الإهداء الى الشاعر الكبير معيض ... (( الصدر ضااااق ))

[معلومات العضو صالح الجعيدي]

الصدر ضاق ودكت أهمومه افـواج=وكثرت على قلب المعنـى طواريـه
قامت تلاطم بالحشا مثـل الأمـواج=هواجس يامعيض تخلـف هقاويـه
هواجس حطت لها القلـب مسهـاج=هواجس مـن حلـو نومـه تقزيـه
ياتـل قلبـي تـل ماطـور ميـراج=لاتلهـا الكبتـن واحـاول يعلـيـه
على المدرج صوتهـا هـز الابـراج=منها المطار تزلزلـت بـه مبانيـه
هاجوس يتلـه ورى حـد الافـلاج=قصاد مطلع شمـس قطـر حراويـه
وهاجوس يتلـه جنـوب ولا عـاج=لبـلاد قـوم خذتنـا سجـة فـيـه
ذيك الديار اللي لبسنـا بهـا التـاج=طبنا بهـا والوقـت طابـت لياليـه
صافي سما جوي ولاجاء به إعجاج=أحصد سنابل خير زرعـي وأنقيـه
اسوق رجلي حسب شفي والامـزاج=ومنيـن مايممتهـا الـرزق الآقيـه
رايـي براسـي عايـش حـر دواج=كالطير يحسب كـل أرض أراضيـه
كلش أرهيّ يابـو مسفـر وهـداج=ناخـذ ونعطـي ونتجمـل بباقـيـه
للرجل في دربـه ثمانيـن منهـاج=بس يتسبب فـي لزومـه ويقضيـه
وقت مضى يامعيض ماذكر محتـاج=زكاة بيـت المـال محـدن بيبغيـه
واليوم يافرز الوغى شفت الاحـراج=وقت الشقا يامعيض كثـرة بلاويـه
قمت أتشفق جغمتي لوبهـا إرجـاج=ماعـاد برّقنـا بكـدره وصافـيـه
نزرع وينتج زرعنا مخيس وخمـاج=لاينوكل وأن بعت محـدن بشاريـه
نركض ونتعب مير مانجنـي أنتـاج=يالله دخيلك مالفلـس فـي تواليـه
قامت تضيع ابنـا وسيعـات الازراج=والوقت يامشكـاي بانـت خماليـه
أمشي على الاقدام عبـري وهجـاج=ماشفع لي يالقرم طيبـي وماضيـه
من عقب ماني في الدجى كني إسراج=اليـوم أدور مـن يقـدي واخاويـه
في الكبد مـن حـر الايـام وهـاج=وشلون بأرضا المر من عقب حاليه
الماي حولـي فـي سواقيـه دراج=والكبد عطشا والضـواري حواليـه
متى على الله ليل الاحـزان ينبـاج=وصبح السعد تظهر بـوادر مواريـه
يالله ياوامـر بالاسـراء والإعـراج=فوق البراق وصوب الاقصى موديـه
نبيّه اللي بالسمـاء السابعـه نـاج=سبحانـه الخالـق نبيّـه يناجـيـه
عجلنـا ياوالـي العـرش بأفـراج=فـرج قريـب شامـلات منـاويـه
اقبل دعاه ورحمتـك طـب وعـلاج=ماخاب من في حندس اليـل يدعيـه
وصلاة ربـي عـدّ ماحـج حجـاج=على نبـي نقتـدي فـي مماشيـه

لله لله لله درك أخي الغالي/الشاعر الكبير/ ابن بطحيه الودعاني.
قصيدة جزلة من شاعر جزل. وافية وأنت وافي (مشاء الله تبارك الله).
صح لسانك ملاييييييييييين ولا يكفون على القصيدة المـحـزنة الرائعة.
بيض الله وجهك و لاهنت يالنشمي. وتقبل خالص تحياتي وتقديري.