الناس ترفعها المراجل والاخلاق

**معلومات** **العضو** · 14-03-2006, 03:19 PM

اقتباس:

المشاركة الأصلية كتبت بواسطة عبدالله بن مرضي الجماعين

اخواني واحبابي منسوبي منتدنا الغالي( منتدى قبيلة الدواسر الماجده) احب ان اهدي لكم هذه الابيات المتواضعه عسى ان تنال اعجابكم واستحسانكم فهو عمادها و هدف قائلها عسى من سهل بدعها يحقق لها هدفها 000

بالقاف أسلي خاطري كل ماظاق= خواطر(ن) تنبع من اهجوس ضيقه
مثايل(ن) مع داجي الليل تنساق=أوله لها وله القلوب العشيقه
أسس قواعدها على بيض الأوراق= وابني عليها من البيوت الغميقه
من شأن من يطرح لها السمع يشتاق= ونقادها ما أبغا يجيله طريقه
ماكل من ينطق يقال إنه نطاق = يحكم عليه إيلا تكلم نطيقه
ولاكل رماي(ن) يقال انه تفاق=ولاكل صيد(ن) من قنص له يعيقه
وإن جيت بوصف من التواصيف مالاق= بحث(ن) عن إعجاب الوجيه الطليقه
أخترت مايطرب رفيعين الاذواق=ومن الزلل حصنتها بالحقيقه
حقايق(ن) ماهيب تحتاج ميثاق= تشهد لصحتها العقول الوثيقه
عن ما تشوف أعيوني من التفراق= في سيرة الدنيا وطبع الخليقه
وأبدى وأقول الطيب من فضل خلاق = ومن لاوهبه الله يظيع طريقه
والناس ترفعها المراجل والاخلاق= يوم الردي كسبه عداوة رفيقه
رجل(ن) يجي لقرابه اظلال ورواق=تجذبه للطيب الاصول العريقه
ورجل(ن) يلامن طاب طيبه تلصماق=مثل السراب يزول عجل بريقه
ورجل(ن) مجاله بالثنا يشرق إشراق=ورجل (ن)كما جمة قليب(ن) عميقه
ورجل(ن) نظر عينه رفيع للآفاق= ورجل(ن) عيونه في الأمور الدقيقه
ورجل(ن) براسه من الصواديف دناق= يروغ منها لو تجي في شقيقه
ورجل(ن) يلا نشفت من الحمل الارياق=يشيل حمل اللي عجز لا يطيقه
والبلشة اللي ما تلهمد بلزاق= اللي لخو مره رحول ووسيقه
اللي لربعه حرقة اكبود وإرهاق=خلقة وبا ماينعرف له طريقه
اللي على طرد المقفين شفاق=ومن كثر هرجه بالقفا نشف ريقه
وإذا درى ان الوضع قرب التوهاق=جوده ومجهوده يجي في طقيقه
مايدري إن له في المطاليق معلاق= يحشم جنابه لجل حشمة فريقه
حلو اللسان اللي مع الوقت بواق= ما أشبهه كون العباة الرقيقه
هذا لك أفضل بيع جمعاه بفراق=من قبل تصبح منه كبدك حريقه

000000000000000وسلامتكم ولكم وافر التقدير0000000

مجبكم| عبدالله بن مرضي الودعاني

الله الله الله عليك عيني عليك بااااردة

الشاعرالكبير عبدالله بن مرضي الجماعين

لله درررك لله درررك على هذه الدرر الراااائعة

ابدعت ثم ابدعت يابو عبدالله قصيدة في قمة الروعة والجزالة

صح الله لسانك مليون ولا يكفوووون

تقبل تحياتي ..

اخوك في الله

محمد الغريري

**معلومات** **العضو** · 14-03-2006, 03:30 PM

ارررررررررررررحب ياشاعرنا عامر النتيفات وهذي القصيده المباركة التي مررت بها وشرفتها واطربت صاحبها 000 لك الشكر على المرور العطر

**معلومات** **العضو** · 14-03-2006, 03:49 PM

اررررررحب ياصالح

حييت ياصالح رفيع المقامي=تحية ماترخص إلا لشرواك
واهديك يالقرم الجعيدي سلامي=واقول ياوافي النسب لاعدمناك
حيث انك في الهقوات عالي وسامي=ولاتنقصر من عروة الطيب يمناك
عساه يفداك الضعيف الخمامي=اللي حياته ذم هذا وهاذاك

**معلومات** **العضو** · 14-03-2006, 04:00 PM

ارررررررررررحب يامحمد

مرحباً بك يالغريري عدد وبل الخيال= يامحمد كاسب الطيبه رمز الوقار
وأشكرك على مرورك بكلمات الجزال= واخذ مني ردها يابن عمي بإختصار
إنبساطك هو هدفنا ويحسب راس مال=ويكسي ابيوت القصيده جمال وافتخار
أمدحك من شوف عيني ومن قول الرجال=ويكفي أمن المدح وضعك كتاب الله شعار
جعل فال العز لك ياطليق الوجه فال=ومثلك وشرواك جعله من اطوال العمار

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لقـــاء منتدى قبيلة الدواسر الرسمي مع الدكتور الشيخ : خالد شجاع العتيبي	بوراجس المشاوية	:: قسم اللقــاءات والفعاليات والتغطيات الخاصة::	13	15-01-2013 01:46 PM
كن كالقمر يرفع الناس رؤسهم كي يروه	عبدالله الحافر الغييثي	:: قسم المـواضيع الـعامــة ::	7	02-02-2011 01:37 AM
مشكله اتعبتنا _ اسمها ( كلام الناس )	مبارك بن شافي النتيفات	:: قسم المـواضيع الـعامــة ::	22	15-12-2010 01:22 PM
كن كالقمر يرفع الناس رؤوسهم لكي يروه	محمد بن فهد الرجباني	:: قسم المـواضيع الـعامــة ::	16	08-12-2010 07:40 PM
اختلاف الناس	domokh	:: قسم المـواضيع الـعامــة ::	5	02-09-2010 12:45 PM

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية