بيني وبينك يبودرهم سالفه !!

**معلومات** **العضو** · 07-03-2007, 01:41 AM

يسعد صباحك شاعرنا العلم .. الظاهر مافيه ألا أنا ويّـاك

ياعلي يالدهمي أذا تسمح تعال=بيني وبينك يبودرهم سالفه
ماأقبل بظني وألايمكن وأحتمال=أبغى الاجابه للسوال موالفه

**معلومات** **العضو** · 07-03-2007, 01:59 AM

أخي الكبير على الدهمي .. لاحظت وجودك بقسم المحاوره

وقلت آخذ معك مرواس على هجعة الناس

ولماجيت أرسل لك رساله أخبرك عن البيتين

طلعت لي هالرساله الاداريه ..

(علي درهم الأشول إختار عدم تلقي الرسائل الخاصة أو لا يسمح بتلقي الرسائل الخاصة. لذلك لن تتمكن من إرسال الرسالة اليه)

ولاعاد ألا سلطان النوم تصبح على خير

**معلومات** **العضو** · 07-03-2007, 02:10 AM

اررحب يانايف من طول الغيبات جاب الغنايم

حيا الله الشاعر الكبير نايف البدراني

ياخي نشبت في الدهمي ,,, تفقد الرسااايل

**معلومات** **العضو** · 07-03-2007, 02:10 AM

الله يسعد صباحك بالرضا والنعيم يانايف

نايف البدران ياذيب الرجال=مرحبابك ياحزام الطارفه
السؤال يجيك رده بإرتجال=والدواسر لابتي متكاتفه

**معلومات** **العضو** · 07-03-2007, 02:14 AM


	ياعلي يالدهمي أذا تسمح تعال=بيني وبينك يبودرهـم سالفـه ماأقبل بظني وألايمكن وأحتمال=أبغى الاجابه للسوال موالفـه حي الله البدراني وحيا البيوت الزينه0 صح الساااااااااااااااااااااانك واتمنى تواصل مع شاعرنا علي0 وتتحفونا بالبيوت الجزله والمحاوره المميزه0 تقبل مروري وشكري وتقديري0

**معلومات** **العضو** · 07-03-2007, 02:37 AM

تسلم تسلم

كفو يبودرهم

الك البقا والصبح يقفاه الزوال=والجدي ثابت والكواكب ذالفه
بالله وش فرق الجنوب امن الشمال؟=وجهاتنا الأربع مهي متخالفه !!

**معلومات** **العضو** · 07-03-2007, 02:41 AM

اقتباس:

المشاركة الأصلية كتبت بواسطة عبدالله بن عريمة

اررحب يانايف من طول الغيبات جاب الغنايم

حيا الله الشاعر الكبير نايف البدراني

ياخي نشبت في الدهمي ,,, تفقد الرسااايل

مراحب يبوعبدالرحمن

شرفتنا بمرورك وهو الغنيمه بعد الغيبه

وأبودرهم دون نفسه .. بس أنت أطلع منها

**معلومات** **العضو** · 07-03-2007, 02:46 AM

اقتباس:

المشاركة الأصلية كتبت بواسطة شوق2


	ياعلي يالدهمي أذا تسمح تعال=بيني وبينك يبودرهـم سالفـه ماأقبل بظني وألايمكن وأحتمال=أبغى الاجابه للسوال موالفـه حي الله البدراني وحيا البيوت الزينه0 صح الساااااااااااااااااااااانك واتمنى تواصل مع شاعرنا علي0 وتتحفونا بالبيوت الجزله والمحاوره المميزه0 تقبل مروري وشكري وتقديري0

صح بدنك ياشوق ولاعليك زود أنا ألعب مع أبودرهم للاستفاده منه

مرورك يشرفنا .. وأبشري بالسعد بس النوم غالبنا

**معلومات** **العضو** · 07-03-2007, 02:51 AM

ماعليك زود يانايف

خلووها

شمس الحقيقه واضحه ياابن الحلال=وسهيل نجمه ياعميلي عارفه
مابينها شي فرق واضرب لك مثال=لوكان حكام العرب متحالفه

**معلومات** **العضو** · 07-03-2007, 03:08 AM

[center]الله الله

أنا بمحلي وين شديت الرحال؟=ومنهو وثق والله فلاني بالفه
صاحبك يوم أشرف على روس الطوال=ماجيتله أو المراقي كالفه ؟

**معلومات** **العضو** · 07-03-2007, 03:23 AM

هات إختصار المسأله وأفتح مجال=وضح هروجك لاتجيب السارفه
ماكان اضيع صاحبي هذامحال=ماانا من أصحاب النفوس الخايفه

**معلومات** **العضو** · 07-03-2007, 03:44 AM

شرفتني وتصبح على خير يبو درهم

يبن الحلال البدر من دونه خيال=والصوره لو حمضتها لك تالفه !!
وين أنت ماخاويت منعور العيال=أو أن دربه صعب منته والفه ؟

**معلومات** **العضو** · 07-03-2007, 04:42 AM

يانايف القيفان جتني في عجال=والرد كان اعجل وبحرك نازفه
بحري بحر واماانت توردللهجال=والنوم سلطانه عليك تخالفه

**معلومات** **العضو** · 07-03-2007, 02:52 PM

الأخوان نايف البدراني وعلي درهم الأشول والله أنكم أسعدتمونا في هذه المحاوره...عسي الله يوفقكم ...

ونحن بأنتظاركم.

أخوكم أبو نواف الدوسري.

**معلومات** **العضو** · 07-03-2007, 09:27 PM

بيض الله وجيهكم يالنشاما على القلطه الطيبه ولا هنتوا يالرياجيل

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أنا بدوي .. ثوبي على المتن مشقوق	شمعه الجلاس	:: قسم الـباديــة ومــزاينــات ابل الدواســر والخيل ::	7	28-10-2010 12:08 AM

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية