وقعة بين الدواسر وقحطان وفعل الجهيمي مع بن عبود

[معلومات العضو العقيد]

خيال العبيه .

هلابك يالحبيب . ولنا وقت ماأمتعتنا بمواضيع جديدة .



أخوك .......العقيد........

 

 

 

 

[معلومات العضو ابوعبدالرحمن الودعاني]

أخي الحبيب الغالي

العقيد))

دوم علومك طيبه ومشاركاتك تثلج الصدر ولا عدمناك يا الغالي

وأحسنت على هذه العلوم وهذي ما هي غريبه على الرجبان عيال سالم

هذي عوايدهم وهذي علوم الدواسر

ولنـــــــــــــــــــــــــــــــا الفخـــــــــــــــــــــــــــــــــــــــــــــر

لين نتوسد التراب

ياجعل ربي يرفع قدر الدواسر والمسلمين عامه حتى نملك الأرض

مشرقها ومغربها وما ذلك على الله بعزيز

.

 

 

 

 

[معلومات العضو تركي ال فنيس]

كفوووو والله بصبيان الرجبان مقيدة الجمل


لاهنت يالعقيد وبيض الله وجهك





كلنا رجبان لاحل القشر

 

 

 

 

[معلومات العضو عبدالله الغييثات]

كفو والله
وبيض الله وجيهم
على مااسوو

 

 

 

 

[معلومات العضو ابو زابن المسعري]

العقيد

اقول انك ماقصرت يالذيب وتعداك الملام

وجعل يمناك مايجيها العطب وجعل الرخوم فداك

كفو والله بربعنى الرجبان

لك اجزل واعطر التحايا

من

اخوووووك

ابو زابن

 

 

 

 

[معلومات العضو عبدالله أبن مصلح]

كفوووو بالرجبان ويحرووون بها



لاهنت العقيد وبيض الله وجهك

 

 

 

 

[معلومات العضو محمدرسام الرجباني]

بسم الله الرحمن الرحيم...

بيض الله وجه كاتب الموضوع الشيق والذي يفخر به جمييع الدواسر ..
وبيض الله وجيه الجميع والله لا يهينكم وكلنا اخواان وعيال عم ..
وتقبلو تحياتي وفائق احترامي //

محمد بن رسام بن حسيان الرجباني

 

 

 

 

[معلومات العضو بشير بن نايف]

كفو كفون بكم يا الرجبان ومهيب غريبه عليكم والله لا يهينك يا العقيد

 

 

 

 

[معلومات العضو طالب2008]

المشاركة الأصلية كتبت بواسطة العقيد

غزا ذيب بن عبود شيخ ال مسعود من قحطان إبل فريق من الدواسر . وحصل بينهم

وبين الدواسر معركة عند الإبل وفي ذلك اليوم قتل من الدواسر حمود العجلاني من

الوداعين . كما عقرت فرس فهاد بن عويس من ال وثيله . وأخذ المغيرين الإبل .

فقام بن عبود وهجا الجهيمي الطوال . علما أن الجهيمي لم يكن حاضرا . ولكن بن عبود

أراد الفخر على الجهيمي لما له من شجاعة وصيت ظاهر خصوصا عند قحطان .

فقال بن عبود:

ترى الجهيمي سار في منقود=مارد قطعان البنات
يوم إن طحيسه عند تالي الذود=طار الستر من ذبل عسلات
في معتركهن هملن حمود=خلي عشا للطير والسيات

وبعدها بسنين كان بن عبود ومن معه من قحطان في وادي نساح . ونزل فريق من

الرجبان في مكان بالقرب منهم . وذات ليل أغار بعض فرسان الرجبان على قحطان

وأخذوا إبلا حيافه. فلحق بهم بن عبود ومن معه من قحطان . ولم يلحقوا بهم إلا وهم

بالقرب من الرجبان ومن معهم من الدواسر. فتصدوا لهم الرجبان . وشاف الجهيمي ذيب

بن عبود فلحقه . فهرب بن عبود حتى وصل بالقرب من الخرج فراحت فرس بن عبود .

أما بقية خيل قحطان فوقعت في الأسر .

ومن مشاهيرهم الذين أسروا في ذلك اليوم /

جعفر بن عبود .
ناصر بن مجدل من الخنافر .
الشمال .

