02-12-2006, 09:14 PM
|
#1 | ||||||||
|
8 في 1
السلام عليكم ورحمة الله وبركاته :
أعضاء ورواد هذا الصرح : نظراً لغيابي المتكرر وغير المبرّر مهما كانت الأعذار أجد نفسي مجبراً على المشاركة بمجموعة من القصائد دفعةً واحدة لها تغفر بعض التقصير : (1) (( روضة خريم))
دنّوا لنا ال( GXR ) وأملوه بنزيم=جيبٍ على الطرقة قـويّ العزيمـة لونه كما اللولو حديـث التصاميـم=عقدٍ على جيد الهنـوف الوسيمـة محطّمٍ صنـع (الولايـات) تحطيـم=جانا من (اليابان) من (هيروشيمه) راعيه مايطـرب لعـزف وتقاسيـم=هواه : نبرات(الشريـم) الرخيمـة مسراحنا عقـب الفجـر بالتقاويـم=للبر ياجعلـه مـن الوسـم ديمـة شوف الخلا طب القلـوب المكاليـم=لاهاضت جروح الخفـوق الأليمـة كبّ السياسـة وإنتكـاس المفاهيـم=الشعـب طيّـب والقيـادة حكيمـة ياماحلا المجلاس في روضة خريـم=مع الرجال أهـل الوفـا والحشيمـة "هذا ولـد عـمً " يعـز الشغاميـم="وهذا رفيقٍ " يفتخـر بـه نديمـه الخد خضـرا والسمـا كلهـا غيـم=والغربي البـارد يذعـذع نسيمـه وياماحلا في الروض شوف المجاهيم=يطرب لها القلب الشقي من صميمه كنْها الجبال السود تمشـي مقاديـم=وألا كما ليـل الدجـا فـي عتيمـه والضوّ مشعومـه بسمـرً تكاويـم=يجذب سناها العالـم اللـي إمقيمـة من فوقها الرسلان صفـرً مواليـم=فنجالها يشفـي الكبـود الضريمـة ومن حولها مزح وقصيد وتباسيـم=مافيـه لاغيبـة ولابــه نميـمـة هذا ربيـع البـال لاناشـه الضيـم=من جاير أحداث الزمـان الوخيمـة وأخير منهـا لأظلـم الليـل تظليـم=ركعـاتٍ لمحيـي العظـام الرميمـة المرجلة ماهيـب سكـب المرازيـم=وسحب البشوت بكل حفل وعزيمـة المرجلـة ديـن وشجاعـة وتعليـم=والجانـب الليّـن ويمنـىً كريمـة من حازهن حاز إحتـرام المغانيـم=وألا الردي ماله مع النـاس قيمـة وإختامها بأزكـى صـلاةٍ وتسليـم=على رسولٍ راضعٍ مـن (حليمـة) (2) (( الشيب)) ـ نشرت في الجزيرة قبل أشهر , (بل جيتس) المذكور في القصيدة هو أغنى رجل في العالم كما تعلمون.
