يوسف الحقباني ( يرد على الصليبي )

[معلومات العضو يوسف بن حسن الحقباني]

	ذق اطعمه ويمناي جت به تدَّره

هذي القصيده على عجل مجاراة للشاعر بما أني بديت بها أختم بها

	الحمد لله ثبت الدين باركان = أركان خمسه ثابته مستقره ياراكب(ن) من فوق جيب(ن) ليابان = باعطيك خط(ن) واحفظه لا تقرّه جيب(ن) لنا في الضيق يكفخ بجنحان = موديل سته موحف(ن) فوق برَّه هذاه جوال(ن) إذا جيت سلمان = قل له لفاك الخط ويوسف يدرّه قوله موثق كامل دون نقصان = في مقصده كل البرايا تقرّه حنا ترى حنا على الطيب عنوان = تاريخنا في المجد واضح مقرَّه حنا الدواسر نذبح الحيل و الضان = حق وكرامه للرجال المسرّه حنا الدواسر نسل من قوم عدنان = والدوسري محد(ن) من أجناب ضرَّه نشرب فناجيل العدا سر واعلان = ومن يشبح التاريخ يلقى سـيَرَّه بيلقى علوم(ن) قالها فلان و فلان = علم(ن) موثّق دون علم(ن) يخرّه من لابتي بعياض مجدي بميزان = أرجح موازين العدا كل مرَّه وحنا التغالب لابةً كلها شان = ومحد يضد التغلبي في ديرَّه من قبل " طه " مجدنا شوف الاعيان = يوازي المرزم يوازي المجرَّه ثم لاد زايد مجدهم مجد شجعان = محد(ن) من العدوان يامن بشرّه أن جيتهم في الطيب في الطيب شيخان = زبَّانة الجالي ليا هاب شرَّه حنا الدواسر نشتري العز باثمان = محد(ن) لنا يحتاج ألا نــســرَّه حنا الدواسر نكتب العز تيجان = عدونا خايب كسير(ن) نضرَّه وتبقى علومه واضحه طول الازمان = والكل ينقل خزي عاره يجرَّه حنا الدواسر نشرب الدم شفقان = لاصار بعض الناس للموت فرَّه قالوا مثل واضح على شوف الاعيان = وقالها لنا التاريخ واشبح مقرَّه الدوسري حر(ن) كفخ حر شيهان = أحرار والهيه لها كر فرَّه أبدعتنا في القاف هاوي و طربان = والشعر عندي له مواويل جرَّه تنصى اللذي يرسل مباديع الاوزان = تنصى صليب الصوت لله درَّه من عقبها سلَّم على قوم شملان = وارسل لهم خطَّـي وكرر عبرَّه من عقبها أدلج على القلب دخان = هم(ن) وغم(ن)شب ناره تحرَّه ياناس أنا بالوقت أصبحت حيران = وقت(ن) لنا يخفي نوايا بسرَّه من يوم شفت الحق ماعاد ينبان = وان بينه ناس(ن) تخاف المضرَّه وان قال قولن سبَّه فلان وفلان = ويصير قول الصدق يلقى معرَّه قلته كلام(ن) مجمل(ن) بين الاوزان = واللي يعرف السر يكشف سترَّه ترى الرجال أصناف تنشاف باعيان = حزحيز مع لزليز وكل(ن) يبرَّه والجنس تكرم منه خسران خسران = يحسب علوم الطيب قول(ن)يخرَّه واختر رفيق(ن)يعجبك يا كحيلان = اختر رفيق(ن) هرجه ألماس درّه كتبت لك قاف(ن)ولا نيب بحلان = أن أسطر ماخفى في مقرَّه لكن حلاة الشي مجمل من ألوان = رد(ن) وتوجيه(ن) ونصح(ن) نفرَّه حلبت لك من صافي الفكر ألحان = ذق اطعمه ويمناي جت به تدَّره واختامها صلوا على خير ماكان = نبينا نفداه بمقدار ذرَّه

 

 

 

 

[معلومات العضو العماني]

الشاعر القدير يوسف بن حسن الحقباني

صح الله لسانك واعتلا شانك على هذه الرائعه

وما شاء الله عليك كتبت فابدعت

ويستاهلون الدواسر كل مدح فهم أهله

تقبل تحياتي،،

 

 

 

 

[معلومات العضو أبوفهيد الودعاني]

صح لسانك يابو حسن على هذه الشامخه كشموخ صاحبها

دمت ودام همس قوافيك يرن بمسامعنا

ولاتبطي بجديدك ،،

 

 

 

 

[معلومات العضو يوسف بن حسن الحقباني]

أشكركم على تفاعلكم
واشكركم على شرف توقيعاتكم
نحن منكم و لكم ... ولنا شرف كرمكم

 

 

 

 

[معلومات العضو الحقباني محمد]

السلام عليكم ورحمة الله وبركاته

قافك يا بو حسن من العز مليان =ولو ما اعرفك بقول لله دره

صح الله لسانك يا ابو حسن

 

 

 

 

[معلومات العضو راشد المسعري]

من يوم شفت الحـق ماعـاد ينبـان
وان بينه نـاس(ن) تخـاف المضـرَّه!!!

صح لسانك يابو حسن على هذه القصيدة الرائعة وصح لسان الشاعر إبن شملان الذي هيضك على

هذا الرد الموفق.