رثاء في المبدع فهد بن ماجد رحمه الله

[معلومات العضو محمد فراج الدوسري]

السلام عليكم ورحمة الله
كل من يعرف محمد فراج وقريب منه يعرف حجم مصيبته0 الحمدالله الذي جعلنا مسلمين نرضا بالقدر خيره وشره في الجمعه الماضي فقدت في يوم واحد في وقت واحد أبو فهد والفهد الأول اميرنا ،وحبيب قلوبنا واغلى انسان رفيق دربي صديق عمري روحي كل شي في هذه الدنيا يذكرني به 0،
والثاني رفيق القاف، حبيب القلب ،صديق من اعز الاصدقاء، كم امسيه كنت أنا وهو ،كم مجلس ضمنا بيننا تواصل وصله واسالوا ضلعنا الثالث الشاعر عبد الله بن راجس الخضاري الله يطول عمره على طاعه0
الحمد لله على كل حال 0
انتم تعلمون اني لا اجيّر مقدمات لقصائدي ويعلم الله أني مارثيت بوي الله يرحمه واموات المسلمين وهو اغلى شي في الدنيا ولا احد لاني لااجيد الرثاءولانها ماهيب لحية شعر فالمصاب اكبر بكثير وعزاي انهم انشاء الله من اهل الخير نحسبهم والله حسيبهم
وتوفيا في يوم الجمعه
وكثرت المصلين عليهم
وثناء القريب والبعيد ودعوات المسلمين
* الله يرحمهم ويبيحهم دنيا واخره
=========================

الحمد الله ديننا دين الاسلام=نرضى القدر خيره ونرضا بشرّه
يا بو حسن عجما تصاريف الأيام=تفرحك مره تزعلك الف مرّه
يا ما سقتنا كاسها مر واسقام=يا ما شكينا ضيمها والمضرّه
وين الفهد وين الصقر وين ضرغام=أوّاه واويلاه في القلب حرّه
فقدت بو فهد الغلى فهد الأقدام=في وقت واحدشق جيبه وطرّه
واللي يهونها بجمعه والاقوام=شُهاد من صلى عليهم بكثرّه
وان جاك مني طيف شاعر واوهام=شطب عليه ولا يهمك وثرّه
ماهيب لحية شعر يا شيخ والهام=لهم دعا مني وصدق ومبّره
أبشّرك والخير قدام قدام= علمٍ يسرك عند ربي يسرّه
هذا الفهد ماهوب من ساير أزلام=أسال عنه ماشأت كرّه وكرّه
واسأل عنه كل السرايا وأعلام=وعسكر قوافل جند والي تمرّه
واسال هله ربعه خواله والاعمام=كلٍ ينعّم به ولا حدٍ تشرّه
الله يغفر كل مابه من آثام= ويالله عسى الفردوس الأعلى مقرّه

 

 

 

 

[معلومات العضو ابو زابن المسعري]

الله يغفـر كـل مابـه مـن آثـام=ويالله عسى الفردوس الأعلى مقرّه

آمين آمين

واسأل عنه كل السرايـا وأعـلام=وعسكر قوافل جنـد والـي تمـرّه
واسال هله ربعه خواله والاعمـام=كـلٍ ينعّـم بـه ولا حـدٍ تشـرّه

عزالله صدقت والله والفين نعم

والله حتى اللي مايعرفونه الابذكره

الله يرحمه ويغفر ذنوبه

هذا والله اللي بيفقد عند أهله وزملاءه وجميع اللي يعرفه

الله يجعل قبره روضه من رياض الجنه

 

 

 

 

[معلومات العضو مسفر المصارير]

الشاعر الجزل : محمد بن فراج الدوسري

صح ألسانك واعتلا شانك

والله يصبرك على مصيبتك

والله يرحم أمواتنا وأمواتكم وأموات المسلمين

يا بو حسن عجما تصاريف الأيـام = تفرحك مره تزعلـك الـف مـرّه
يا ما سقتنا كاسها مـر واسقـام = يا ما شكينـا ضيمهـا والمضـرّه

 

 

 

 

[معلومات العضو عبدالله بن عريمة]

الله يرحمه واموات المسلمين

والله يجبر مصاب اهله ومصابنا وربعه ويجبر مصابك وهذا من طيبك وطيبه

 

 

 

 

[معلومات العضو العماني]

الله يرحمه ان شاء الله ويسكنه فسيح جناته

ولاهنت اخوي محمد وجزاك الله خير

 

 

 

 

[معلومات العضو ابو المثنى التركي]

رحمه الله رحمة واسعة وادخله فسيح جناته

ولا فض فوك أخي وبارك الله فيك

 

 

 

 

[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

الله يرحمه ان شاء الله ويسكنه فسيح جناته

ولاهنت اخوي محمد وجزاك الله خير

تحياتي العطره

 

 

 

 

[معلومات العضو ابن محمد الودعاني]

ابو فراج

قبل ماقول صح الله السانك اقول احسن الله عزانا وعزاك في فقيد الجميع والله يرحمه ويسكنه فسيح جناته انسان يدعاله بالخير من القاصين والدانين وكان ومازال له قبول ومحبة في نفوس الكثير

وانا لله وانا اليه لراجعون

 

 

 

 

[معلومات العضو عبدالكريم البليهي]

احسن الله عزاك وعزا القبيله كلها صح السانك ملاين والله يصبركم ويصبر اهلهه جميعا ويخلف عليهم وأن تكون الجنة مثواناو مثواهم والسلام

 

 

 

 

[معلومات العضو رماد]

الله يرحمه ان شاء الله ويسكنه فسيح جناته

ولاهنت اخوي محمد وجزاك الله خير