قالوا مشيّب ماوصلـت الثلاثيـن=الشيب في راسك تزايـد بـروزه وأقول شيبي من قبل عام عشرين=أخفيه مير اليوم بانـت إحـزوزه صارعتنا الدنيا وذقـت الأمريـن=والوقت جرعني المـرارة بكـوزه فوق المتون جبال همً من اسنيـن=ولايمكن اتشوف المتون إمهزوزه وإن كان تستغرب صمودي لذلحين=هذا فضـل ربـي وكـلً يـروزه لاجيت بأستسلم وشفت الشموتيـن=كلً يحـد السيـف وإيمـد بـوزه وقّفت وقفات الشيـوخ السلاطيـن=لوضامري فيه الرمـاح إمغـروزه لوراس مالي في العمر كيسة طحين=تقول (بل جيتس) عطاني إكنـوزه لاعاش رجّالٍ رضى بقول مسكين=وألا رضى بنظرات عطفً تهـوزه أمشي على رأيي وحسب القوانين=يوم الردي يمشي برغبة عجـوزه ماهمنـي ياكـون رب الثقلـيـن=إرضاه عندي غايتـي والمعـوزه ويهمني لأرضيت ربـعً عزيزيـن=لهم مكانة في الضميـر إمحجـوزه وأهل الوفا والطيب عندي حشيمين=لوكانوا (بمصر وشمال العجـوزة) وإن كان ماتبنى العلاقة على الدين=يطيح مبناهـا وتسقـط إرمـوزه (3) (( خاطرة))
يالله يافارجً لأيوب فـي الضيـق=يامنقـذً نـوح وأقوامـه غريقـه يامدبر الكون في حكمـة وتدقيـق=يامحصي الثانيـة قبـل الدقيقـه يارب أنا ذنوبي أمست كنها طويق=أكنّها ... وأنـت تعلـم بالحقيقـه عنّي على النفس لجل آتوب وآفيق=من غفلةً خلّت إعظامـي رقيقـه في الدين مانستمع ملحد وزنديـق=لكن هوى النفس رحنا مع طريقه ياربّ من لي ليا من وقّف الريـق=في سكرة الموت والنزع وشهيقه مالي سواك أنت ياربّ المخاليـق=ترحم ضعيفً نشف حلقه وريقـه لك تسجد جباهنا خشيـة وتدنيـق=من خوف يومً تضيع إبه الخليقـه يشيب فيه الرضيع وصدره ايضيق=والناس تسكر من أهوالًٍ وضيقـه كلً تخلّى عـن أقـرابً ملاصيـق=حتى صديق العمر ينسى صديقـه ويمدّ فيه الصراط أبـو المزاليـق=خاب وخسر صاحب الدرب الزليقه أحدن سعيدً لبـارد جنتـه سيـق=وأحدن شقيً وفي النار السحيقـه ياربّ عطفك ولطفـك والتوافيـق=عذنا من النار وأسباب الحريقـه ماتقدر عظامنـا لفحـة وتحريـق=ونفوسنا لشوفـة الجنـة شفيقـه (4) (( خاطرة2))
العمر يمضي والأيام يطويهـا الرحيـل=والليالـي لامضـت ماتعـوّد راجعـه والبنادم لو هقى العمر قدامـه طويـل=كلها سبعيـن عـام وتحـلّ الفاجعـه ومن يجاوز ذلك الحد لو أنـه قليـل:=الظهر محـدودب وصحتـه متراجعـه لكن المحظوظ من سارع لطيب الحصيل=وراجع إحسابه قبل لا (العظيم) يراجعه أنفق وصلى ولاطاوع ابليـس الذليـل=وإنتحب في الليل يوم الخلايق هاجعـه قلتها وأنا ذنوبي من الـوزن الثقيـل=بس أطورق بالشعر والحمايم ساجعـه يالله إني طالب ارضاك وبوجهك دخيل=ترحم اللي من زمانه شكـى مواجعـه ماطلبت ألا أنت يامالك الملـك الجليـل=والبنـادم مايراجـع سـوى مراجعـه (5) (( ياهل الترقيم)) ــ موقف تكرر أمام ناظري مرات عديدة :
الضمايـر همهـا قـام يـزدادي=يالله إنــا طالبيـنـك تزينـهـا كلما غطّيت فـي جـوي الهـادي=شغّلـت صكـات بقعـا مكاينهـا ياكحيل العيـن لاتقـرب افـوادي=صـد عنـي طالبـك لاتطينـهـا والله أني من هوى البيض شدادي=والمحبـة خـارجً مـن مداينهـا ياهل الترقيم في السوق والنـادي=كل من مـرّت غديتـوا رهاينهـا والهنوف الفاتنـة رقمهـا بـادي=تكتبـه بـأوراق وألا بفاينـهـا والنهاية فـي متاهـات وأنكـادي=تذرف ادموع الندم عقب خاينهـا لو تشاهدكم محطـات الأرصـادي=خفتوا اللقطـات لا أحـدً يعاينهـا وماخشيتوا من غضب ربنا الهادي=يوم يبصركـم ويبصـر كواينهـا أدري إنكم من صناديـد الأولادي=لكن الشيطـان ينصـب كماينهـا مير يمديكم على التوبـة ومـادي=ربكـم غفـار والنـاس عاينهـا أمة الإسـلام تحتـاج الإمـدادي=تنتظر الأبطـال تنهـي غباينهـا وأنتم الثروة لدعـوة ولإجهـادي=والعقيـدة يرتفـع راس صاينهـا (6) (( يانجم)) إهداء لبعض المتطفلين على الشعر الذين يرون أنفسهم نجوماً في الشعر والمرجلة وكل شيء :
