وثالثهن ، معه سيفٍ بحد الموت معدم له = ثمانين الف فارس عن مناكبها معزلها ورابعهن ، طلع حرٍ مع اللجه معزم له = على صيدٍ قرانيس النوادر ما تحولها وخامسهن ، ضلامٍ ضيع نجوم الفلك جمله = بقى فيه القمر يضحك مع الضلما ويسئلها وسادسهن ، عزيزٍ غار عدوانه على زمله = تلقاهم بسيفٍ شيب الدنيا وهولها وسابعهن ، هنوفٍ تصفق الكفين محتمله = على فرقا الذي بالحب مالت له ، ومال إلها وثامنهن ، غريرٍ ما يقول من السحا جمله = خجولٍ ليا ناظر عيون الناس خجلها وتاسعهن ، تقى روضٍ هوى الغربي مقدم له = قراحٍ من سحاب تحت علم العرش وابلها وعاشرهن ، تثبت قصة " سليمان والنمله " = معاها معجزه والمعجزات الرب يرسلها وحاديهن ، مهاةٍ في جراهيد الوطا همله = تلفت للقنوص اللي من احماها تجفلها وثاني عشر ، بحرٍ طلع اللولو على رمله = يبي يرضي ارمالٍ من عصر آدم مزعلها وثالث عشر ، رسامٍ على الاهرام يرسم له = يدينٍ فوق صدرٍ تسحر الساحر بـ أناملها ورابع عشر ، من عبرة يتيمٍ دمعته همله = ثمان اسنين من فقده لـ ابوه العين مسبلها ابوه و مات !! وامه لا تحنّ ولا تبسم له = تنحر صوب دارٍ تهلك الساري مهاملها بقى مابين وقت وبين عمٍ ما ترحم له = دخيلك يا زمانٍ لعت عمره لا تكملها وخامس عشر ، من عمر اليتيم اليا ارتكب خمله = عشق له عشقةٍ تفني شبابه ما تناولها عيونتس يالمنايا تذبح بـ( خمسة عشر عمله ) = لك الله هاذي " العمله " يا ( ابو فارس ) وحللها .. وهذا حلّ الشاعر // ناصر الفراعنه الذي لم يقنع الكثير من المتابعين و النقاد ومنهم من قال : ان الحلّ يحتاج الى حلّ !! ..
يا ( خالد ) لا تهيضني وأنا قلبي متمم له = على تركت بلادٍ ضاع حابلها بنابلها تخيلت اربعٍ سودٍ اقصار اعيونهن ثمله = وابن من لا نقض حجه ولا يقدر يحايلها فوادٍ كل ما وجـّه على دارٍ و يمم له = مقاريد العرب دونه مزهبةٍ فتايلها نحوسٍ من ردى حظه درج فضه وكوم له = من النكبات سبحات مسلسلةٍ سلاسلها ترى لغزك يا ( ابن مدعث ) ولو حاولت اترجم له = كثير الناس يا ابن الناس جاهلته وجاهلها وحلّ اللغز في خمسٍ ورا الغارب تهايم له = على عشرٍ قدم عيني تخايلني واخايلها تشوف أوصافها في غرة المجمول مكتمله = على ذباح أبوها سابت الفنجال وأحملها الأولى ، عانها بين الجبال السود والرمله = غراميلٍ حمر نشر الشواوي ما تهيلها وثانيهن ، ليا صامت مقاريد العرب صم له = ولو شفت الديار المجرهده ما تثيلها وثالثهن ، ثلاثٍ طيرها لا حام لك حم له = تنجلك الليالي السود ولا انته بتنجلها ورابعهن ، ليا منه شكى الزامل هوى زمله = تغطى والغطا غارات روس القوم يفشلها وخامسهن ، غراب البين ما حيٍ بيجهم له = اشارة سوّ تدره للقوافل من قوافلها وسادسهن ، حصانٍ حادسه دبت به النمِله = وعود صيدةٍ منه العوانيد طعم اهلها وسابعهن ، ولد لا يخدعك لو غرته جمله !! = يصفق ما عدل ميله ولا العدله يميلها وثامنهن ، لو طوّل لك السبت لا تحيزم له = ما جو الا وعقبه عجيجٍ ترعد مخايلها وتاسعهن ، حيايا الروض فالمثناه مندمله = والتمت على حس الونس من حدر اسافلها وعاشرهن ، " سليمانٍ " مضى ما احدٍ جمع شمله = وقفيرٍ غدت به لين كبر وهللها وحاديهن ، على وضح النقا حذرا تخدم له = عليك بمنةٍ ما احدٍ من العشاق زاملها وثاني عشر ، بــرًّ لا يغرك ماه واخطم له !! = اذا ما هو حصل كل كلمةٍ في خاطرك قلها وثالث عشر ، طرفك شف جديده لا يغطى سمله = عصا " موسى " سحر " فرعون " ما غير منازلها ورابع عشر ، دانـه خلها في شطّها تمله = قراش الحنظله يدمع ولو ما احدٍ بقابلها وخامس عشر ، ذيبٍ كان قام , انته بعد قم له = (( وسما نفسك ولو هانت فعل كفك يجملها )) ...... أخوووكم // بلنتي
|
||||||
|
|
|
|
30-05-2007, 09:02 PM
|
#2 | ||||||
|
رد: مساجلات : ابن مدعث + الفراعنه
بيض الله وجـــهك يا بلنتي وصح لسان الشــعـار
|
||||||
|
|
|
|
30-05-2007, 09:12 PM
|
#3 | ||||
|
رد: مساجلات : ابن مدعث + الفراعنه
صح لسان الشعار وعز الله أنهم مظلومين إعلامياً وبقوووه ....
