قال منهو للمثل ينتقي من كل نوع

[معلومات العضو فهد الغريري]

قال منهو للمثل ينتقي من كل نوع= لا بغاها ما تخير يكون اجزالها
ما ادعينا العرف لكن كلٍ له رموع= والعوارف قبلنا نقتدي باقوالها
جل منهو كون الكون في حسبة سبوع= السموات العلا وارظها وجبالها
وخلق فيها عمر الانسان لايوم الرجوع= يحسب الدنيا بتبقى وهو يبقالها
وعادتة الدنيا تفرق نجوعٍ من نجوع= امةٍ تنزل والاخرى تشد ارحالها
ياجب العاقل حياته يجي فيها قنوع= لا يغره غي نفسه وطرد امالها
ماله الا ما فعل من سجوده والركوع= طاعة المعبود ما خلق كون الالها
كم وكم من غافلٍ صاعته الايام صوع= حطته دنياه في حالتةٍ يرثالها
ودايمٍ بين العرب موتة الطيب تروع= واليالي بالمقادير هذى حالها
ما صفت الايام للي يقودون الجموع= والاغنياء حتى بعد ما نفعها مالها
كل شبعه مقتفيها بطول العمر جوع= وكل ضحكه لازمٍ البكاء يبرالها
ومن يعز الفس ماهوب يرضى بالخظوع= قيمته في كل حالٍ رفع منزالها
ومن يهين النفس يمشي بدرب الذل طوع= طافته لذة حياته وهو ما نالها
قاله اللي للمثل ينتقي من كل نوع= لا بغاها ما تخير يكون جزالها

الشاعر الكبير صاحب اعذب القوافي واجزلها

ابو محسن " محمد بن حشفل الخضراني "

اررررررررررحب ترحيبةٍ من واحدٍ يحبك ويغليك

واسأل الله رب العرش العظيم ان يجمعنى على العز والطاعه

وصح الله السانك وعتلا شانك وزادك الله من زوايد فضله التي لا تنفذ

ابو محسن عسى عمرك طويل على طاعته على هذي الجزله الشامخه

والجزله ديدنك ومسلكك ورفيق دربك جعلك تحيى.

والسموحه على تأخر الرد يابومحسن لكن يعلم الله مافي القلب تجاهك.

وتقبل مني فائق تقديري واحترامي واعتزازي في شخصك الكريم

اخوك / فهد الغريري,,,,

 

 

 

 

[معلومات العضو محمد بن محسن بن حشفل]

من كل قلبي اشكرك جزيل الشكر على ماطريت من الكلام الطيب طابت على طاعة الله

 

 

 

 

[معلومات العضو محمد بن محسن بن حشفل]

علومك يابو مبارك كلها وافيه اشكرك على مابديت من مشاعر تقبل مني وافر الشكر والعرفان وترجع لنا سالم غانم انشاء الله