يانجم ياللي حولك نجـوم وأقمـار=مابان نورك فـي سديـم المجـرة ارفق على نفسـك وخـل التكبـار=يالابـسً ثـوب الغـرور وتجـره أصلك تراب وترجع تـراب وغبـار=وفي ساعة المحشر تحـوّل لـذرة لاتحسب إنك فاتح القـدس بالنـار=القـدس محتل..و..سرائيـل حـرة الأمة إتعاني من جسيمات الأضرار=وبعض العرب فعله يزيد المضـرة اسلم وسلم لي على سوبر استـار=وستـار أكاديمـي لـزومً تـمـرّه أبطالهم غطوا على أبطال الأحجـار=يكرّمـون وعايشـيـن بمـسـرّة ومحمد الـدرة غـدا شبـه تذكـار=أصبـح مـع الـدرة ثمانيـن درة هذا زمان الذيـخ والبـوم والفـار=والحـر خلْـه ايـمـوت ..لله دره والقدس ..يصبر..لين..تاتيه الأدوار=خمسيـن عـامً ثانية...ماتضـرّه (7) (( علاج الهموم الداخلية ))
ليلة البـارح سـرى همـي عليـه=عزتي للراس من كثـر الطـواري الرياض أمسـت شوارعهـا مليّـة=وأكره الزحمات وأصوات البـواري ونشرة الأخبار في صبح وعشيـة:=قصف عشوائي وتفجيـر إنتحـاري انصدع راسـي وصابتنـي الأذيـة=من متابعة الحدث ليلـي ونهـاري وأعرف إعـلاج الهمـوم الداخليـة=دون ما أذهب للطبيب الإستشـاري العـلاج بذكـر خــلاق البـريـة=مع صلاة الليل فـي ليـل الغـداري والقرايـه للـحـروف الأبجـديـة=في كتـاب الله ومسلـم والبخـاري ثم سجّات النفـس فـأرضً خليـة=في خباري نجـد ياحـيّ الخبـاري فيضـةً بيـن الجبـال العارضيـة=توّهـا ممطـورةً والسيـل جـاري بكّر الوسمـي عليهـا فـي مجيّـه=لين رويت من هماليـل العصـاري ماوطاهـا قبلنـا خـفّ المطـيـة=ولاوطاها الكاشت بجيب السفـاري ريحة إزهور الخزامـى النرجسيـة=والنفـل والشيـح لاهبـت ذواري أحدث أنـواع العطـور الباريسيـة=وارد (القزاز) في (مركز صحاري) وعشبهـا سـجّـاد زلً فارسـيـة=عند (أبومتعب) ومجلسه الـوزاري ذي دواء روحي عسى روحي رضيّة=لاتوفّاهـا الولـي بآخـر مسـاري يوم أشـرّف فـي نوايفهـا العليّـة=كنّ عندي خزنـة البنـك التجـاري (8) (( إختلاف الماركات)) لها مناسبتها وتعبر عن نفسها :
ألا يا زمنا ماعبدنا ( هبـل والـلات)=ولانشـرك بربـي ولافـاز مشركتـه ولانعبد اوجيه البشر في رجا المـدات=على الرغم من راسً لياليه عاركتـه نعز النفوس ونرفض مصافح الهانات=ولو الدهر قدامنـا ينصـب اشركتـه وللي دعانا واجـب نلبّـي الدعـوات=ومن لادعانا خطـوة الرجـل تاركتـه رفيقً بوجهي يظهر البشر والضحكات=وهو من وراي يشن هجمات معركتـه أجمّد علاقاتي معه وأقطـع الموجـات=وفي باقي المشوار ماأقبـل مشاركتـه ماأحب التظاهر بالصداقة وهدر أوقات=مع اللي نهار الضيق مابانت ابركتـه ياكثر اصدقانا اللي على خيرنا تقتـات=مادام البحر هادي ولاشانـت احركتـه ولولا ظروف الوقت ومواجهة الأزمات=ماكان اتضح زيف المنافـق وفبركتـه عطوني رفيقً في القسا صامل الوقفات=وأبعطيكم العشرات من عكس (ماركته) وسلامة الجميع والمعذرة على الإطالة
آخر تعديل فراج بن فهد آل تركي يوم 02-12-2006 في
09:23 PM.
