جعلهم لك يازعيم العرب نذر وفدى

[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

المشاركة الأصلية كتبت بواسطة عبدالله بن مرضي الجماعين

اهدي لكم هذه القصيدة المتواضعة والتي قلتها بعد تدخل خادم الحرمين في مشكلة وكارثة الشعب مع سوق الاسهم السعودي 000أملي في ان توفق في اعجابكم

طاب لي بدع المثايل وزان المبتدى = وأنجذب طاروقها كنها صوبي تقاد
الله يرشدنا لقول الجزاله والهدى = ويحمانا من طريق(ن) تواليه انتقاد
قلتها من باب فخر(ن) عقب باب ازهدى=ودوشة افكار(ن) تهدد بدمر الاقتصاد
ياقمر شعشع وخل الظلام مبددى=ولطفي يانود شبه الجزيره بالبراد
شايش(ن) راسي ولا للفخر حد ومدى=عادني في نشوة(ن) كل لحظة بزدياد
بعد ما ارسلنا لبو متعب(ن) صدق الندى= وطاش طيشة حاكم لايحد ولايذاد
علموه الظهر ومن الطنا عاف الغدى= قال كيف اهنى بزادي وشعبي في اضدهاد
التغاظي منطلق حاكم(ن) ماله جدى= ولا أنا من يرهب القوم لا حمي الطراد
ما يظام الشعب وتروح ثرواته سدى= دامها مابعد لبست علي ثوب الحداد
يبشر بعز (ن) يشيد على راس الهدى=وما خذوه القوم بأمر الله ثم بأمري يعاد
أنقل أمن الشعب همه وأخليه أيهدى= وينبهج صدره ويلحق مرامه والمراد
عشت يادرع الجزيره رعا ممشى القدى= دايم ممشاك بأمر من الله في سداد
لا أنكوينا من الخسارة وحجم اللي غدى= ثم ذكرناك انبسطنا وكبرنا الوساد
ولادخلنا الشك فيما يقولون العدى = يوم قالوا نكبة الشعب من شيخ الشداد
وقال ابو متعب بصوته بدى ومية بدى= ما تهز طويق هجرة ملايين الجراد
وقفة تقضي على كل أشاعات الردى=وتذهب آمال الحسد والكراهيه رماد
جعلهم لك يازعيم الفخر نذر وفدى=والله يفنيهم ويحكم عليهم بالنفاد
ياملكنا سقم كبد الحريب يلا عدى=وشبرك الوافي على وافي الاشبار زاد
وأبشر بشعب(ن) نهار الوغى ماينحدى= لجل عينك يحرم العين من حلو الرقاد
لين نلقا النصر ولا تقولون أشهدى=ولين تلبس للبطولات تيجان جداد
وعشت ياوجه الوليد الكريم اللي بدى= نور الشاشه بجود(ن) لبو متعب اسناد
والسلام إختام قولي وباب المبتدى= في وقاره يقصر الوصف ويضيع العداد
يوم شاب القاف فأعلنتها في المنتدى= والإدارة في ثواني عطتني الإعتماد
تكعم اللي صوب درب العواجات يحدى= وتنبي الباقين بالصدق والعلم الوكاد
والله يكفبنا تدابير خصم(ن) مجهدى= في سبيل اضعاف الاسلام وافساد العباد

محبكم وأخوكم| عبدالله بن مرضي الودعاني

إستاذ وعملاق الشعر الكبير : عبدالله بن مرضي الودعاني

بودي لو تقبل هذا اللقب يالقرم

الحقيقه أنا لاأستغرب ماكتبته وليس بغريبٍ عليك طالت لياليك على العز والطاعه

فمن رأيت إسمك في هذا المنتدى وأنا أتابع بلهف وبشغف ماتكتبه

لأن كتاباتك بإختصار نادره وعمله فريدة قلما تجدها إلا عند القليل من الشعار

إستاذي أنا أتيت لأروي ظمأء القلوب وصدىء الكبود من هذه الأبداعات الجميله

أبو مرضي لقد تعديت مرحلة صح لسانك وأنت شاعر وغيره من الكلام

ولكن مروري للتسجيل وتجديد الأعجاب ومتابعة كل فريد وجزل

لافض فوك وجعل عمرك طويل على ماقلت تجاه أبو متعب فهو يستاهل الكثير

دمت دام عزك بهذا الشموخ العالي

تقبل ودي وتقديري وشكري وعرفاني

من محبك ومحب الجميع