رثاء الأمير00عايض بن هذلول

[معلومات العضو محمد فراج الدوسري]

أرثيه إيو الله بومبارك أرثيه=عايض بن هذلول وشلون ما بكيه
يبكيه شاعر والشعر والمشاعر =سال القلم حبره ودمعه قوافيه
الأرمله تبكيه ويبكيه الأيتام=من مات ابوهم صار ابوهم وموفيه
ويبكيه عودٍ شال عن كاهله هم=شال الحمول الكايده مايخليه
والضيف والخطّار واقراب وابعاد=واهل البلد والباديه كلنا فيه
ياضحكة حجاجه ولو كان هو ليث =يا فزعة المضيوم لا، لاء00ولا، ليه
يا جابرٍ عثرات00، ومجبر كسور=يا فارجٍ كربات00منهو عزاويه
يا عين هاتي مابقا فيك ياعين =من غير بو مبارك فقيده ونرثيه
أمير ،عمده،شيخ00إلا قل إنسان=أكبر من الألقاب مهما نسميه
حنّا عبيدالله في أرضه شهود=يارب نشهد له نبيحه وننعيه
الله يوسع له كثر ما وسّع الضيق=ويصير قبره روضةٍ لا سكن فيه
ويا لله عسى الفردوس الأعلى مقرّه=آمين ياربٍ كريمٍ ونرجيه
هذا الدعا منا 00ومنك الإجابه=يارب ماغيرك إلهٍ بندعيه

 

 

 

 

[معلومات العضو راشد المسعري]

صح لسانك يابن فراج

والله يغفر للأمير عايض بن هذلول ويرحمه

ويجعل مثواه للجنة ويسكنه مع النبيين والصديقين والشهداء

والبركة في أولاده وإخوانه من بعده أسأل الله أن يوفقهم ويسدد خطاهم

ولكم مني أجمل الود و التقدير يابو فراج ،،،،

 

 

 

 

[معلومات العضو ابو زابن المسعري]

رحم الله الامير عايض ابن هذلول واسكنه الله فسيح جناته

صح السانك وبيض الله وجهك

 

 

 

 

[معلومات العضو نايف بن مسرع]

اللهم اغفر له وارحمه يارب العالمين

وصح لسانك اخوي محمد ولاهنت على مشاعرك الطيبة

 

 

 

 

[معلومات العضو العماني]

شاعر المواجيب والمناسبات والمشاعر الصادق محمد بن فراج

صح الله لسانك والله يرحم فقيد القبيلة ويسكنه فسيح جنانه

تقبل تحياتي،،