|
||||||||
|
|
|
|
02-12-2006, 10:07 PM
|
#2 | ||||
|
مشاركة: 8 في 1
برق الجنوبببببببببببب
|
||||
|
|
|
|
02-12-2006, 10:14 PM
|
#3 | ||||
|
مشاركة: 8 في 1
|
||||
|
|
|
|
02-12-2006, 10:47 PM
|
#4 | ||||||
|
مشاركة: 8 في 1
شاعرنا الكبير ( برق الجنوب ) أبو فهد
صح لسانك ملايين وبيض الله وجهك على هالدر المكنونة حياها الله وحي من جابها الحقيقة لا أستطيع أن أزيد عن قول سلمت وسلمت يمينك ودمت لمتذوقي الشعر وتراها ما تكفينا منك يا طويل العمر وتقبل محبتي ،،،،
|
||||||
|
|
|
|
02-12-2006, 11:19 PM
|
#5 | ||||
|
مشاركة: 8 في 1
شاعرنا العملاق بوفهد
|
||||
|
|
|
|
03-12-2006, 12:04 AM
|
#6 | ||||
|
رد: 8 في 1
ماذا ابقيت لنا يابو فهد
|
||||
|
|
|
|
03-12-2006, 12:07 AM
|
#7 | ||||
|
رد: 8 في 1
قالوا مشيّب ماوصلـت الثلاثيـن
|
||||
|
|
|
|
03-12-2006, 07:40 AM
|
#8 | ||||||||
|
مشاركة: 8 في 1
الشاعر الكبير
|
||||||||
|
|
|
|
03-12-2006, 08:20 AM
|
#9 | ||||
|
رد: 8 في 1
ماشاء الله .. ماشاء الله .
|
||||
|
|
|
|
03-12-2006, 10:18 AM
|
#10 | ||||||||
|
مشاركة: 8 في 1
وأخير منهـا لأظلـم الليـل تظليـم=ركعـاتٍ لمحيـي العظـام الرميمـة المرجلة ماهيـب سكـب المرازيـم=وسحب البشوت بكل حفل وعزيمـة المرجلـة ديـن وشجاعـة وتعليـم=والجانـب الليّـن ويمنـىً كريمـة من حازهن حاز إحتـرام المغانيـم=وألا الردي ماله مع النـاس قيمـة ياسلالالالالالالالالالالالالالالام ياابو فهد حكمة وموعظة بليغة جداً
لاجيت بأستسلم وشفت الشموتيـن=كلً يحـد السيـف وإيمـد بـوزه وقّفت وقفات الشيـوخ السلاطيـن=لوضامري فيه الرمـاح إمغـروزه لوراس مالي في العمر كيسة طحين=تقول (بل جيتس) عطاني إكنـوزه لاعاش رجّالٍ رضى بقول مسكيـن=وألا رضى بنظرات عطفً تهـوزه أمشي على رأيي وحسب القوانين=يوم الردي يمشي برغبة عجـوزه شموخ وعز ماتستغرب منك يالقرم
كلً تخلّى عـن أقـرابً ملاصيـق=حتى صديق العمر ينسى صديقـه ويمدّ فيه الصراط أبـو المزاليـق=خاب وخسر صاحب الدرب الزليقه أحدن سعيدً لبـارد جنتـه سيـق=وأحدن شقيً وفي النار السحيقـه ياربّ عطفك ولطفـك والتوافيـق=عذنا من النار وأسباب الحريقـه الله يلطف بنا ويرحمنا برحمته
العمر يمضي والأيام يطويهـا الرحيـل=والليالـي لامضـت ماتعـوّد راجعـه والبنادم لو هقى العمر قدامـه طويـل=كلها سبعيـن عـام وتحـلّ الفاجعـه ومن يجاوز ذلك الحد لو أنـه قليـل:=الظهر محـدودب وصحتـه متراجعـه لكن المحظوظ من سارع لطيب الحصيل=وراجع إحسابه قبل لا (العظيم) يراجعه أنفق وصلى ولاطاوع ابليـس الذليـل=وإنتحب في الليل يوم الخلايق هاجعـه كلام جميل ورائع وحكمة ينتوصى بها
