قصة ابن غافل الزعبي وجاره الحربي راعي الابل قبل ثلاثة قرون

[معلومات العضو خوي النشاما]

قصة ابن غافل الزعبي وجاره الحربي راعي الابل قبل ثلاثة قرون

وقعة القصة قبل ثلاثة قرون وهي تروى ان فتاة من زعب بل هي بنت احد شيوخ القبيلة ويدعى ( ابن غافل ) وقد كان يجاوره رجل من قبيلة حرب وله قطيع من خيار الابل . وذات يوم طمع احد اشراف حكام مكة المكرمة في ذلك العهد بتلك الابل واراد الاستيلاء عليها فارسل الى ابن غافل وجماعته ( بني زعب ) طالبا ان يسلموا ابل جارهم والا حاربهم ولكي يقوا انفسهم شر حرب من حاكم اقوى منهم طلبوا من جارهم ان يبيعهم ابله باي ثمن يريده ولكنه امتنع فردوا على شريف مكة المكرمة وقالوا له : ان جارنا لم يقبل بيع ابله وعرضوا عليه ان ياخذ منهم فدية عن ابل جارهم وان يدفعوا فرسا عن كل ناقة منها وكانت الفرس انذاك تشترى بمجموعة من النوق قد تزيد على العشر ولا تقاس نفاستها بقيمة الابل ولكنهم استهانوا بذلك في سبيل حماية جاهارهم وليدفعوا عن انفسهم خطر الحرب غير ان الشريف لم يقبل العرض فاصر على تسليمه الابل او الحرب وكان في امكانهم ان ياخذوا الابل من جارهم بدون رضاه وان يعطوه ثمنا بدلا من الاقدام على حرب طاحنه تشتت شملهم لانهم قلة وخصمهم يملك من الجنود والاستعداد مالا قبل لهم به ولكن ذلك سيكون فبه اهانة للجار الامر الذي لا تقره الشيمة العربية من اكرام الجار وحمايته ولذلك اختاروا ان يخوضوا غمار الحرب مع الشريف مهما كانت النتائج بدلا من ان يهان جارهم او تؤخذ ابله بدون رضائه . . وفعلا اشتبك الطرفان وتغلب عليهم الشريف وقتل معظمهم وشتتهم ولاذ بعضهم بالفرار وهم قلة وفي احد معارك حربهم التي وقعت ليلا تاهت ابنت امير القوم على جمل لها واصبحت بارض نائية عن مرابع حيها وظنت ان قومها قد اتت عليهم الحرب عن اخرهم فاخذت تهيم في الفلاه وذات يوم بينما كانت تستظب بشجرة كبيرة مر بها ركب من قبيلة ( الدواسر ) وراوها باعلى الشجرة فدعوها للنزول فنزلت بعد ان اخذت عليهم عهدا بان لايمسوها بسوء وعادوا لاهلهم بها ولما وصلوا وراها ابن اميرهم اعجب بها وتزوجها ثم انجبت منه ولدا اسماه ( سباع ) وذات ليله ثلبتها احدى نساء الحي حيث اتهمتها بانها مغموره النسب فتالمت من ذلك كثيرا وهاضت قريحتها بهذه الابيات تقول :

