البارحه ونيت لي كم ونه*

[معلومات العضو فهد الغريري]

البارحه ونيت لي كم ونه = ونات يتبعها زفير او تنهات
قلبي كفخ لولاالضلوع اردعنه=يكفخ اوتردعه الضلوع المحنات
اقنب كماذيب(ن)على راس قنه=بات القوا وهو اعياله مجيعات
يبي العشاوسحم الضواري حدنه=واصبح يجر الصوت في وسط مضمات
او ونه الي بالحوافر وطنه =صلبات الحذا بالمحاريف عجلات
خيل(ن)ذعرها من اشهب الملح رنه=وتراهمن اوصار صوله وجولات
وهو طريح القاع يشوفهنه =وده بركب اظهورهن مير هيهات
امهار ربعه عود(ن)ماسعفنه =ينخى ويصيح اويتبع الصوت ويلات
ذاقول من يمشي ويضحك ابسنه =وعروق قلبه بالمخاطر مكوات
ويصبر ولون الجروح اعطبنه =ويرسى كما ترسى الجبال الثقيلات
قم ياخفيف النفس من غير منه=قرب قلمك وهات ليه سجلات
اكتب ابيوت(ن)بالحشا مستكنه=ماتظهر الاوقت حاجه وضيقات
مانيب ثرثار(ن)كلامه يشنه=يشن هرج(ن)بالمجالس وحملات
قضب القفى وشذب العراقيب فنه =والابدرب الطيب ماحاش طولات
يالله عسى سمر الغدف يفقدنه =ويعل ماله عند ربه شفاعات

الاخت الفاضل : شوق

صح الله السانك وعتلا شانك على نقل هذى القصيده الجزله

واسأل الله رب العرش العظيم ان يرحم والدك الشاعر

وان يسكنه جناته قصيده جزله بما تعنيه الكلمه اختي الفاضل

وكم تمنيت انكي ذكرت اسم الشاعر بدون ذكر انك ابنته ولكن

"سبق السيف العدل" والخير فيما اختارها الله

وعلى هذى ارجو عدم فصح اسم الشاعر لكي لا تتبين بعض الامور

والله لا يهنك على جزل القصيد

وتقبلي تقديري واحترامي

اخوك/ فهد الغريري,,