ياهل الترقيم في السوق والنـادي=كل من مـرّت غديتـوا رهاينهـا والهنوف الفاتنـة رقمهـا بـادي=تكتبـه بـأوراق وألا بفاينـهـا والنهاية فـي متاهـات وأنكـادي=تذرف ادموع الندم عقب خاينهـا لو تشاهدكم محطـات الأرصـادي=خفتوا اللقطـات لا أحـدً يعاينهـا مناظر متكررة أتمنى لها الزوال وعسى الله يهدي شباب الأمة
ارفق على نفسـك وخـل التكبـار=يالابـسً ثـوب الغـرور وتجـره أصلك تراب وترجع تراب وغبـار=وفي ساعة المحشر تحـوّل لـذرة لاتحسب إنك فاتح القـدس بالنـار=القـدس محتل..و..سرائيـل حـرة الأمة إتعاني من جسيمات الأضـرار=وبعض العرب فعله يزيـد المضـرة هذا أغلب تنافس شباب آخر زمان إلأ من هدى الله
وأعرف إعـلاج الهمـوم الداخليـة=دون ما أذهب للطبيب الإستشـاري العـلاج بذكـر خــلاق البـريـة=مع صلاة الليل فـي ليـل الغـداري والقرايـه للـحـروف الأبجـديـة=في كتـاب الله ومسلـم والبخـاري ثم سجّات النفـس فـأرضً خليـة=في خباري نجـد ياحـيّ الخبـاري فيضـةً بيـن الجبـال العارضيـة=توّهـا ممطـورةً والسيـل جـاري أنشهد إنك عرفت العلاج اللي يشفي العليل
ماأحب التظاهر بالصداقة وهدر أوقات=مع اللي نهار الضيق مابانت ابركتـه ياكثر اصدقانا اللي على خيرنا تقتـات=مادام البحر هادي ولاشانـت احركتـه ولولا ظروف الوقت ومواجهة الأزمات=ماكان اتضح زيف المنافـق وفبركتـه عطوني رفيقً في القسا صامل الوقفات=وأبعطيكم العشرات من عكس (ماركته) الهرم الشعري الكبير : برق الجنوب
لله درك ياابو فهد على ماكتبت لنا في هذه الدرر الجميلة الحقيقه ألتمس منك العذر على التعليق وخربشات قلمي الغير منصف فأنت والقصائد أكبر من تعليقاتي وخربشات قلمي ماأقول إلأ الله يديمك ويرعاك وعساك ذخر وصح الله لسانك مدد ماتنحصي بالعدد تقبل ودي وتقديري محب الجميع
|
||||||||
|
|
|
|
03-12-2006, 04:26 PM
|
#11 | ||||
|
مشاركة: 8 في 1
|
||||
|
|
|
|
03-12-2006, 08:38 PM
|
#12 | |||||||||
|
مشاركة: 8 في 1
اقتباس:
أخي الكريم مجروح الزمن : صح بدنك ووجهك مايجيه السواد . كل الشكر والتقدير لوجودك في متصفحي وكل الشكر والتقدير لتعليقك الجميل وكلماتك النيرة . تقبل سلامي وتقديري .
|
|||||||||
|
|
|
|
04-12-2006, 01:00 AM
|
#13 | |||||||||
|
مشاركة: 8 في 1
اقتباس:
الأخ العزيز نمر بن الأشيب : أنت من الرجال الذين يهمني رأيهم وأعتز به كثيراً , ومنك الإشادة أعتبرها شهادة . جزيل الشكر لشخصك وحرفك .
|
|||||||||
|
|
|
|
04-12-2006, 05:57 AM
|
#14 | ||||||||
|
مشاركة: 8 في 1
|
||||||||
|
|
|
|
04-12-2006, 06:44 AM
|
#15 | |||||
|
مشاركة: 8 في 1
|
|||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 06:39 AM