|
||||
|
|
|
|
01-06-2007, 01:07 AM
|
#4 | ||||
|
رد: مساجلات : ابن مدعث + الفراعنه
بلنتي
|
||||
|
|
|
|
01-06-2007, 02:29 AM
|
#5 | |||||||
|
رد: مساجلات : ابن مدعث + الفراعنه
..
اقتباس:
ومن قال يسلم الله لايهينك على مرورك الطيب وردك الوافي
|
|||||||
|
|
|
|
01-06-2007, 02:32 AM
|
#6 | |||||||
|
رد: مساجلات : ابن مدعث + الفراعنه
..
اقتباس:
.. ارررررحب يا ابن العم الله يعطيك العافيه عـ المرور الطيب والرد الوووووووافي وابشر بعزك جعلني ما اخلا من زووولك لاهنت على كل حااااااااال
|
|||||||
|
|
|
|
01-06-2007, 02:34 AM
|
#7 | |||||||
|
رد: مساجلات : ابن مدعث + الفراعنه
..
اقتباس:
سلمك الله يا ابن الغااالي ولاهنت عـ المرور الطيب والرد الوووافي
|
|||||||
|
|
|
|
06-06-2007, 06:21 PM
|
#9 | ||||||||
|
رد: مساجلات : ابن مدعث + الفراعنه
تسلم يمناك أخوي بلنتي
|
||||||||
|
|
|
|
22-06-2007, 09:24 PM
|
#10 | ||||
|
رد: مساجلات : ابن مدعث + الفراعنه
صح لسان الشعار وعز الله أنهم مظلومين إعلامياً وبقوووه ....
|
||||
|
|
|
|
26-06-2007, 08:37 AM
|
#11 | ||||||
|
رد: مساجلات : ابن مدعث + الفراعنه
مشكور على المشاركة الجميلة والصراحة قصائد جميلة ورائعة
|
||||||
|
|
|
|
27-06-2007, 03:02 AM
|
#12 | ||||||||
|
رد: مساجلات : ابن مدعث + الفراعنه
لاهنت اخوي ولد زايد على النقل
|
||||||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 2 ( الأعضاء 0 والزوار 2) | |
| أدوات الموضوع | |
| انواع عرض الموضوع | |
العرض العادي
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| لحظة صدق 0000 | في خاطرى شئ | :: قسم المـواضيع الـعامــة :: | 6 | 17-01-2011 09:51 PM |
| درة شعرية للشاعر خالد مدعث الدوسري | نايف الخييلي | قسم الصوتيات والمرئيات لقصائد شعراء قبيلة الدواسر | 19 | 06-09-2010 07:56 AM |
| جديد الفراعنه وأبداعاته | محمد مطلق آل بريك | :: قسم الـشعر العــام :: | 12 | 30-08-2010 04:15 AM |
| خطلان الايدي هل القالات والطاله " جديد خالد مدعث " | نايف الخييلي | :: قسم قصايد مدح وفخـر في الــدواسـر :: | 29 | 17-07-2010 03:33 AM |
| خالد مدعث الخرفاني | نايف الخييلي | قسم الصوتيات والمرئيات لقصائد شعراء قبيلة الدواسر | 38 | 12-07-2010 02:04 AM |
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 01:46 AM