وقد قال جعفر بن عبود :

غوجي خذاها عويضة(1) الرجبان=يستاهله حامي البليد
لاوالله إلا ذلوا الجذعان=ولاحموا خيل العبيد

وقد قال فهاد بن جديع ال ثويمر :

مندوب سلم لي على الجريان(2)=حنا نزلنا المربخ اللي هيب
حنا قلعنا سرية اليمنان(3)=ماسلم منها الانقلها ذيب(4)
ماقصروا من دونها الظفران=والبل خذيناها بليا طيب
لعيون سارة..............=راعي جديل سامكه بالطيب

وقد قال الجهيمي قصيدة وهي :

ذيب تنقد عقب شوف العين=ولاثناها كون فرزان
ولاثناها للربع الأدنين=روحه عليه ألزم من العربان
قلع بن مجدل والشمال اثنين=حالة عليهم سربة الرجبان

ــــــــــــــــــــــــــــــــــــــــــــــــــ ــــــــــــ
1/عويضة بن فهاد الطوال .
2/الجريان المساعرة وال بريك .
3/اليمنان يطلق على قحطان ويام .
4/ذيب بن عبود .

بسم الله الرحمن الرحيم
أشكرك اخوي العقيد ولاكن عويضه المقصود في القصيدة هو عويضة بن عبيد الفراوين الطوال مع العلم أن عويضه بن فهاد فارس من فرسان الطوال المعروفين

 

 

 

 

[معلومات العضو ~~مختلف~~]

بسم الله الرحمن الرحيم

اخي المحترم العقيد اخواني اعضاء المنتدى الشامخ

السلام عليكم ورحمة الله وبركاته

عويضة بن فهاد احد فرسان الطوال كما ذكر سابقا

ولكن المقصود بعويضه بالقصيده السابقه

هو

(عويضه بن عبيد الفرواني الرجباني)


وهو والد الفارس المعروف ( ذيب بن عويضه بن عبيد الفرواني الرجباني)
المعروف بـ ذيب الخيل

لذا ارجو تغير الاسم حتى لايحصل هناك لبس او تغيير في الحقايق وحتى يحفظ التاريخ واهل التاريخ شكرا لكم

 

 

 

 

[معلومات العضو أبو حسن]

اخي طالب ومختلف لايوجد في الطوال فارس اسمه عويضه بن عبيد!
الفارس المعروف والمشهور هو عويضة بن فهاد
هذا للتوضيح فقط وتقبلوا تحياتي

 

 

 

 

[معلومات العضو أبو حسن]

اخي طالب ومختلف لايوجد في الطوال ولا نعرف فارس اسمه عويضه بن عبيد!
الفارس المعروف والمشهور هو عويضة بن فهاد
هذا للتوضيح فقط وتقبلوا تحياتي

 

 

 

 

[معلومات العضو ~~مختلف~~]

المشاركة الأصلية كتبت بواسطة أبو حسن

اخي طالب ومختلف لايوجد في الطوال ولا نعرف فارس اسمه عويضه بن عبيد!
الفارس المعروف والمشهور هو عويضة بن فهاد
هذا للتوضيح فقط وتقبلوا تحياتي

ابوحسن حياك الله وبياك هناك فارس من الطوال اسمه عويضه بن عبيد الفرواني وله من الابناء
ذيب (ذيب الخيل)- زبنان - فهاد - عبيد - فيحان وقد توفي صغيرا

وهناك قصة للطوال حينما قامو احد افخاذ القبائل لتسوية حلف مع جماعة الطوال خرج عويضة بن عبيد قائل انا ماني معكم انا بغزي وبكسب ان كسبت فمالكم دخل فيني وان اخذو ابلي او كسبوني فلاتردون لي ابلي

فكان معروف بالكسب وكان معه ابنه ذيب الخيل والسالفه الي مذكوره فوق في عويضه بن عبيد الفرواني
وعويضه بن فهاد من فرسان الطوال ولكن هذي السالف ماهي عليه

اما قضية مافيه احد من الطوال بهذا الاسم فهذاي مشكلتك انت

ابنه فهاد عليه من الذكور(حويزي - ذيب - عويضه) عيال فهاد بن عويضه بن عبيد الفرواني

ابنه زبنان عليه من الذكور ( فيحان ) بن زبنان بن عويضه الفرواني

ابنه عبيد فعليه من الذكور ( زبنان - عبدالله ) عيال عبيد بن عويضه بن عبيد الفرواني

ابنه ذيب فعليه من الاناث فقط

ابنه فيحان مات صغير وليس عليه احد

وهم معروفين بال عويضه من الفراوين كيف تقول مافيه من الطوال احد بهذا الاسم راجع حساباتك بارك الله فيك

 

 

 

 

[معلومات العضو طالب2008]

اشكرك اخوي المختلف على الرد اما مشكلة اخوي ابوحسن لو رجع لمن هم اعلم منه في الأنساب والتاريخ قبل الرد لكان افضل له وللاخوه القراء