يا ماحلا شيخة ابن ادم على روحه

[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

المشاركة الأصلية كتبت بواسطة محمد بن حشفل الخضراني

اخواني الموقرين اعظاء هذا المنتدى المبارك يسعدني التواصل معكم مجدداً بكل ما اتمنى ان يليق باسماعكم ويحضى باعجابكم

يا ماحلا شيخة ابن ادم على روحه= يمشي عزيزٍ ورزقه عند خلاقه
ما يمشي الا على شفه ومصلوحه= والله كريمٍ لخلقه كثر ارزاقه
ابواب رزقه لكل الناس مفتوحه= ما ينحرم كود منهو قلت اوفاقه
من كان نفسه برزق الناس مشفوحه= ترخص حياته بطعم الهون لا ذاقه
يا نفس عفي ترى منتيب مسموحه= عفي من اللي يهينك واحمي الساقه
عندي ترى زلتك ماهيب مدموحه= لو يعترض لك بعض الاشياء على فاقه
ان ما صلح لك مكانٍ الارض مفسوحه= وان ما صلح لك رفيقٍ طبك فراقه
واليا تبعتي دروب العز مبيوحه= باجزاك باللي على لاماه مشتاقه
رفقة هل الخير واللي غيره سموحه= حلفت ماجني عليك برفقة العاقه
يا نفس هذا هدف قلبي وذا نوحه= هو شفي اللي عشقته لا جلك عشاقه

وسلامتكم جميعاً

	الشاعر الكبير : "محمد بن حشفل الخضراني " صح الله لسانك ملايييييييييييييييييييين ولايكفون على القصيدة الرائعه والأبيات الجزله والمعاني الساميه التي عطرت بها جنبات المنتدى وإن كنت لاأستغرب منك هذه الجزاله الشعريه فأنت أهلاً لها وهي أهلاً لك أبو محسن العبارات تقل أمامك أيها الرائع فأنت لست بحاجة للمديح فلقد تعديت مرحلة صح لسانك بكثير ولكن مروري لأجل تسجيل الحضور فقط والأستمتاع بما تكتبه يالقرم ونستمتع به فهنا الشعر الراقي والسامي والمعنى الحقيقي وفي النهايه تقبل تحياتي العطره لمقامك العالي محبك ومحب الجميع : أبو محمد