"قصيدة نادرة للملك فهد رحمه الله"

[معلومات العضو ريميه]

عندما كان الملك فهد مريضا في لندن في شهر شوال من عام 1385هجري بعث هذهـ القصيدة الى

المرحوم الامير فهد بن سعد يشكو فيها

قساوة المرض حيث قال :

يا بو سعد صارت على أخوك غارات=شهرين اقاسي من شديد الغرابيل

سو المرض يحمل على اخوك حملات=مافي يدي حيله ولا في يدي حيل

والله فزع من فوق سبع السماوات=وأنا أحمد الله يوم صارت تساهيل

ماينفع الخايف والايام عجلات=الخوف ماينفع ولا القول والقيل

حنا هل العوجا ولابه مراوات=شرب المصايب مثل شرب الفناجيل

لاشك أنا مشغول في كل الاوقات=على الذي حنـــــــــا بظله رجاجيل

ماني على نفسي كثيرالحسافات=لا سلم راسه روسنا رفاع با لحيل

حامي حمانا بالليالي المخيفات=لو صار بالــــــعالم كثير الزلازيل

فخر العروبه بالعدل والمساواه=هذاك هو فيصل ولا فيه تشكيل

يشهد له اللي شاهدوا منه ليات=ويشهد له التاريخ جيل بعد جيل


فاجابه الامير\فهد بن سعد رحمه الله بهذه القصيدة

يامرحبـا بكتـاب زبـن المـخـلات=اهـلا هلابـه عـد وبـل الهماليـل

حمـدت مـن زال الكـدر بالمسـرات=فكاك مـن صكـت عليـه المحابيـل

فـزع لـك اللـي عالـم بالخفـيـات=مبري جروح ايوب غيـث المراميـل

لعل مايزعج علـى فقـدك اصـوات=ولعلهـا لـك يابـو فيصـل تماهيـل

الله يجيرك مـن صواديـف الافـات=عسـاك تسلـم ياعشيـر المشاكـيـل

ماانت برخيـص ياربيـع القرابـات=لو هي بالايدي كان دونـك حلاحيـل

ترا لنا بـك يافتـى الجـود هقـوات=في وقتنا الحاضـر وباللـي مقابيـل

يفـداك ربـع قصـروا بالمهـمـات=اللي علـى القـالات ماتنطـح الشيـل

بعض العرب حي ومن عرض الاموات=مايرتجـي نفعـه بحـل المشاكـيـل

وفيصـل ذرانـا بالسنيـن المخيفـات=هو درعنا الضافي الى ضدنـا الميـل

اللـي نقـل عنـا حمـول ثقـيـلات=راس الحصيـل ان كملـن المحاصيل

رحمهما الله واسكنهما فسيح جناته وجميع موتى المسلمين
.

 

 

 

 

[معلومات العضو ابومبارك الدوسري]

الله يرحمه ويسكن روحه الجنه

الأخت الغاليه // حوراء

كلما آفتقدناااااك ِ وجدناااااك ِ

تملأينـنا إبدااااعـاً

فـ سمــاءكِ تمطر .. وحـروفك تزهر

سلمتِ آناملك على هذا الإنتقـاء الممـيز

والحضور الراااقي

دمـتـ ِ بـِ هذا التمـيز والرقي

تحيتي لكِ

 

 

 

 

[معلومات العضو العماني]

الله يرحمهم ان شاء الله ويسكنهم فسيح جناته

ولاهنتي يالحوراء على ايراد هذه القصائد الجميلة والنادرة

تقبلي تحياتي،،

 

 

 

 

[معلومات العضو بن مشخص المسعري]

الله يرحمه ويغفرله ويسكنه فسيح جناته

 

 

 

 

[معلومات العضو سعد المقابله]

الله يرحمهم جميعا ويجزيهم كل خير

على مابذلوه للبلدهم الغالي

لك تقديري