سؤال عن هيتين لآل بريك

[معلومات العضو العديم]

السلام عليكم ورحمة الله وبركاته


فيه بيتين للشاعر بخيتان بن ضافي المخاريم يمدح آل بريك ويذكر هيتين لهم على الحمدة والدوشان يقول بخيتان

ظفران لامنهم تعلوا بنات حصان *** وهل سربة فالهوش كل يجنبها

يشهد لقولي هيتين على العتبان *** فضوا جرة ابن حميد واخذوا كسايبها

ويشهد لي الدوشان في سالفة مروان *** شلفاه كل عارفا عن مضاربها

ودنا من عنده خبر عنهن يعطينا علومها

 

 

 

 

[معلومات العضو ابن وتيد السباعي]

حياك الله يالعديم

وصح لسان الشاعر الكبير/ بخيتان المخاريم

وان شاء يفيدونا الشباب الي عندهم خبر

 

 

 

 

[معلومات العضو العماني]

اخوي العديم الهيتين لآل بوسبّاع بدون قصور في آل بريك ، والقصيدة للشاعر بخيتان في مدح الخوران أمراء آل بوسباع وقال هذه القصيدة بمناسبة توجه الأمير/ تركي بن عويجان الخريم وهيصان بن فيحان الخريم (رحمه الله ) ومحمد بن شبيب الخريم (رحمه الله ) وتركي بن شجاع الخريم(بقيران) ومحمد بن تركي بن عويجان حين قاموا بالوجاهة لدى آل قريع من آل بريك وطلبهم بالتنازل عن السجين فلحان بن جري المخاريم وقد تم التنازل من قبلهم جزاهم الله خير ثم قيلت هذه القصيدة من قبل الشاعر/ بخيتان بن ضافي المخاريم.( والقصة كانت حوالي عام 1399هـ).

يامسيّر بتروح سلّم على الخوران = سلم عليهم عد ذاري هبايبها
على تركي وعرار ومحمد وهيصان= وعليهم عموم صغار سن وشايبها
وعلى محمد وثنو سلامي على بقيران= أهل الجموس اللي شكت ضيم راكبها
ركبوا على الجمسين والفوا على القرعان= الفوا على ربعا تنومس قرايبها
الله يعتق خبرة اعتقوا فلحان = من النار لا شبت سعاير لهايبها
أهل فعولا ماضية من على الجدان = أفعالهم كل القبايل اتهرج بها
تاريخهم مشهور من عصر بن بدران = وأفعالهم تتعب قلم من بيكتبها
شيوخا عيال شيوخ من ماضي الأزمان= كلا يبي الشيخة ومربع هبايبها
لالحقوا البل عوّد الخلف للحيران = لاسمع "هيلا" كل مدغوش يندبها
ظفران لا منهم تعلّو بنات حصان = وهل سربة في الهوش كل يجنبها
يشهد لقولي هيتين على العتبان = فضوا جرة ابن حميد واخذوا كسايبها
وتشهد لي الدوشان في سالفة مروان = شلفاه كلا عارفا عن مضاربها
عندي لهم بيضاء على عاليت مابان = أقولها وابغى الإذاعة تذيع ابها
تغنيبها الورقاء على عاليات أغصان= ومندوب لا من جيت نزوى فغنبها

أما عن مروان الذي في القصيده في مروان الخوير .

وأما عن الهيتين فستعرف الأجابة مباشرة من الراوي بخيتان المخاريم في اللقاء الذي أجراه الموقع معه وستراه قريبا ً.

تقبل تحياتي،،

 

 

 

 

[معلومات العضو ابن وتيد السباعي]

لاهنت يا ابو مبارك على ذكر الهيتين

انا حصلي لبس عندما قال انها في ال بريك ولم يذكر القصيده كامله

قلت يمكن يكون هناك تشابه في القصائد

لاهنت يالقرم وجعلنا والله ما نخلى منك.

 

 

 

 

[معلومات العضو العديم]

مرحبا والله بعيال العم ابن وتيد السباعي وهايف العماني ومنتدى الدواسر يفخر بوجود امثالكم

واشكر الاخ هايف على التوضيح واللذي يعجز اعضاء المنتدى عن شكره لجليل ماقدم في هذا المنتدى من غير قصور بالباقين وانا القصيدة خابرها وفات علي انه يمدح الخوران لاجل الوجاهه اللي قاموا بها وظنيت انه يمدح آل بريك من دون قصور بهم