.. ][ ابن وسام ((ميت)) قبل ليل ][..

[معلومات العضو مخاوي سهاد]

المشاركة الأصلية كتبت بواسطة مسفر الهاجري

السلام عليكم ورحمة الله وبركاته

هذه قصيده ردً على ادعاءات الذي قالو سلطان الهاجري ((توفى)) وهذا خبر كاذب قام بنشره اصحاب العقول الدنيئه

سبحان رب(ن) مرسل طيور ابابيل=ترمي على قوم ابرهه بالحجاره
يالله ياربي عليك التساهيل=ياللي خلقت الكون وتعرف مداره
سمعت لي علم(ن) يهز الرياجيل=علم(ن) يسبب في خفوقي حراره
علم(ن) يسوقونه جميع المهابيل=اللي يثيرون الفتن بالشراره
قالو ابن وسام ميت قبل ليل=وهذا خبر موثوق واخر اخباره
قلت آنا ما اتبع هرجه القال والقيل=وهذي اشاعه طايره بالغباره
موتو قهر يا الحاقدين المساطيل=اعلومكم كنها علوم البزاره
سلطان حي(ن) يتبع البرق والسيل=وانشد ولد منصور شيخ الاماره
صوب الديار اللي مطرها هماليل=وفي ديارهم يازين لون الخضاره
تعجبك شبة ضوهم تالي الليل=في روضة(ن) ماهي هشيم وقفاره
تشبع بها الطليان ويشبع بها شعيل=وشعيل ماتلحق توصل فقاره
وفي مجلسه يازين شوف المعاميل=مجلس يشد الراس ريحة بهاره
لاذقت فنجاله تبيلك فناجيل=ومن عقبها ماعاد تبغى الحضاره
سلطان ابن وسام شيخ المشاكيل=اللي مضرا بالوفا والنعاره
ياجعل تفداه الرخوم المعاليل=اللي طبايعهم تجيب المراره
وانا لبن عمي نهار التهاويل=حر(ن) فعوله واضحه فالحباره
من روس قوم(ن) لازعلت ينشف النيل=وبغداد تصبح فيها ضجه واثاره
حنا بني هاجر سيوف(ن) مصاقيل=ولامن ضربنا ماتفيد الجباره
وحنا بني هاجر هل الجيش والخيل=ترفع لنا البيضا في راس الزباره
واقول ابن وسام حي(ن) مع الجيل=يقولها عضيي وهذا قراره
وختامها عد المزون المهاطيل=صلو على المنذر وكيل البشاره

صح لسانك
مسفر الهاجري
اما بخصوص الاشاعات حدث ولاحرج
فهي مرض فتاك يقتل في بعض الحالات
نتعوذ من الاشاعات
تحيتي
مخاوي سهاد