تهيضت ( يا سباع ) لدار ذكرتها=ولا عاد منها الا مواري حيودها
سباع امك تبكي بعين حفيه=دموعها تخفي مذاري خدودها
لكن وقود النار باقصى ضميري=هاض العزام وبيح الله سدودها
لكن حجر العين فيها مليله=ولكن ينهش موقها من بردها
دمعي يشادي قربه شوشليه=يعيد معشاها زعوج قعودها
زعبية ياعم ماني هميه=ولاني من اللي هافيات جدودها
انا من زعب وزعب اذا واجهوا=على الخيل عجلات سريع ردودها
طريحهم لاطاح شوفي شوفي ترايعوا=تقول فهود مخطيات صيودها
اهل سرية لا اقفت لكنها مهجره=وان اقبلت كن الجوازي ورودها
لحقو على مثل القطا يوم ورد=متغانم عين قراح يرودها
ان صاح صايح بالسبيب فزعوا له=وعزي لغمر ثبرت به بلودها
خيل تغذى للبلا والمعارك=تهرب صناديد العد في طرودها
لا تلقحون الخيل يازعب يا هلي=ترى لقاح الخيل يروي جهودها
اذا جن سماح الخد ما يلحقن لكم=وان جن من السند الزوم يكودها
جينا الشريف بديرته والتقانا=كل القبايل جامعين جنودها
طلب علينا الخور هجمة مقيرنا=مصمل يبغي حنازيب سودها
ياما عطينا من دونها سبيه=تسعين صفرا حسبها وبعدودها
تمامهن ( شعيطان ) خياله مهوس=اصايل صنع النصارى قيودها
يقطع قبيلة ضفها ما يذري=تشبه جمال عضها في بدودها
قصيرنا من راس عيطا طويله=يحجي ذراها من عواصيف نودها
عدوا عليها لا بتي واحتموها=بمصقلات مرهفات حدودها
حربنا وتو البنت نشوبها امها=لين استتمت واستوى زين عودها
على الحنايا نقضن الجدايل=سحر الذوايب كسيات نهودها
وجيههن كمزنه عقربيه=هلت مطرها يوم حنت رعودها
تسعين ليلة والقراين معلقة=حم الذرا معقلات عضودها
شقح البكار الى زهن الجنايب=قامت تضالع من مثاني عضودها
وخيل تناص خبل وتضرب بالقنا=مثل التهامي يوم احلى جرودها
بنات عمي كلهن شقن الخبا=بيض الترايب ضافيات جعودها
كل نهار الهوش تنخا رجالها=ستر العذارا بالملاقا اسودها
لباسه بالدرع والطاس بالقا=على سروج الخيل عجل ورودها
من صنع داود عليهم مشالح=تجيبه رجال من غنايم فهودها
يما طعنوا في حربه عولقيه=شلف تلضا يشرب الدم عودها
اللي ايتموا في يوم تسعين مهره=ما منهن اللي ما تلاوى عمودها
تسعين مع تسعين والفين فارس=تحت صليب الحذ تطوي لحودها
تسعين بني عمي وابوي واخوتي=وتسعين عنان واللواحي شهودها
قبيلة كم اذهبت من قبيلة=اذا عدت الجودات ينعد جودها
زعب اهل المدح والمد والثنا=من الربع الخالي الى الحجاز حدودها
ان اجنبوا للصيد منهم تحوز=الريد والوضيحي والجوازي عنودها
وان اشملوا تهج منهم قبايل=دار يجونها ضدهم ما يرودها
اذا انتووا في ديرة ياصلونها=تقافت الاظعان عجل شدودها
وركابهم يم العدا متعبينها=بيض المحاقب مقترات لهودها
ياما خذوا ضدهم من غنيمه=من ذاق منهم مربه ما يعودها
نمر تشادى للجراد التهامي=ما طاعوا الحكام من عظم كودها
اشوف بالحسرة ظعون تقللت=ابوي حماي السرايا يقودها
شفي معه صفرا تباريه عندل=مر يا ريها ومر يقودها
انا فتات الحي بنت ابن غافل=كم فتاة ظل فيها قعودها
شر شوح ذود ضارب له خريمه=ما ودك يشر .... حسودها
حولت من نضوى وذبيت سرحه=حطيت لي عش بعالي فنودها
جاني ركيب ونو خوافي ذراها=شافني عقيد القوم زيزوم قودها
قال حولي يا بنت وانتي بوجهي=ولا جيته الا واثقه من عهودها
امر كتبه الله وصار تكون=سبب علي من العادي قرودها
بحرب شديد ما تمناه عاقل=يعده اللي صا غرفي مهودها
ذكرت يوم فايت قد مضى لي=يوم علينا من الليالي سعودها
ضوزمت للحال من عقب سريه=ضوزمت عيدان الارطي وقودها
لكن قرون الصيد من خلف بيتنا=هشيم الفضا يدني لحامي وقدورها
تسعين عدد صيدنا في عشية=وضيحية نجعل ذلانا جلودها
قنا صنا يسرح شريق وينثي=يجي بالجوازي داميات خدودها
ورواينا يروي بيومه وينثني=يجي بالعريا ضا يمتهاد يودها
يجي لنا بين ( حبر ) و(الغرابه )منزل=نهد في زين العرايا قمودها
حنا نزلنا ( الحزم ) تسعين ليله=وغل الا عادي لا جي في كبودها
قليبنا غزيره الجم عيلهم=ما ينشدون صدورها من ورودها
طولها ثمان مع ثمان مع اربع=قبلي ( واسط ) في ملاوي نفودها
وهي قليب ( بحد الحذا ) من الضا=ما دارها الزراع يبذر امدودها
الفين بيت نازلين جباها=والفين بيت بالمضامي ترودها
تخالفوا في يوم تسعين لحيه=على شان وقفت الاجنبي في نفوذها
دار لنا ما هي دار لغيرنا=تحدها الرمله لموارد عدودها

عزيزي القارئ
الشاعرة تشير الى عد أي بئر ماء قريبه من واسط . وواسط هذا جبل يقع في المنطقة الجنوبية ومعروف لدى البادية في منطقة الجنوب من المملكة الا انه مع مرور الزمن اندثر هذا العد العظيم ودفنته الرمال وهذا العد معروف لدى قبائل الجنوب وخاصة قحطان ويام والدواسر ولكني اعتقد ان ما هناك احد يعرف فوهة البئر ( العد ) المشار اليها بالضبط

منقول من ( كتاب شعراء من الجنوب ) تاليف محمد ذيب المهان الطبعة الاولى 1410 هـ
ولكم تحياتي

 

 

 

 

[معلومات العضو ابومبارك الدوسري]

خوي النشاما

يعطيك العافيه علي هالقصه والقصيدة الطيبه

ولاهنت يالذيب

خالص أحترامي لكـ

أخوك

خلف الدوسري

 

 

 

 

[معلومات العضو صالح الجعيدي]

لا هنت يا خوي النشاما على ايراد القصة وقصيدتها المشهورة

ننتظر جديدك يالغالي دائماً ،، مع خالص التحية والاحترام ،،،